Әр адам өз өмірінің авторы

Психологиялық тренинг

«Бекітемін» Мектеп-лицей директорының тәрбие ісі

жөніндегі орынбасары Г.Бакирова

Тренинг өтуші психолог: А.Шайхиева

Қатысушылар: 11 «А», «Б» сынып оқушылары

Тақырыбы: «Әр адам өз - өмірінің авторы»

Мақсаты: «Өмір» ұғымына терең үңілуге ықпал жасау. Болашағына жағымды көзқарас тудыру. Өзінде бар құндылықты бағалай білуге баулу.

Міндеттері: - оқушыларға өмір құндылығы туралы тереңірек білім беру; - өмірге құштарлықтарын дамыту; - өмірдің мәнін түсінуге тәрбиелеу.

Көрнекіліктер: А4 форматы, слайдтар, аудио кассета.

Тренингтің ережесін бекітіп алайық:

1. Өз ойын ашық, бүкпесіз айту;

2. Өзгенің пікірін құрметтеу;

3. Шынайылық;

4. Белсенділік;

5. Өз сезімін басқара алу;

6. Уақытпен санасу.

1. « Метеориттен қашу» жаттығуы

Мақсаты:алғашқы сақтық, үрейді түсіру, зейінді қозғалыс белсенділігін дамыту.

Нұсқау: балалар метеоритпен соқтығыспау мақсатында қимыл-қозғалыс жасайды.

- метеорит оң жақтан шықса, сол жаққа қарай

- сол жақтан шықса, оңға қарай

- жоғарыдан шықса, төмен бұғып

- төменнен шықса, жоғары секіреді.

2. «Болашақ өміріме саяхат» жаттығуы

Армансыз адам болмайды. Әр адам мейлі ол кедей, мейлі ол бай, мейлі сау, мейлі мүгедек болсын оның асыл арманы, болашаққа талпынысы болады.

«Армансыз адам – қанатсыз құспен тең» дейді қазағымыз. Олай болса орындарымызда ыңғайланып, жайғасып отырып алайық, көздерімізді жұмып (баяу музыка ойнап тұрады) болашақ өмірімізге саяхат жасаймыз.

Талдау:

Болашақта өздеріңді қандай деңгейде көрдіңдер?

Қандай жетістікке жеттіңдер?

Қасыңда кімдер бар?

Яғни бұл жаттығудан байқағанымыз болашаққа өздеріңді тек жақсы нәтижелермен көрдіңіздер. Өз өмірің-өз қолыңда. Ішкі жан дүниеңнің тазалығын сақтап, тек жақсы істерге қадам басып, осы беттеріңізден таймаңыздар дегім келеді.

3. «Қорқыныштың суретін сал» жаттығуы Нұсқау: Қатысушыға бойдағы қорқыныштың суретін салып оған ат беру ұсынылады. Олар өз кезегімен суреті жайында әңгімелейді. Талқылау жүреді. Одан кейін қорқыныштан құтылудың бірнеше нұсқасы ұсынылады: - Суретті (қорқынышты) майдалап жырту, мыжу т.с.с. - Суретті қосымша аяқтау арқылы, оны күлкілі суретке айналдыру; - Өзіне ұнайтындай мейірімді қылып безендіру; - Суретті аяқпен таптау.

4. «Өзіңді теңей біл» жаттығуы.

Мақсаты: қатысушылардың көңіл-күйін көтеріп, өмірге көзқарасын кеңейту.

Нұсқау: Сендер өздеріңді бір затқа немесе табиғат жаратылысына теңейсіңдер. Ол «МЕН» деп есептейсіңдер.

Қатысушы: Мен өзімді бұлаққа теңеймін. Өйткені мен бұлақпын.

Психолог: Не үшін бұлақсың?

• Мен жануарларды, адамдарды қоректендіремін. Менің бұл өмірге пайдам көп. Өйткені мен өмірге қорекпін.

5. «Эмоция бекеті» жаттығуы

• Мен суретке түсіруші боламын.Ал, сіздер мына қорап ішінде жазылған рөлге енесіздер.Түсіріп болғанша образдан шықпауларыңыз керек.

-Емтиханда сіз білетін сұрақ келді.

-Қалаған оқуыңызға түстіңіз.

-Өзіңіз армандаған қалаға грант жеңіп алдыңыз.

-Туған күніңізде сізге ата-анаңыз ерекше тосын сый жасады.

-Жақын досыңызды көптен сағынып жолықтырдыңыз.

6. «Жүректен жүрекке». Кері байланыс. Оқушылар тренингтен алған әсерлерін, келесі тренингке ұсыныстарын жүрекшеге орналастырады.

Психологтың қорытындылау сөзі: Ең бастысы - жүрегің таза болсын; Өмір - сенің мүмкіндігің,пайдалана біл; Өмір - сұлулық,сүйсіне біл; Өмір - арман,жүзеге асыр; Өмір - парыз,орындай біл; Өмір - ойын,ойнай біл; Өмір - байлық,бағалай біл; Өмір - махаббат,ләззат ала біл; Өмір - құпия,сырын аш; Өмір - қайғы,көтере біл; Өмір - күрес,жеңе біл; Өмір - бақыт,баянды ете біл.

Педагог-психолог: А.Шайхиева