"Жеті лақ" ертегісі

Тақырыбы: «Жеті лақ» ертегісі.

Мақсаты: Балаларды оқылған шағын ертегі желісі бойынша ертегі мазмұнын

Айтып бере білуге үйрету, өз ойларымен бөлісе білуге талпындыру.

Ертегі кейіпкерлерінің қимылын,дыбысын салдырып,кейіпкерлер

бейнесін сомдау қабілеттерін дамыту.

Міндеті: Сахналандыру үстел үсті, театр арқылы кейіпкерді бейнелеуге үйрету,

Ертегілерді тыңдауға,түсінуге,көруге талпындыру.

Көрнекілігі: «Жеті лақ» қуыршақ театры.

Шаттық шеңбері: Балалар бір-бірімен амандасып, «Қайырлы күн,бүгінгі күн шуақты нұрлы болсын!» деп тілек білдіреді,достық, ынтымақтастық сыйлайды.

Балалар мен бүгін сендерге «Жеті лақ» ертегісін оқып беремін.

Ертегі оқылады.

-Балалар ертегі сендерге ұнады ма?

- Ертегі кейіпкерлерін атап көрейікші.

- Анасы орманнан келгенде балаларына қандай өлең айтады екен?

Балаларым, шырағым,

Қутыңдаған шұнағым,

Сендерге сүт әкелдім,

Есікті ашшы,лағым.-деп хабар береді екен.

• Ешкінің бұл айласын кім естіп қояды?

• Қасқыр.

• Балалар сендер де лақтар сияқты бөтен кісілерге есік ашасыңдар ма?

• Жоқ ашпаймыз. Анамыздан рұқсат сұраймыз.

Сергіту сәті: Ал, балалар келіңдер,

Бой жазайық бәріміз-

Мойнымызды бұрамыз,

Қолымызды созамыз,

Аяқтармен топ-топ басып,

Орнымызға барамыз.

-Балалар ешкі үй жануарына жата ма?

-Әрине

-Ешкінің төлін не деп атаймыз?

-Лақ дейміз.

Шөре-шөре,лағым,

Тентек болма, шырағым!

Секектеме, деміңді ал,

Селтеңдемей құлағың.

Балалар өз қалауы бойынша ертегі кейіпкерлерін таңдап алып,рөлдерге бөлініп ертегіні сомдауға кіріседі.Балалар бойында қуаныш сезімдері пайда болады.

Күтілетін нәтиже:

Білу қажет: Ертегі аттарын, кейіпкерлерді атап, мазмұнын айта білу.

Игереді: ертегі айту, жаттығуды іс-әрекет арқылы жасай біледі, сахналандыру

түсініктерді қалыптастыру.

Меңгереді: кейіпкер бейнесіне ену, ертегі эмоциямен айту, тақпақтарды мәнерлі айту қабілеттері артады.

Ертегі кейіпкерлеріне ат салысып ойнағандар:

Қасқырдың рөлінде –Рамазан

Ешкі рөлінде- Нұрай

Жеті лақ рөлінде- Қуаныш, Эмелья, Бекзат,Бақдаулет, Бақберген,Кәусар,

Темірлан.

Бекітемін:

Аға тәрбиеші:-------Есқабылова. Ұ

Тәрбиеші: Нұрмағанбетова. З.К.

9.11.2015 оқу жылы.