1. ԿՈՌՈՒՊՑԻԱՅԻ ՀԱՍԿԱՑՈՒԹՅՈՒՆԸ և ՀԱՏԿԱՆԻՇՆԵՐԸ:
«Կոռուպցիա» բառը ինչ-որ ժամանակ նշանակում էր փչացվածություն, բարոյական անկում: Այժմ այն հասարակական իրողություն է, որ դարձել է ազգային և միջազգային հիմնախնդիր և վտանգում է հասարակական համակարգի հիմունքները:
Կոռուպցիան հասարակական իշխանության չարաշահումն է անձնական օգուտի ստացման նպատակով, որը վնասում է անհատի, հասարակության, պետության շահերը:
Կոռուպցիան արարք է, որը կատարում է իշխանությամբ օժտված անձը անձնական օգուտի ստացման նպատակով: Ուստի կոռուպցիան ենթադրում է հետևյալ բաղադրատարրերը:
1. Կոռումպացված անձը՝ պաշտոնյան, որն ունի իրավազորություն ընդունել հասարակության համար կարևոր որոշումներ: Պետական ծառայողները կամ պաշտոնատար անձինք պարտավոր են պատշաճ կերպով կատարել իրենց պարտականությունները, օրենքները, պահպանել բարոյաէթիկական կարգապահությունը:
Հասարակության, մարդու համար կարևոր է առողջ, կայուն պետական ապարատը, ինչն իր հերթին կախված է պետական ծառայողների ազնվությունից, իրենց գործի համար պատասխանատվության զգացումից:
Կոռուպցիայի սուբյեկտը միշտ հանրային իշխանության ծառայող է կամ նրան հավասարեցված անձ, որին վստահվել է պաշտոն հանրային խնդիրներ լուծելու համար: Օրինակ՝ մենք ուզում ենք բացել մեր սեփական գործը: Դրա համար անհրաժեշտ է, որ մենք գրանցվենք համապատասխան մարմնում որպես անհատ ձեռնարկատեր: Գրանցում իրականացնող սուբյեկտը պետական պաշտոնյան է, որին օրենքով վստահված է այդ որոշումը կայացնելու իրավազորությունը:
2. Անհատը կամ անհատները, որոնք ուզում են ձեռք բերել իրենց հարմար որոշումը: Օրինակ՝ մենք մասնակցում ենք ինչ-որ մրցույթի( բուհական քննություն), որում հաղթելը մեզ համար շատ կարևոր է, և մենք պատրաստ ենք ցանկացած քայլի:
3. Որոշումներ ընդունելու կարգը, իրավական նորմերը: Կոռուպցիայի դեպքում որոշում ընդունողը խախտում է հասարակական կյանքը կարգավորող օրենքները, իրավական զկբունքները, ընթացակարգերը:
4. Որոշում ընդունողի և որոշմանը սպասող անհատի միջև փոխշահավետ ապօրինի համաձայնությունը: Արդյունքում լիազորված պետական այրը ստանում է վարձատրություն, նվեր կամ այլ օգուտ, իսկ մենք՝ մեր համար որոշումը, օրինակ՝ մրցույթում հաղթողի հավաստագիրը:
5. Կոռուպցիայի հետևանքով վնաս է հասցվում հասարակությանը: Օրինակ՝ բուհական ընդունելության քննության կարգի խախտմամբ բարձր միավոր է նշանակվում իր գիտելիքներով անարժանին, իսկ արժանավորը դուրս է մնում մրցույթից: Հասարական այդ վնասը շարունակվում է շղթայաձև: Այսպիսով՝ կոռուպցիան խեղաթյուրում կամ հերքում է իրավական պետության սահմանադրական դրույթները և դրանով իսկ քայքայում է մարդկանց վստահությունը ոչ միայն պետական ծառայության, այլև ողջ պետության նկատմամբ: Կոռուպցիայով վաճառվում կամ գնվում է արդարություն:
2. ԿՈՌՈՒՊՑԻԱՅԻ ՁԵՎԵՐԸ:
Կոռուպցիայի ձևերը այն արարքներն են, որոնցով վաճառվում են պետական, քաղաքական կամ այլ որոշումները:
