Логикалық есептер шығару.

Сыныбы: 3 «Б»

Мектебі:«№219 Ы. Алтынсарин атындағы қазақ орта мектебі»КММ

Пәні: Қызықты арифметика

Мұғалімі: Арғынбаева Ақнұр Жаппарбекқызы

Сабақтың тақырыбы:

Логикалық есептер шығару

Жалпы мақсаттары:

Логикалық есептер шығару арқылы қорытынды жасай білу, ойлау жүйесін, логикасын дамытуға ықпал ету.

Оқушылардың зейінділігін, еркіндігі мен ынта-ықыластарын қалыптастыру.

Зеректікке,шапшаңдыққа тәрбиелеу

Сабақтың түрі

Жаңа білім беру

Оқу нәтижесі

Әлеуметтік шағын топтарда үйлесімділікпен әрекеттесуге ынталанады, өзара әрекеттестікте белсенділіктері артады.

Негізгі идеялары

Сабақ барысында топтасып жұмыс жасай отырып, танымдық қабілеттерін көрсетеді.Жұптық жұмыс жасайды.

Тапсырма көздері

суретпен жұмыс, аппликация, ойын түрлері

Сабақтың көрнекілігі

слайд, геометриялық фигуралар,суреттер

Мотивациялық кезең

Түстер арқылы топтарға кедергісіз бөліну,байсалдылық пен зейінділікке,ынтымақтаса оқуға ынталандыру

Үй тапсырмасын сұрау:

Ұжымдық жұмыс. «Кім жылдам?» ойыны

• 60-ты 15-ке арттыр (75)

• 1минутта неше секунд бар?

• 1сағатта неше минут бар?

• 2жұмыртқа 6минутта піседі, 8жұмыртқаны неше минутта піседі?

• Түйеқұс 2 аяғымен 1 пұт тартса, 1 аяғымен тұрса неше пұт тартады?

• Сенбіден кейін 2 күннен кейін қай күн?

• Екі адам шахматты 2 сағат ойнады. Бір адам неше сағат ойнады?

• Ұзындығы 10 метр жіпті әр бөлігі 2 метр болу үшін неше рет қию керек?

• Қос ат жегілген арба 40 шақырым жүрді. Бір ат неше шақырым жүрді?

• 2 кг мақта ауыр ма, 2кг темір ауыр ма?

• Марат кешкі сағат 10-да ұйқыға жатты. Ол сағаттың қоңырауын таңғы 9-ға қойды. Ол неше сағат ұйықтады?

• Баспалдақ 15 басқыштан тұрады. Баспалдақтың ортасында тұру үшін нешінші басқышты басу керек?

Бағалау. Смайликтер беру арқылы бағалау.

Жаңа сабақ:

№1. Топпен жұмыс (аппликация)

Геометриялық фигуралардан бейне құрастыру.

Бағалау: критерий белгілеу арқылы.

«Ең үздік модель»

1. Жапсырмалау: өте жақсы-3балл

Жақсы-2балл

Дұрыстау қажет-1балл

1. Геометриялық фигуралардың дұрыс орналасуы: Өте жақсы-3балл

Жақсы-2балл

Дұрыстау қажет-1балл

1. Сұрақ-жауап беруде:

Неше геометриялық фигураларды пайдаландың?

Өте жақсы-3балл

Жақсы-2балл

Дұрыстау қажет-1балл

№2. Ертегі сипаттағы қызықты есептер.

1. Қызыл телпек әжесіне еттен, саңырауқұлақтан және орамжапырақтан 14 самса әкелді. Орамжапырақтан жасалған самса еттен жасалған самсадан екі есе көп. Еттен жасалған самса 3. Саңырауқұлақтан жасалған самса нешеу?

Ш: 14-(3·2)=8с

Ж: саңырауқұлақтан жасалған самса 8 самса акелді.

1. Қожанасыр 5 тиындықтан үшеуін жерге қазып көмді де, одан дәл сондай үш тиындар алды. Осылайша ол осы тиындарды үш рет алды. Сонда қожанасырда неше тиын болды?

Ш: 5 ·3·3=45

Ж: 45 тиын.

1. Қаңбақ шалдың жасы бір ғасырдан төрт есе көп. Оның жасы нешеде?

Ш: 100·4=400

№3. Топпен жұмыс

«Ұшқыр ойлы»

Жасырынған бейнені тауып,тапсырмасын орындау.

1-тапсырма:Аю ұйықтап жатқанда оның жамылғысын тышқандар тесіп кетіпті. Жамылғыны бүтіндеу үшін қай бөлігі сәйкес келеді?

2-тапсырма: Сурет қандай геометриялық фигуралардан құралған? Қанша үшбұрыш, дөңгелек және шаршы салынған?

3-тапсырма: «Матрицаны» толтыр.

4-тапсырма: Ертегі кейіпкері Герда інісі Кайды құтқару үшін қолындағы үшбұрышқа сәйкес сарайдағы үшбұрышты табу керек. Сол кезде ғана Қар Ханшасының сиқыры жойылады.

Бағалау. Топтар бірін-бірі бағалайды. Екі жұлдыз, бір ұсыныс.

Сергіту сәті

Қорытынды

«Кім тапқыр?» ойыны арқылы жұмбақ шешу

1. Жоқ өзінде бас та, мойын да,

Ұзындығы жазулы тұр бойында. (сызғыш)

1. Дүниеге тұмсықсыз ол келеді,

Алайда ол тұмсығымен өледі.(қарындаш)

1. Бірге барып сыныпқа, Бірге үйіне қайтады.

Оның бетін кім ашса, Әр бағаңды айтады? (күнделік)

1. Қарындаштар түгел,

Құшағына кірер.(пенал)

№4. «Сандар сөйлейді»

1 таяқшаны ауыстыра отырып, есептің мәнін дұрыс табу.

№5. Ұжымдық жұмыс.

«Мақалдың жалғасын тап» ойыны

Білгенің бір тоғыз,

..............................(Білмегенің тоқсан тоғыз)

Батыр бір рет өледі,

................................(Қорқақ мың рет өледі)

Жалғыз ағаш үй болмас,

...................................(Жалғыз жігіт би болмас)

Ақылсыз достан мың сақтан

...........................................( Ақылсыз дұшпаннан жүз сақтан)

Елуінде –ер дана,

.........................(Елуінде –ел жаңа)

Қалтаңда жүз теңгең болғанша,

.................................................(Өмірде жүз досың болсын)

Бағалау

Жеңімпаз топты анықтау.

Оқушылардың ауызша рефлексиясы

1.Жұптарда өзара бағалау

2.Топтарда өзара бағалау

3.Өзін-өзі бағалау

Үйге тапсырма:

Қызықты есеп құрастырып келу