Кыргыз адабияты. Алыкул Осмоновдун чыгармаларын бышыктоо

Сабактын темасы :

Алыкул Осмонов, чыгармалары боюнча бышыктоо.

Сабактын максаты:

Билим берүүчүлүк:

*Окуучулар улуу жазуучу А.Осмонов, анын өмүр, чыгармачылыгы боюнча алган түшунуктөрүн бекемдешет. Ырлардын мазмунун түшүнүшөт.

Көрсөткүчү:

*Балдар А.Осмоновдун өмүру, чыгармачылыгы менен таанышып, билишсе, кеңири маалымат алышса, ырлардын мазмунун түшунүшсө;

онов

Өнүктүрүүчүлүк:

Логикалык ойлоо жөндөмдүүлүктөрү өнүгөт.Темага байланыштуу тапшырмаларды аткара алышат.

Көрсөткүчү: Текстти талдоону үйрөнүшсө, темага байланыштуу тапшырмаларды аткара алышса;

Тарбия берүүчулүк:

Чыгармадагы тарбиялык идеяларды достору менен бөлүшө алышат. Бири-биринин оюн сыйлоону, мамиле тузүүну үйрөнүшөт.

Көрсөткүчү:

Чыгармадагы тарбиялык идеяларды достору менен бөлүшө алышса,бири-биринин оюн сыйлоону, мамиле түзүүнү үйрөнүшсө.

Сабактын тиби :

Жалпы бышыктоо сабагы

Сабактын формасы:

өз алдынча, жалпы топ менен иштөө

Сабактын жабдылышы:

Окуу китеби, буклет, ватман, түстүү кагаз, слайд

Сабактын жүрүшү:

Уюштуруу: ( класста жагымдуу маанай түзүү)

Өтүлгөн тема боюнча окуучулардын алган билимдерин текшерет, бышыктайт.

Жаңы тема:

Алыкул Осмоновдун чыгармалары боюнча бышыктоо

сабакты баштаардын алдында ноутбуктан сүрөттөр көрсөтүлөт, ал сүрөттөрдүн кандай байланышы бар экендигин аныкташат (барабан, бокс кол кабы)

Бул дүйнөдө узак жашай албады,

Заңгыратып бийик үй да салбады.

Таң атканча кирпик какпай отуруп,

Бүт өмүрүн ыр сабына арнады.

Ички сырын толук жазып бүтө албай

Өмүрүнүн жазын гана жашады.

Окуучулар кайсы акын экенин табышат)

Окуучуларга 2 минуталык слайд көрсөтүлөт.

Окуучулар эки топко бөлүнүшөт.

1-тапшырма : Топторго Алыкул Осмоновдун өмүрү, чыгармалары боюнча суроолор берилет.

1.А.Осмонов качан, каерде туулган?

2.“Жашоо чиркин бир тамшаным нерсе экен,

Кант жедимби, бал жедимби билбеймин” акындын кайсы ырынан?

3.Кайсы балдар үйүндө тарбияланат, анда канча жыл болот?

4.Акындын устаттары кимдер? 5.Алыкул Осмонов эң көп кайрылган тема кайсы?

6.1935-1950-жылдары кайсы китептери жарык көрөт?

7.Эмне себептен А.Осмоновдун тагдыры “таш кесеге” салыштырылат?

8. “Мезгил жана Алыкул” китебинин автору ким?

9.Акындын кайсы ырларына обон чыгарылган?

10 .Алыкул жөнүндө кандай тасма тартылган, тасманын режиссеру ким?

11 .Кыргызстандын Улуттук китепканасына А.Осмоновдун аты кайсы жылы ыйгарылган?

12 .Акындын балдар үйүндогү тарбиячысы ким?

13. Асанова Сонун акындын кайсы чыгармасынын каарманы эсептелет?

14.А.Осмонов атындагы сыйлык качан уюштурулган?

15.“Бүткөн экен кайран өмүр, кайран жан, деп жалооруп көңүлүм шондо бир сынат” акындын кайсы ырынан?

16.Акындын экинчи, үчүнчү өмүрү эмне?

17.Педагогикалык техникумду кайсы жылы бүтөт?

18.Өлүп тирилгендер поэмасындагы өлүп тирилген каармандар кимдер?

2-тапшырма: Сөз-сармерден

Зат атооч

Сын атооч

Алыкул

таланттуу

Сан атооч

Этиш

1915

жазат

Алп акын Алыкул Осмонов.

3-тапшырма: Чыгармаларынан чайнворд түзүү.

1-топко: “Ата-Журт”-

2-топко: “Өзүмдү-өзүм”-

4-тапшырма: Кроссворд чечмелөө

Суроолору:

1.Таланты таш жарган акын.

2.А.Осмонов кайсы райондо туулган?

3.Алгачкы жолу кайсы ыры менен тушоосу кесилген?

4.Шекспирдин кайсы драмасын кыргыз тилине которгон?

5. “Он үчүндө ыр көлүнөн суу ичип”, он бешинде кайсы орустун акыны менен таанышат?

6.1950-жылы кайсы ырлар жыйнагы жарык көрөт? 7.1925-28-жылдары кайсы шаарда балдар уйундо тарбияланат?

8.1950-жылы 12-декабрда кайсы акын дүйнөдөн кайткан?

9.Акындын кайсы ырында адам баласына болгон сүйүүсү берилген?

10. “Кайда жүрбөйт эр жигиттин жаш башы” деген ыр саптары кайсы ырынан?

11.Алыкулдун баш кошкон жары.

12.”Баатырдын баатырына тийсин”-деген ыр сабы кайсы поэмасынан?

13.”Жолборс терисин жамынган баатыр” дастанынын автору ким?

5-тапшырма: Обондуу ырларынан аткаруу

1-топ: “Музыка”

2-топ: “Ак кайың”

Теманы бышыктоо: БББК стратегиясы м.н иштешет

Баалоо: Алган упайлары эсептелинип, жеңүүчү топ аныкталат.

Үйгө тапшырма : “Мен сүйгөн акын” деген темада дилбаян жазып келүү

ор