Կոռուպցիայի ձևերից են ծառայության մատուցում, ինչ-որ թույլտվության կամ որոշման տրամադրման արագացում, պետական պատվերի կամ գործունեության լիցենզիայի տրամադրում, պաշտոնի կամ աշխատանքի նշանակում կամ ավելի բարձր պաշտոնի փոխադրում, պարգևատրում, գաղտնի տեղեկատվության տրամադրում, հարկեր մուծելուց ազատում, հանցագործության թաքցնում և չգրանցում, պատժի մեղմացում, պատասխանատվությունից ազատում , օրենքի ընդունում:
Կոռուպցիայի հանցագործությունների շրջանակի մեջ են մտնում կաշառք ստանալը, պահանջելը, տալը, անտնտեսվարությունը, պետական գույքի հափշտակությունը, գաղտնի պետական տեղեկատվության ապօրինի օգտագործումը, իշխանական լիազորությունների և ազդեցության առևտուրը, դրա օգտագործումը անձնական օգուտ ստանալու համար, ապօրինի հարստացումը չինովնիկական ծառայությունների շուկայի օգտագործմամբ, պետական պատվերների մրցույթներին միջամտությունը, պաշտոնական պարտականությունները չկատարելը և այլն:
Կոռուպցիայի հատուկ կազմակերպված ձևերն են ապօրինի կլիենտությունը, նեոպոտությունը: Կլիենտությունը հարաբերությունների համակարգ է, որը հիմնված է հովանավորի և այլ անձի կամ անձանց փոխշահավետ պարտավորությունների և կապերի վրա: Նեոպոտությունը ազգակիցների, ընկերների կամ ծանոթների նեղ շրջանակից մարդկանց պաշտոնի նշանակելն է:
3. ԿՈՌՈՒՊՑԻԱՅԻ ՎՆԱՍԱԿԱՐ ՀԵՏԵՎԱՆՔՆԵՐԸ:
Ամեն մի հանցավոր գործողություն միշտ վնասում է հասարակական, պետական, անհատական շահերին:
Կոռուպցիայի հետևանքները հանրային իշխանության ոլորտում
Կոռուպցիան և հանրային արդյունավետ կառավարումը անհամատեղելի են: Կոռուպցիան խաթարում է իրավական և սոցիալական պետության հիմքերը, քայքայում է հասարակության վստահությունը ժողովրդավարության նկատմամբ: Հանրային կառավարման ոլորտում առաջացնում է բազում վնասակար հետևանքներ:
Կոռուպցիան փոխում է պետական ծախսերի կառուցվածքը,
Կոռուպցիան փոշիացնում է պետական միջոցները,
Կոռումպացված չինովնիկները և իշխանությունը թույլ են, անառողջ, կողմնակալ,
Կոռուպցիայի գործողության արդյունքում ազգային-պետական ռազմավարական մտածողությունն իր տեղը զիջում է չինովնիկական եսասիրությանը:
Կոռուպցիայի հետևանքով աճում է բյուրոկրատիզմը, քաշքշուկը պետական ապարատում, ընկնում է հանրային ծառայությունների որակը:
Կոռուպցիայի հետևանքները տնտեսական ոլորտում
Կոռուպցիան սահմանափակում, ի չիք է դարձնում ազատ մրցակցության սահմանադրական սկզբունքը, ինչի հետևանքով հատկապես տուժում են մանր ձեռնարկատերերը և սպառողները:
Կոռուպցիայի պայմաններում շուկայում ընկնում է ապրանքների և ծառայությունների որակը, բարձրանում են գները:
Կոռուպցիան նպաստում է ներդրումների և ձեռնարկատիրական գործունեության քանակական նվազմանը, քանի որ ձեռնարկատերերը վճարվող կաշառքն առանձնացնում են իրենց շահութբաժնից:
Կոռուպցիան նվազեցնում է միջազգային կազմակերպությունների, այլ պետությունների, օտարերկրյա ձեռնարկատերերի ներդրումների քանակը, քանի որ պետությունը կորցնում է իր վստահությունը:
Կոռուպցիայի սոցիալ-քաղաքական հետևանքները
Կոռուպցիայի պայամններում մարդիկ, հիասափվելով կոռումպացված քաղաքագետներից և պաշտոնատար անձանցից, կորցնում են վստահությունը պետության նկատմամբ:
Կոռուպցիան հանգեցնում է մարդու և պետության օտարացմանը:
