Сөйлем туралы түсінік

Сөйлем туралы түсінік

Сабақтың мақсаты:

Оқушыларға сөйлем туралы түсінік беру, сөйлемге тән белгілерді ажырату

Дамытушылығы:

Оқушының өзіндік ойлау дербестігін дамыту, дұрыс және әсерлі сөйлем құрастыру жолдарын үйрету.

Тәрбиелігі:

Оқушыны сөйлем түрлерін ажырата білуге тәрбиелеу. Сөйлемді құрастырудың қыр – сырын меңгерту

Сабақтың әдіс – тәсілі:

Оқу мен жазу арқылы сын тұрғысынан ойлауды дамыту

Сабақтың барысы:

І. Қызығушылықты ояту

“ Джиг СО” стратегиясы (шашып тастап жинап алу)

Оқушыларды үш топқа бөліп сөйлемге, сөз тіркесіне тән ерекшеліктер мен ұқсастықты тапқызу

ІІ. Мағынатану

Топтық тапсырмаларды орындау

І ТУР

• І топ: “Ішкі - сыртқы” стратегиясы (Эвфемизм, дисфемизмдерді қатыстырып сөйлем құрау)
• ІІ топ: “Топтастыру” стратегиясы (Сөйлемге тән ерекшеліктерді топтастыру)
• ІІІ топ: “Венн диаграммасы” стратегиясы (Сөз тіркесі мен сөйлемді салыстыру)

ІІ ТУР “Жарнама” ойыны

• І топ: Өзіңізді алғаш қазақстандық ұялы телефон шығарушы деп есептеп, өз телефоныңызды жарнамалаңыз.
• ІІ топ: Өзіңізді алғаш қазақстандық автокөлік құрастырушы деп есептеп, өз көлігіңізді жарнамалаңыз.
• ІІІ топ: “Менің мектебім” өз мектебіңді жарнамала.

ІІІ тур Ситуациялық сұрақтар

• І топ: Мұғалім сыныпқа кіріп келгенде оқушыны көріп, оған былай деді: “Сіздің қатты шаршағаныңыз көрініп тұр”. Мұны оқушы қалай қабылдауы керек?
• ІІ топ: Балалар, сендер ертең мектеп бітіресіңдер. Бір маман иесі боласыңдар. Мүмкін, ауылға барып жұмыс істеуге тура келеді. Ал ауылда қонақ үй жоқ делік. Сонда сен не істейсің? Осыған ойланып, жауап беріңдер.
• ІІІ топ: Мұғалімнің жасаған ескертуіне оқушы былай дейді: “Бұл оқу пәнін игеруге көп жұмыс істеуімнің қажеті жоқ, өйткені мені өте қабілетті адам деп есептейді”. Мұғалім қалай жауап беруі қажет?

І V ТУР Сөйлемге синтаксистік талдау

• І топ: Үмітей бұл әннің сөзін арманды күдікпен, аса бір құпия сыр етіп айтады.
• ІІ топ: Аса сыпайы қарайтын ойлы, нұрлы көзінде бөлек бір шұғыла бар.
• ІІІ топ: Қонақтар да осы орайда желпініп келмек боп есікке беттеді.

(“Абай жолы” М.Ә)

ІІІ. Ой толғаныс “ INSERT ” стратегиясы Білемін Білдім Білгім келеді