Ашық сабақ: Мейірімділік- асыл қасиет

Сабақатың мақсаты: оқушыларға мейірімділіктің адам өміріндегі маңыздылығын ұғындыру арқылы сүйіспеншілік құндылығының мәнін ашу.

Сабақтың міндеттері:

• Оқушыларға сүйіспеншіліктің адам өміріндегі маңыздылығын ұғындыра отырып, мейірімділік, жанашырлық, қамқорлық қасиеттері туралы түсінік беру;

• Оқушыларды өзіне және өзгелерге жақсылық жасауға баули отырып, жауапкершілікке үйрету;

• Оқушыларды мейірімді, жанашыр, қамқор болуға тәрбиелеу.

Ресурстар: (құралдар, мәлiметтер) интербелсенді тақта, оқулық, дәптер, үлкен ватман қағаз, түрлі түсті суреттер, қима қағаздар, үнтаспа.

Сабақ барысы:

Ұйымдастыру кезеңi. Сабақтағы жағымды күйге келу. 5 Т ережесін еске түсіру (барлық ойымызды, сөзімізді, ісімізді осы ережеге бағындыру).

Топқа бөлу: Оқушылар қоржыннан суреттерді таңдап алу арқылы төрт топқа бөлінеді.

1-топ: Сүйіспеншік

2-топ: Мейіріділік

3-топ: Жанашырлық

4-топ: Қамқорлық.

Тыныштық сәті: Орманға ойша серуен

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны терең жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Айналаңызға зейін салыңыз. Табиғаттың әсемдігі мен балғындығын сезініңіз. Жап жасыл шөптер, жайқалған гүлдер, сылдырлап аққан бұлақ, әнші құстар... Сіз табиғат аясында өзіңізді бақытты әрі қауіпсіз сезінесіз.

Терең тыныс алыңыз және қоршаған айналаның жым- жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және өзімізді бақытты сезіну қандай ғажап. Іштей айтыңыз «Мен бақыттымын», «мен баққытты баламын», «мен бақыттымын». Осы жым- жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

.

Өткен сабақты еске түсіру: «Тақия тастамақ» ойыны

Бір ойын бар бастамақ,

Оның аты тақия тастамақ,

Аспаймын, саспаймын

Ортаны аралай бастаймын.

Біріңнің қасыңа барғанда

Тақияны кигізіп тастаймын.

«Сары тауық пен балапандары» әңгімесін оқу, талқылау.

• Сары тауық өз балапандарын қандай жақсы қасиеттерге баулыды?

• «Күн ашылып ана жүрегіндей жадырады» дегенді қалай түсінесіңдер?

• Ал сенедер мейірімділікті, қайырымдылықты кімдерден үйреніп жүрсіңдер?

Интербелсенді тақта, қалпақ.

Дәйексөз.

“Мейрімділікті анадан үйрен”

Халық даналығы

• Дәйексөздің мағынасын қалай түсінесіңдер?

• Жақсылықты риясыз жасау дегеніміз не деп ойлайсыңдар?

• Жақсылықты риясыз жасайтын адамның бойында қандай қасиеттер қалыптасады?

Оқушылардың ойлары негізінде қорытынды жасау.

Ана халық ұғымында жаратушы. Олай дейтінім, табиғатты да, адамды да дүниеге әкелуші ана. Ал барлық нәрсенің дүниеге келуі үлкен мейірім мен шапағаттан басталады. Табиғаттың барлық жанға бірдей болуы сондықтан. Адамның ананың кіршіксіз мейірінен берілген мейірімділігін сақтап қалуы өз қолында.

Оқулық, интербелсенді тақта, қосымша дерексөздер.

Мұғалім сыйы: «Анаңдай ғазиз мейірбан, табылар саған қай жерден?!»

Ой қозғау

• Біреу саған мейірімділік көрсеткен кезде қандай сезімде боласың?

• Анаңа деген сүйіспеншілігіңді қалай білдіресің?

Бейнеролик

Шығармашылық жұмыс: «» стратегиясы

1-топ: «Мейірім төгетін ана» тақырыбында коллаж жасау.

2-топ: «Ана» туралы өлең құрастыру.

3-топ: Мейірімділік туралы эссе жазу.

4-топ: «Мейірімділік кестесін» толтыру.

Дәптермен жұмыс:

Интербелсенді тақта, ,қима қағаздар, А3 форматтағы қағаздар, түрлі түсті қарындаштар, суреттер.

Оқушы дәптері

Топтық жұмыс.Топпен ән айту

Ана туралы жыр

 Әлемнің жарығын сыйладың сен маған.

Даланың әр гүлін жинадың сен маған.

Сен бердің құстардың қанатын самғаған,

Балалық құштарым өзіңе арнаған.

Қайырмасы:

Әлдилеп, аялап, өсірген жемісің,

Самал жел, сая бақ құшағың мен үшін.

Есейіп кетсем де мен саған сәбимін.

Көңіліңді көктемдей көзіңнен танимын.

Өтеуге борышың, анашым, жан сырым,

Іздедім сен үшін әлемнің асылын.

Әлемнің байлығын сыйлар ем, кеш мені,

Сыйлар ем ай-күнін, қолыма түспеді.

Қайырмасы:

Әлдилеп, аялап, өсірген жемісің,

Самал жел, сая бақ құшағың мен үшін.

Есейіп кетсем де мен саған сәбимін.

Көңіліңді көктемдей көзіңнен танимын.

Ете гөр қанағат, әзірге берерім,

Балалық махаббат, балалық жүрегім.

Бол риза анашым, қолдағы осы бар,

Өзіңе арнаған әнімді қосып ал.

Қайырмасы:

Әлдилеп, аялап, өсірген жемісің,

Самал жел, сая бақ құшағың мен үшін.

Есейіп кетсем де мен саған сәбимін.

Көңіліңді көктемдей көзіңнен танимын.

Үнтаспа, интербелсенді тақта.

Үй тапсырмасы. «Анама сый»

Оқулық

Бағалау. Сабаққа белсенді қатысқан оқушыларды көңіл – күй суреттерімен бағалау.

Стикерлер

Соңғы тыныштық сәтi. 
Баяу әуен қойылады. Оқушылар денесін, басын тік ұстап, көзін жұмып отырады. 
Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық!

Үнтаспа