Ана тілім-айбыным!

«Мемлекеттік тілді үйрету мектепке дейінгі ұйымдарда басталуы тиіс. Бүгінгі таңда тілді білу - заман талабы»,- деп елбасының қағидасына сүйене отырып,қазіргі таңда мектепке дейінгі ұйымынан бастап мектеп табалдырығын аттаған сәттен ана тілін меңгеруге , сауаттылыққа күш салынуда.

Сол себепті,біздің мектебімізде ай сайын тілдер мерекесіне байланысты іс-шаралар өтуде.Бұл мерекеге шағын орталық тобы да бейжай қалған жоқ.Шағын орталық тобында «Ана тілім - айбыным!» атты мерекелік іс-шарасы өтті.Бұл іс-шараның басты мақсаты балаларды өз тілін құрметтеу, мемлекетімізде тұратын барлық ұлттың тілін құрметтеуге тәрбиелеу.

Мерекелік іс-шара Қазақстан Республикасының Әнұранмен бастау алды.Балалар үш тілде тақпақтарын айтып,мақал-мәтелдердің жалғасын тауып, берілген сұрақтарға дұрыс жауап табуға талпынды.Бұл іс-шарада Айтбай Айару қызымыз елбасы туралы үш шумақ өлеңін оқуымен қатар өзінің елбасы туралы ұран сөздерін айтқанда тәтті қылығымен көзге түсті. Іс-шара соңында «Отан» әнімен аяқталды.Бұл мереке біз үшін өте маңызды.Балаларымыздың болашағы үшін тілдердің орны ерекше .

Әулиекөл ауданы,

№2 Аманқарағай орта мектебінің

шағын орталық тәрбиешісі:

Мұқатова Ғалия Маратқызы.