"Өнеге отбасынан" - 2 сынып

Шымкент қалалық білім бөлімі

№97 жалпы орта мектебі

АШЫҚ САБАҚ

Тақырыбы: «Өнеге отбасынан»»

2 «Б» жетекшісі: Абдрахманова Г.

Шымкент

Ашық сабақ тақырыбы: «Өнеге отбасынан»

Мақсаты:   отбасы және отбасы тәрбиесі, оның бала өміріндегі маңызы туралы түсінік беру, қоршаған ортадағы адамдармен дұрыс қарым-қатынас жасауға үйрету, үлкенді құрметтеп, кішіге ізет көрсетуге баулу

1 Ұйымдастыру кезеңі. Шаттық шеңбері.Балалар 3 топқа суреттер арқылы бөлініп отырады.  

Отбасы туралы видеоролик көрсету.

-Бұл көрініс не туралы?

«Отбасы» — деген сөзді қалай түсінесіздер?

- Кім өзінін отбасы туралы айтқысы келеді екен? 

Сызба бойынша түсінік:                                     

                                      Табиғат

                     өлі                                          тірі 

адамдар                өсімдіктер                    жануарлар 

қоғам                  

            отбасы

                                      тәрбие

ғибрат                материалдық асырау

• Ғибрат дегеніміз не?

• Ғибрат — өнеге, тәлім — тәрбие беруге үйрету. Ата — баба салт дәстүрін үйрену. Ырым-тыйымдарды меңгеру.

• Біз тәлім — тәрбиені қайдан үйренеміз?

• Отбасынан, мектептен.

• Отбасы дегеніміз не?

• Отбасы — әр адамның шағын отаны, қоғамның бір бөлшегі. Ата-аналар баласының күнделікті өмірі мен ісіне басшылық жасайды. Баланың жан-дүниесінің қалыптасуында маңызы зор рухани және еңбек дәстүрлері турасында тәрбиелейді. 

Қазақ отбасы үш буыннан құралады: 

ата-әже                        әке-шеше

                    ОТБАСЫ

                     ұл-қызы 

Өнегелі отбасы болу үшін әрбір мүшесі тазалықты бірінші орынға қою керек: 

иман                                       ішкі

                    ТАЗАЛЫҚ

әдеп                                        сыртқы 

ІІ. «Мың бір мақал, жүз бір жұмбақ» ойыны.

Оқушыларды 3 топқа бөліп, мақал-мәтелден сайыс ұйымдастыру.

І — топ. Әке туралы

Әкеге қарап ұл өсер, шешеге қарап қыз өсер.

Ата — балаға сыншы.

Ата — бәйтерек, бала — жапырақ.

Атадан бала туса игі, ата жолын қуса игі.

ІІ — топ. Бала туралы

Балалы үй — базар, баласыз үй — қу мазар.

Балаң жақсы болса,

Жердің үсті жақсы.

Балаң жаман болса,

Жердің асты жақсы.

Қыз — қуыршақ,

Бала — құлыншақ.

Әдепті бала ата-анасын мақтатар,

Әдепсіз бала ата-анасын қақсатар.

ІІІ — топ.  Ана туралы

Ананың сүті — бал,

Баланың тілі — бал.

Күннің шуағы жылы,

Ананың құшағы жылы.

Шешесін көріп қызын ал.

Ана көрген тон пішер. 

Уақыт бойынша есептеп, көп мақал айтқан топты мадақтау. 

ІІІ. Ой шақыру.

І-топ              әке - қорғаның қамқорың    ақылшың асқар тауың              

ІІ-топ        ана- жаңашырың мейірімді жан   асыл адам   ұстазың                 

 ІІІ-топ туыстар -          әпке,жезде, аға, апа жиен, бөле, ағашы                                  

ІV. Қонақ түрлері.

Қ.Мырзалиев

Осындай жомарт қазақ топырағы

Ол қашан дастархансыз отырады?

Қонаққа барын беріп, нәрін беріп,

Қонақтан қалғанын жеп отырады.  

1. Арнайы шақырумен келетін қонақты — арнайы қонақ дейміз.

2. Құдайы қонақ — жолаушылап кетіп бара жатып, жолдан кіретін қонақ.

3. Қыдырма қонақ — ерігіп үй аралап жүретін қонақ.

4. Қылқима — қай үйдің түтіні қою болса, сол үйге келетін қонақ. 

1. «Менің отбасым». Әр топ отбасының сурет салады не моделін құрастырады. 

VІ. Қорытынды.Сонымен балалар, отбасы деген не екен?

• Қандай туыстар бар?

• Отбасының негізгі мүшелерін ата?

• Тазалықтың негізгі неше түрі бар? Оқушылармен сабақтың өту барысы туралы кері байланыс жасау