Կոռուպցիան ի չիք է դարձնում քաղաքական մրցակցությունը,քաղաքականության նկատմամբ հետաքրքրությունը, նպաստում քաղաքացիների անտարբեր դիրքորոշման ձևավորմանը:
Կոռուպցիոն պետական ապարատից դժգոհությունն առաջացնում է հիասթափություն ժողովրդավարության նկատմամբ և նպաստում հակաժողովրդավարական, դիկտատորական գաղափարախոսությունների արմատավորմանը:
Կոռուպցիան առաջացնում է հասարակական դժգոհություն, սոցիլական լարվածություն:
4. ԿՈՌՈՒՊՑԻԱՅԻ ՊԱՏՃԱՌՆԵՐԸ ԵՎ ԴՐԱՆՑ ՀԱՂԹԱՀԱՐՄԱՆ ՈՒՂԻՆԵՐԸ:
Կոռուպցիան ունի մարդաբանական պատճառներ: Նրա խորքային արմատները թաքնված են մարդկային եսասիրություն, շահամոլության ակունքներում: Կոռուպցիոն վարքագիծն առաջանում է, եթե խաթարվում են ընդհանուր հասարակական բարոյահոգեբանական հիմքերը: Հասարակական այդ տրամադրությունները տեղափոխվում են հանրային կառավարման ոլորտ, ինչի հետևանքով պաշտոնյաներն օգտագործում են իրենց ծառայողական դիրքը հարստանալու համար: Պաշտոնը դառնում է ապօրինի նյութական բարեկեցության երաշխիք:
Կոռուպցիան ունի պատմամշակութային պատճառներ: Ժողովրդի պատմաքաղաքական զարգացման պայմանների ազդեցության ուժով ձևավորված հոգեմտակերպը և ավանդույթները կարող են նպաստել կոռուպցիային: Կոռուպցիայի նման պատճառները հաղթահարելու ուղին հասուն քաղաքացիական հասարակության կայացումն է, բարոյաէթիկական հակակոռուպցիոն դաստիարակությունը:
Կոռուպցիան ունի սոցիալ-տնտեսական պատճառներ: Երկրի տնտեսության վատ վիճակը և զարգացման մակարդակը, գործազրկության մեծ քանակը, պետական բյուջեի սակավությունը, հայրենական և օտարերկրյա ֆինանսական օլիգարխիայի միջամտությունն ազդում են կոռուպցիայի մակարդակի վրա: Կոռուպցիոնե չեն ծնվում, այլ դառնում են, եթե հասարակական կյանքում կան կլիենտային հարաբերություններ:
Կոռուպցիան պայմանավորված է պետաիրավական համակարգի թերություններով: Որպես կանոն, արդեն ձևավորված պետաիրվական համակարգերումկոռուպցիան իր մակարդակով շատ ցածր է: Դրան հակառակ՝ նորաստեղծ պետաիրավական համակարգերում օրենսդրության անհստակությունը, հակասությունները, անընդհատ փոփոխությունները և այլն նպաստում են կոռուպցիոն երևույթների մակարդակի աճին:
Կոռուպցիայի դեմ պայքարը և հաղթահարման ուղիները: Նորաստեղծ ժողովրդավարական պետություններում կոռուպցիայի մակարդակն իջնեցնելու համար անհրաժեշտ է իրականացնել համառ, հակակոռուպցիոն ռազմավարություն տարբեր բարեփոխումների միջոցով: Այդ միջոցներն են՝
անհատների և պաշտոնյաների փոխգործողության առավել հնարավոր ապաանձնավորումը՝ «մեկ պատուհանի» և տեղեկույթի էլէկտրոնային փոխանակման համակարգին անցնելով.
վարչակառավարչական որոշումների ընդունման ընթացակարգը փուլերի բաժանելը՝ դրանցից ամեն մեկն իրարից անկախ պաշտոնյաներին ամրացնելով՝ միմյանց վրա հսկողություն իրականացնելու նպատակով.
պաշտոնատար անձանց հաճախակի տեղափոխումները,
պետական պաշտոնյաներին առևտրային գործունեությամբ զբաղվելն արգելելը, նրանց եկամուտների նկատմամբ վերահսկողությունը , նվերների գրանցումը, որոշումների և կոլեգիալ որոշումների քանակի կրճատումը:
Կոռուպցիայի դեմ պայքարի նպատակով հիմնադրվել է միջազգային կազմակերպությ