" Алтын күз" Аппликация

ІІ кіші «Айгөлек» тобына ұйымдастырылған оқу қызметінің конспектісі

Өтпелі тақырып "Менің отбасым"

ІV апта № 2

Тәрбиеші: Айтжанова Райхан Ауезхановна

Күні: 22.10.2018ж.

Білім беру саласы: «Шығармашылық»

Бөлімі: Аппликация

Тақырыбы: " Алтын күз"

Мақсаты: Бейнеленген заттарға сәйкес түрлі-түсті қағаздардан дайын пішіндерді таңдауды, желімді қылқаламға ұқыпты түрде жағуды, күздегі ағаштың бейнесін жасауды үйрету.

Көрнекіліктер: сурет, желім, қылқалам, кленка, майлық, дайын үлгі (дайын пішіндер, ағаш)

Кіріспе бөлім: Балалар шаттық шеңберінде дөңгелене тұрып:

- Армысыз, Алтын күн!

- Армысыз, қайырымды Аспан-ата!

- Армысыз, мейірімді Жер-ана!

Күліп шықты күн бүгін!

Қуанайық, шаттанайық бәріміз!

Негізгі бөлім: Көктем мезгілінде жер жыртылып, тұқымы себіледі. Жаз мезгілінде егіншілер осы егін даласында аянбай еңбек етеді. Күз мезгілінде барлық жемістер мен жидектер, көкөністер, бидай пісіп жетіледі. Егілген бір дән-мың дән болып қайтады. Сондықтанда «Күз –молшылық, береке» деп атайды.

«Табиғат сыйы» дегеніміз - бұл табиғаттың шексіз байлығы болып саналатын күз мезгілінің ерекшілігін, алуан-түсті жапырақтар мен ауа-райының ерекшілігін білдіреді.

Сергіту сәті:

Алтын-сары, қызыл-көк

Алуан, алуан жапырақ.

Күзгі бақта күлімдеп,

Көз тартады атырап.

Күзгі бақта шаттана,

Билейміз біз айнала.

Сөздік жұмыс: күз, алтын сары жапырақ.

Билингвалды компонент: күз-осень

Тәрбиеші аппликация барысында қауіпсіздік ережесін еске салу.

Ақ қағазға дайын үлгідегі заттарды жапсыру керектігін көрсету.

Балаларды қадағалау. Үлгірмей жатқан балаларға көмектесу.

Д\о: «Кім жылдам?» Көрнекілік: Муляждар \көкөністер мен жемістер және пішіндер\

Мақсаты: Балаларды жылдамдыққа, ептілікке, көкөністер мен жемістерді ажыратуға және пішіндерге сәйкестендіріп қоюға үйрету.

Қорытынды: Балалардың еңбегін ескеріп, мақтап, мадақтау.