Сценарий Мен елімді жырлаймын

Сценарий «Мен елімді жырлаймын»

Мақсаты:

а) Оқушыларды саяси саналылыққа ,достыққа, адамгершілікке, саналылыққа, 
елінің мұрасын жалғастырушы азамат болуға тәрбиелеу. 
ә) Елін, жерін, тілін, әдет-ғұрпын құрметтейтін, өз Отанын сүйетін тұлға 
қалыптастыру. 

1.Оқушы:Қайырлы күн! 2018 жылдың бас мерекесі,гүлдей жайнаған Астанамыздың 20 жылдық мерей тойы құтты болсын!

2.Оқушы:

«Асан қайғы,Қорқыт өскен-Астана,

Кенесары,Наурызбай жортып өткен –Астана.

Есіл,Нұра екі өзен нәрін тосқан –Астана,

Ақан, Ғазиз, Біржан сал әнін қосқан –Астана»

3.Оқушы: Бүгін біз осындай сөздерді құрметпен,бойымызға біткен ұлтшылдық сезіммен көкірегімізді керіп,басымызды көтеріп,аса мақтанышпен айта аламыз.

4.Оқушы:«Елдігіміз еңселі,тәуелсіздігіміз тұғырлы болып,еліміз мәңгі жасап,қол жеткізген жетістігіміз молайсын,жайнай берсін.

Асқақтай бер,ару қала – Астана.

Туған күнің құтты болсын,Астана!»

дей келе Астанамыздың 20 жылдығына арналған фестивалге Ғабит Мүсірепов атындағы № 43 орта мектебінің оқушылары дайындаған «Болашаққа ұмтылған қала» атты бағдарламасын ұсынамыз.

5.Оқушы:

Жұлдыздары жамырап,ай кетпейтін –Астанам,

Қыс та, қиып кете алмай,жай көктейтін –Астанам.

Ақтарылып ауасы,ағылатын –Астанам,

Ертегімсің сен менің,шынға айналған -Астанам.

Көрініс:

Көрініс балалардың көңілді ойыны­мен басталды. Жайдарлы му­зыка көрерменді желпіндіріп, сахнаны жандандырып жіберді.

Бір кезде ақ жаулықты әже көрінді. Балалар қуанғаннан «әже» деп шу ете қалады. Әже балаларды жинап алып:

-Ал, балалар ертегі тыңдағыларын келе ме?

-Әрине, тыңдағымыз келеді.

6. ӘЖЕ:

Орманда бір Бәйтерек болады екен,

Көктемде орман гүлге толады екен.

Басына Бəйтеректің таң алдында,

Киелі Самұрық құс қонады екен.

Сол кезде Мәңгілік ел ашылады,

Маңайға нұр-шуағы шашылады .

Самұрық құс көлбей қағып қанатты,

Қонды келіп Бәйтерекке дарақты.

Шаңқылынан бүкіл дүние оянып,

 Елімізде Тәуелсіздік таңы атты.

БИ Кыздар

7.Оқушы:

Біз ғасырлар тоғысқанда тәуелсіз жаңа мемлекет орнатып,байтақ еліміздің дәл ортасынан бас қаламыз-Астананы салдық.Бүгінде әлемдік қауымдастық үшін Қазақстан мен Астана атаулары егіз ұғымға айналып кетті.Астананың 20 жылдығы- ел өміріндегі аса ірі тарихы оқиға.Қазақстан халқының мерейлі мерекесі.

8.Оқушы:

Біздер,қазақстандықтар,Астананы асқақтату арқылы дүние жүзінде өзімізді келешегі кемел,әлеуеті қуатты мемлекет ретінде таныттық.

9.Оқушы:

Ғұмыр бойы күресіп қайран бабам,

Осы күнді аңсаған,армандаған.

Сарарқаның төсінде бой көтерді,

Қазақтың Астанасы-арман қалам!

10.Оқушы:

Арманның асқарындай Астанамыз,
Елорда, алтын орда бас қаламыз.
Жыл сайын жеткен жеңіс, асқан асу,
Ерен ерлік үлгісі – дастан аңыз.

11.Оқушы:

Сән берген Сарыарқадай гүл өңірге
Жайнаған Отанымның жүрегінде.
Астанам - бақ ошағым,түп қазығым,
Айналған бар қазақтың тірегіне.
12.Оқушы:
Астанам - бағы биік асқарымсың, 
Астанам – мәнгі жарық аспанымсың,
Астанам пейіш қалам,ел арманы, 
Астанам – қайда жүрсем мақтанышым. 

13.Оқушы:

Сананы түйткілдерден тазартайық,

Айтпаған шындық сөзді тартар айып.

Авторы, сәулетшісі-Астананың,

Елбасымыз Нұрсұлтан Назарбаев!

(Бәрі бірге хормен)

14.Оқушы:

1999 жылы ЮНЕСКО-ның шешімі бойынша Астана қаласына «Әлем қаласы» деген атақ берілді және «Бейбітшілік қаласы» деп аталды.Астана –XXI ғасыр қаласы.Жаңа Астана тағдыры жас ұрпақ тағдырымен,жастардың үмітімен тығыз байланысты.

15.Оқушы:

Астана қаласы дүние жүзіне өзінің қайталанбас архитектуралық құрылыстарымен таңданыс тудырған мемлекетіміздің бас қаласы.

16.Оқушы:«Астана – халқымыз үшін тәуелсіздік пен өсіп-өркендеудің алтын тұғыры. Уақыттан оза шапқан бүгінгі Астана - тұтас еліміздің ертеңге деген үкілі үміті мен сенімінің көрінісі, арманы мен тілегінің кепілі.

17. Оқушы:Бүгін біз Егемен еліміздегі Астанамыздың 20жыл ішіндегі жеткен жетістіктеріне куә болдық. Ендеше гүлдей жайнаған Астанамыздың 20 жылдық мерей тойы құтты болсын! Тәуелсіздік туы әрдайым биікте желбірей бергей!
ӘН: «АСТАНА» жайлы