Масштаб. Суреттің трансформациясы

Сыныбы: 5

Пәні: Информатика

Пән мұғалімі: Бейсекова Ш.М.

Павлодар облысы, Май ауданы, «Ақшиман негізгі орта білім беретін мектеп» ММ

Сабақтың тақырыбы:

Масштаб. Суреттің трансформациясы

Сілтеме

Оқулық Информатика 5-сынып Е.А.Вьюшкова, Н.В.Параскун, Б.Қ.Әбенов Астана: «Арман-ПВ» 2014 жыл

Мақсаты:

• Редакторда үзінділермен жүргізілетін әрекеттерді: көбейту, жою, бұру, аудару, созу, еңкейту дағдыларын меңгерту.

• Бұрынғы білімдерін пайдалана отырып, жаңа білімдерін, әскерлікқабілеттерін дамыту, пәнге деген қызығушылығын арттыру.

• Алған білімдерін өмірде қолдана білуге, сенімділікке, ептілікке, шапшаңдылыққа тәрбиелеу;

Күтілетін нәтиже:

• Сурет үзінділеріне бейнелеу және бұру командаларын пайдалана алады;

• Сурет үзінділеріне созу және еңкейту командаларын пайдалана алады;

• Сурет бөліктерін қырқу, қайта қою командаларын орындай алады;

• Суреттің бейнелену масштабын өзгерте алады;

• Әр түрлі әдіспен сурет сала біледі;

Сабақтың түрі:

Аралас сабақ, практикалық

Негізгі дереккөздер:

Оқулық, интерактивті тақта, компьютер, плакат, интернет материалдары, көңіл күй дидары, топ ережесі, бағалау дискрипторлары мен бағалау парағы

Әдіс –тәсілдер:

Диалог, топтық жұмыс, сын тұрғысынан ойлау, RAFT стратегиясы, топтастыру стратегиясы, практикалық тапсырмалар, ББҮ түртіп алу стратегиясы, талдау, қорыту, формативті бағалау

Сабақтың барысы:

І. Ұйымдастыру

- Оқушылармен сәлемдесу, танысу;

- Оқушылардың сабаққа қатысын тексеру;

- Жағымды психологиялық ахуал туғызу; смайликті 4 бөлікке бөліп, жасырамыз.

1-бөлікте /бір,екі , үш/,

2-бөлікте /бойға жинап күш/

3-бөлік /информатика сабағын бастаймыз/

4-бөлік /білімнен біз қашпаймыз/.

Соңында смайлик толық ашылып, оқушылардан смайлик сияқты сабағымыз көңілді, қызықты, өткізуді тілейді. /2 мин/

- Оқушыларды топқа бөлу; /әр орындыққа суреттер жапсыру. 1. Монитор 2. Пернетақта 3. Маус, 4. Колонка, 5. Құлақ қап, 6. ноутбук, 7. Жүйелік блок, 8. Принтер.

Мұғалім қолындағы суретті жасырын түрде оқушыларға таңдатып, алған суреттері бойынша орындыққа отырады. Осылай топқа бөлінеді. Топ басшысын сайлайды.

/ 2 мин/

ІІ. Ой қозғау

Өткен тақырыпты My тест бойынша 6 сұраққа жауап береді. /6 мин/

Сабақ кезеңдері

Мұғалім әрекеті

Оқушы әрекеті

ІІІ. Қызығушылықты ояту

• Оқушылар суреттен не байқадыңыздар?

• Көбелектер мен балықтар қалай бейнеленген?

• Бұл қандай әрекеттер арқылы жасалған деп ойлайсыңдар?

Оқушылар суретке қарап отырып, өз ой-пікірлерін айтады. /2 мин/

ІV. Мағынаны тану

• Жаңа сабақ бойынша қысқаша түсіндіру, сурет бөліктерімен жасалатын бұру, еңкейту, мөлшерін өзгерту, қырқу әрекеттерін көрсетіп өту. /10 мин/

• Оқушылар бүгінгі күнді және тақырыпты дәптерлеріне жазып қояды.

• Жаңа сабақты түсіндіріп болған соң, масштабтың көмегімен өзгерту тәсілдерін, трансформация деген не екенін дәптерлеріне жаздыру. /5 мин/

Компьютерде деңгейлік тапсырмалар

1-тапсырма

«Теңіз балықтары» тақырыбында әр бағытта жүзіп жүрген бірнеше балықтардың суретін салыңдар.

2-тапсырма

«Гүлге қонған көбелек» тақырыбында симметрия арқылы әр гүлге қонған бірнеше көбелектердің суретін салыңдар.

Оқушылар компьютерде деңгейлік тапсырмалар орындайды

/ 7 мин /

Сергіту сәті.

Сергіту сәті – «Байқағыштығыңды байқат». Экранда берілген суреттерден оқушылар 10 айырмашылықты табу керек.

Оқушылар берілген суреттен 10 айырмашылықты тауып, айтып береді /2 мин/

V. Ойқозғау

• Топтарға тапсырмалар беру

• 1-топқа: «Масшатаб », «Суреттің трансформациясы»

• 2-топқа: «Масшатаб », «Суреттің трансформациясы»

Оқушылар берілген тапсырма бойынша топта талқылайды, пікірлеседі, ойларын постерге түсіреді

Постерлерін қорғайды, пікір алмасады, топтар бірін-бірі толықтырады.

/5 минут/

VІ. «Бағалау»

Мына критерийлер арқылы бағалау ұсынылады.

-Сурет үзінділеріне бейнелеу және бұру командаларын пайдалана алады – 1балл;

• Сурет үзінділеріне созу және еңкейту командаларын пайдалана алады – 1балл;

• Сурет бөліктерін қырқу, қайта қою командаларын орындай алады – 1балл;

• Суреттің бейнелену масштабын өзгерте алады – 1 балл;

-Әр түрлі әдіспен сурет сала біледі – 1 балл;

• Жиыны балл.

Топ басшысының бағалау парағы

Бағалау парағындағы бағаларына қарай қорытынды бағалау /3 мин/

Берілген критерийлер бойынша баллдарын есептеп, оны

«5 баллдық» жүйеге ауыстырып топ басшысы бағалайды

1-2 балл – «2»

3 балл – «3»

4 балл – «4»

5 балл – «5»

Рефлексия

Оқушыларға кері байланыс жасау үшін түрлі-түсті стикерлер таратады.

Оқушылар бүгінгі сабақ бойынша өз ойларын көңіл күй дидарына іледі.

/2 мин/

Үйге тапсырма.

§17. Масштаб. Суреттің трансформациясы

146- беттегі «Өзіңді тексер!» тест жұмысын дәптерге орындау. /1 мин/

Оқушылар күнделікке үй жұмысын жазып алады.