Жеке тұлғаны әлеуметтендіру-бәсекеге қабілетті тұлға тәрбиелуге бастама. (шағын-эссе)

Жеке тұлғаны әлеуметтендіру-бәсекеге қабілетті тұлға тәрбиелуге бастама. (шағын-эссе)

Оқытушы: Байжанова Г.К.

Мектеп – жеткіншек ұрпақтың ойын қалыптастыратын шеберхана. Егер болашақты қолдан шығарып алғың келмесе, оны қолда берік ұстау керек. Егеменді еліміздің ертеңі болар келешек ұрпақты жеке тұлға ретінде қалыптастырып, бәсекелестікке қабілетті ұрпақ тәрбиелеу.
Елбасы халыққа жолдауында ұлттың, мемлекеттің келешегі бүгінгі ұрпақтың білімі мен тәрбиесіне тікелей байланысты екенін нақты айта келе, бұл орайда ұстаздар қауымына үлкен жауапкершілік жүктеп, сенім артып отырғанын ерекше атап көрсеткен.
«Ел түзетуді бала оқыту ісін түзетуден бастау керек», бұл - алты алаштың ардағына айналған Ахмет Байтұрсыновтың сөзі. Жеке тұлғаны әлеуметтендіру бүгінгі заман талабы. Әлеуметтендіруде басты рол атқаратын отбасы олай болса,мектеп пен отбасы байланысы қажет- ақ. Жеке тұлғаның әлеуметтік ортада өз орнын табуы үшін,мұғалімдер өз жұмыстарында талмай ізденуі мұратқа жеткізіп,алға қойған басты міндетке жетелемек.

Тұлғаны әлеуметтендіру аясындағы тәрбие

Бала жүрегіне жолды сөзбен де, айла, әдіс — тәсілмен де, балаға деген жүрек сезімі — махаббат пен де табуға болады. Жылы — жылы сөйлесең жібімитін жүрек жоқ, тек соған апаратын жолды таңдай білуіміз керек. Тәрбие өнері — ең алдымен адам жүрегіне жол таба білу. «Мұғалім –мектептің жүрегі»-деп Ыбырай Алтынсарин атамыз айтқандай мектептегі бала тәрбиесінің оңтайлы тұсын көре біліп,көрегендік жасау мұғалім үлесінде.Жаһандану үрдісінде елбасымыздың алға тартып отырған міндеттемелерінде баланың білім ордасынан шарықтап шығу кезеңінде,адаспай өз орнын таба алып,ортада алға қойған қоғам міндеттеріне сай,бәсекеге қабілетті,құзыретті тұлға ретінде көріне білуі қажет.