«Җаңһр, Хоңһр, альдвт?» Көглтин Дава.

Кичәлин төр: «Җаңһр, Хоңһр, альдвт?» Көглтин Дава.

Кичәлин күцл:

1. Көглтин Даван шүлгин һол ухань цәәлһх: тег хальмг күүнд ямаран үнтә болҗана;

2. Айслулҗ умшлһ кеһәд, үгдән оньгта, шинҗч болхиг дасулх;

3. Җаңһрин баатрмудын зөргтә йовдлыг сергәх;

4. Ямаран художественн эв-арһар Көглтин Дава шүлгин һол ухаһинь медүлҗ;

5. Үгин тольла таньлдулх.

Кичәлин дөңцл: компьютерн слаймуд.

Кичәлин йовуд

1. Мендллһн.

2. Көглтин Даван зург:

- Эн кемб?

- Юуһарн Көглтин Дава мөңкинд мана зүркнд, хальмг болн орс литературт мөңкрв?

- Юуһарн эн туурв?

3. Көглтин Дава 1941-1942 җилд Моңһлын орн-нутгт церглҗәлә.

- Моңһлын тускар ю меднт? Нутг хама бәәршҗ?

- 1942 җилд Хальмг Таңһчур кен дәврҗ?

4. Эндр мадн Көглтин Даван шүлглә «Җаңһр, Хоңһр, альдвт?» таньлдхмн.

Кичәлин күцл мониторт умштн.

5. Толин көдлмш.

6. «Җаңһр, Хоңһр, альдвт?» айслулҗ багш умшна.

7. Шүлгин анализ:

- Ямаран седклин бәәдләр Көглтин Дава эн шүлгән бичҗ?

- Ямаран седвәр эн шүлгт үзүлгдҗәнә?

- Лирическ дүрин җирһлд тег ямаран орм эзлҗәнә?

- Лирическ дүр теегәсн ю сурна?

- Юңгад лирическ дүр амн үгин зөөрин баатрмудт Арнзл дуудвран өгчәнә?

8. Художественн эв-арһ

- Ямаран художественн эв-арһар Көглтин Д. шүлгчин һол санаһинь цәәлһҗ?

- Хәләтн художественн эв-арһ мониторт бичәтә.

- Анафор олҗ автн.

- Юңгад Көглтин Дава дүңцүллһ олзлна?

- Дүрс дуралһ олтн.

9. Сурһульчнр айслулҗ шүлг умшна.

10. Үгәрн зург зурх.

11. Гертән шүлг айслулҗ умшх. 3 бадг дасх.

12. Кичәлин ашнь.