Тақырыбы:"Менің сүйекті отбасым"

Ақтөбе қалалық білім бөлімі

№9 «Бәйшешек» мектепке дейінгі ұйымы

Ашық сабақ

Тақырыбы: «Менің сүйікті отбасым»

Тәрбиеші:Абилдаева А.К.

Актобе каласы

Тақырыбы: «Менің сүйікті отбасым»

Мақсаты:

Білімідік: Отбасы туралы түсініктерін кеңейту қонақжайлыққа үйрету, әдептілік ережелеріне баулу.

Дамытушылық: бейнелі ойлауын дамыту. Отбасындағы өзара сыйластық қарым – қатынасын дамыту.

Тәрбиелік: Отбасы мүшелеріне деген сүйіспеншілігін арттыру, оларды сыйлауға тәрбиелеу.

Сабақтың көрнекілігі: Отбасылық суреттер, ойындар.

Мотивациялық түрткі болатын шаттық шеңбері

• Балалар бәріміз ортаға шығып, шаттық шеңберін құрайық. Бәріміз бір – біріміздің қолымыздан ұстап алақан жылуларын сезінейік. Қандай тамаша!

Шаттық шеңбері

Қайырлы таң, алтын күн!

Қайырлы таң, көк – аспан

Қайырлы таң, жер – ана

Қайырлы таң, балалар

Қайырлы таң, қонақтар.

Қайырлы күн, менің сүйікті балаларым! Бүгін біз үшін өте ерекше, әрі әсерлі сабақ. Бүгін бізге қонақтар келіп отыр.

Ішке (көңілсіз көжек) кіреді.

• Сәлеметсіздер ме, балалар!

• Мен кішкентай көжекпін,

Жүгіргенде өжетпін.

Шауып жүріп орманда,

Адасыппын, білмеппін.

• Көмек сұрап сіздерге,

Келіп тұрмын, балалар

Отбасымды, панамды

Тауып берші анамды.

• Балалар көжек өз отбасын жоғалтып алған екен. Біз оған көмектесеміз бе?

• Иә.

Ол үшін балалар, біз қоянның ізімен жүріп тапсырмаларды орындауымыз керек.Тапсырмаларды дұрыс орындасақ көжекті үйіне апара аламыз.

Тапсырмалар:

• Мнемокестеге қарап, қыс мезгілін әңгімелеу. Қыс айларын атау (Желтоқсан, Қаңтар, Ақпан).

• «Мынау кім?» дидактикалық ойыны. Отбасы мүшелерін атап, сипаттау;

Ана – мейірімді, әдемі, аяулы, жақсы, сұлу.Мен анамды жақсы көремін

Әке – ақылды, салмақты, қамқоршы, асқар тау. Мен әкемді жақсы көремін.

Ата – қайырымды, адал, байсалды, ақ сақалды. Мен атамды жақсы көремін.

Әже – қонақжай, шыдамды, дана, ардақты. Мен әжемді жақсы көремін.

• Саусақ жаттығуы.

Бас бармағым атам – үйдің данасы.

Балан үйрек әжем – ошақ анасы

Ортан терек әкем – ошақ панасы

Шылдыр шүмек анам – шаңырақ ажары

Кішкентай бөбек мен – үйдің базары.

• «Буыннан өлең құрастыру» ойыны.

• На – на – на – қандай сұлу ана

• Ке – ке – ке - қандай жақсы әке

• Та – та – та – бата берді ата

• Ға – ға – ға – қайырымды аға

• Пе – пе – пе – сүйкімді – ғой , бөпе.

• Фотоколлажға қарап, өз отбасы туралы әңгімелеу.

1 – бала. Мынау – менің отбасым. Отбасымда атам, әжем, әкем, анам, мен бармын. Отбасы тату, бақытты. Мен отбасымды жақсы көремін.

2 – бала. Менің отбасымда әжем, әкем, анам бар. Әжем – зейнеткер. Анам, әкем жұмыс жасайды. Мен балабақшаға барамын. Мен отбасымды жақсы көремін.

• Міне, балалар соңғы тапсырманы орындап, көжектің үйіне келдік.

• (Қоян шығады).

Көжегім – ау, көжегім,

Кіп – кішкентай, бөбегім.

Анаң сені іздеді,

Қайда екеніңді білмеді.

• Рахмет, сіздерге балалар!

Отбасы – ол бақыт,

Отбасы – ол ата- ана.

Жүректен – жүрекке: Балалар бір – бірінің қолдарынан ұстап, шеңбер құрады.

• Аяулы анам мейірімді!

• Қадірлі әкем мейірімді!

• Әлпештеген әжем мейірімді!

• Еркелеткен атам мейірімді.

Қорытынды:

Отбасы – ол ең жақын адамдардың ошағы. Әрқашан отбасы мүшелерін сыйлап, құрметтеу керек екені айтылады.

Көріскенше күн жақсы,

Сау – саламат болайық!

Күтілетін нәтиже:

Білу керек: Ата, Әже отбасы тірегі. Оларды сыйлау керек.

Түсінуге тиіс: Ата, әже, ана, әке, аға, апа – бәрін отбасы дейміз.

Істей білуі керек: Біздің кішкентай жүрегіміз бәрін жақсы көреді.