Әке мен бала атты тернинг сабақ

Әке мен бала арасында жағымды қарым - қатынас орнатуға арналған психологиялық тренинг

Мақсаты: әке мен бала арасында үйлесімді қарым-қатынас орнату; Өзара сенімділікті арттыру; Ұйымдаса жұмыс жасау дағдысын бекіту;

Тренинг барысы:

1.Сәлемдесу

Мақсаты: қатысушылардың бір - бірімен жақсы қарым - қатынасын арттыру.

Барлығы бөлме ішінде емін - еркін жүреді."Аспан" сөзі айтылғанда маңдайларын түйістіреді,"жер" дегенде аяқтарымен,"су"сөзі аталғанда қолдарымен амандасады.

2."Бірлескен сурет"

Мақсаты: әке мен бала арасында жағымды қарым - қатынас орнату; түсіністік деңгейін байқау; бірлесе жұмыстану дағдысын қалыптастыру;

Әкелерге парақ таратылып, оның кез - келген жеріне жиырма нүкте салу ұсынылады. Кейін баласы сол нүктелерді қосып белгілі бір сурет шығаруы керек.Аяқтаған соң әке мен бала суретке ат қояды.

3."Мен сенемін" жаттығуы

Мақсаты: әке мен бала арасындағы өзара сенімділігін арттыру;

"Мен сенемін, болашақта менің ұлым ...." сөйлемін жалғастырып жазу.

Психолог: Сөйлемді аяқтағанда қандай сезімде болдыңыз?

Ал,балалар сіздер қандай әсер алдыңыздар?

4. "Сіз балаңызды жақсы білесіз бе?" жаттығуы

Мақсаты: көтеріңкі көңіл - күй орнату; әке мен бала ойының үйлесімділігін анықтау.

Әкесі мен баласы бір - біріне арқаларын беріп отырады.Қолдарына әр түрлі эмоциялар бейнеленген адамдардың суреті беріледі.

Әкесі ұрысқанда, қатты ренжігенде, баласының жетістігіне қуанғанда, бір нәрсеге таңырқағанда суреттегі қай бейнеге ұқсайтынын көрсету керек.Дәл осы сұрақтар әкелерге баласы туралы қойылып, жаттығу соңынан жауаптар сәйкестігі салыстырылады.

5. "Тілектер бұрқасыны"

Мақсаты: қатысушылардың арасындағы қарым - қатынасты жақсарту; бір - біріне көңіл бөлу.

Барлығы қағаз бетіне жақсы тілектер жазып оны домалақтап, бір - біріне лақтырады.Қағып алған қағаздарын ашып оқиды.

Рефлексия.

Қорытындылау.