Қыс қызығы таусылмас

Білім беру саласы: Әлеуметтік орта

Тараулары: Экология

Тақырыбы: «Қыс қызығы»

Мақсаты:

1. Білімділік: Балалардың қыс туралы түсінігін кеңейтіп, қыс мезгілінің ерекшелігін аңғара білуге үйрету.

2. Дамытушылық: Танымдық, шығармашылық қасиеттерін, тілдерін, сөздік қорын дамыту. Дәстүрлі емес тәсілдерді пайдалану арқылы саусақ моторикасын дамыту.

3. Тәрбиелік: Табиғатты аялауға, әсемдікті көре білуге, сезінуге тәрбиелеу.

Әдіс – тәсілдері: Сұрақ – жауап, көрсету, түсіндіру, үйрету, эксперимент,ой-толғау, тірек сурет, ойын, жапсыру, құрастыру, пиктограмма.

Оқу қызметінің түрі: Кіріктірілген.

Сөздік жұмыс: Жапалақтап, үлпілдек.

Көрнекіліктер: Қыс мезгіліне байланысты слайд, қыс көрінісі, шырша, қар, мұз, жұмбақтар.

Құрал – жабдықтар: Тіс пастасы, желім, мақта, сүлгі, үлгі сурет, аққаланың пішіндері, үлгі сурет, пішіндер, фланелеграф.

Пәнаралық байланыс: Шығармашылық. Таным. Коммуникация.

Қолданылатын технология: Монтессори, модульдік, дамыта оқыту, ақпараттық.

Таңғажайып сәт: Аққаланың келуі.

Танымды оятушылық:

І. Ұйымдастыру кезеңі.

- Балалар, бүгін бізге көптеген қонақтар келіпті. Келген қонақтармен амандасайық. (Балалар келген қонақтармен амандасады)

Шаттық шеңбер:

Ал,балалар тұрайық
Үлкен шеңбер құрайық!
Алдыменен бәрімен
Амандасып алайық.
Қайырлы таң достарым!
Қайырлы таң – апайлар!

Балалар шеңберге тұрып, бір – бірімен амандасады
Бүгінгі оқу қызметін мына бір өлең жолдарымен бастағым келіп тұр.
Аппақ қыстың бояуы
Аппақ қыстың бораны
Ақ көрпеге орайды
Ақ қар байтақ даланы .

ІІ. Өткен тақырыпты қайталау.

• Балалар, мен сендерге жұмбақ жасырғым келіп тұр. Сендер шешімін тауып көріңдерші?

Ой – толғаныс әдісі.

Жұмбақ

Шелек қалпақ басында,

Сәбіз екен танауы.

Қыста қардан туатын,

Тауып көрші сен оны?

• Аққала.

Таңғажайып сәт. Аққала келеді.

• Балалар, бізге қонаққа аққала келді. (әуенмен)

• Аққаламен амандасайық.

Балалар аққаламен амандасады.

• Балалар, аққаланы неден жасаймыз?

• Қардан жасаймыз.

• Аққаланың түсі қандай?

• Аққаланың түсі ақ.

• Аққала қандай пішінге ұқсайды?

• Дөңгелекке ұқсайды.

• Аққала бізге бос келмепті, өзімен бірге қар алып келіпті.

• Енді балалар алақандарыңды ашыңдаршы.

• Жылы алақанымызға салғанда неге айналатынын көрейік.

Эксперимент жасайды.

Пиктограмма әдісі.

Балалар қарды алақандарына салады. Зерттеу жұмыстары жүргізіледі.

• Қар неге айналып кетті?

• Суға айналды.

• Енді осы суды суыққа шығарсақ мұзға айналады екен.

Мұзды көрсету.

• Балалар, мұз қандай екен?

• Суық, жылтыр, қатты.

ІІІ. Жаңа тақырып:

1. Кіріспе:

• Балалар, біз бүгін сендермен қыс қызығы туралы әңгімелесеміз.

• «Қыс қызықтарын» слайд арқылы тамашалайық.

Тірек сурет әдісі.

Слайдты көрсете отырып сұрақтар қою.

Балалар казір жылдың қай мезгілі?
- Қыс мезгілі .
- Қыс мезгілінде неше ай бар?
- 3 ай бар. Желтоқсан, Қаңтар, Ақпан
- Қыста күн қандай болады?
- Суық, аяз, боран.
- Енді, далаға қараңдаршы қандай болып жатыр?
- Дала аппақ қар, ақ мақта сияқты

Сергіту сәті:

Шынығамыз бәріміз,
Иіліп, бүгіліп, денеміз.
Хоккейді де ойнаймыз,
Шаңғыны да тебеміз.
Әрлі - берлі жол салып,
Қар лақтырып, ойнаймыз.
Қорықпаймыз аяздан
Спортшы болмай қоймаймыз.

2.Негізгі бөлім:

Топтық жұмыс.

• Балалар, біз енді үш топқа бөлінейік.

І топ «Шырша» тобы – қардың суретін салады.

Мақсаты: Тіс пастасын пайдалана отырып, қағаз бетіне саусақпен бастыру, қағазды бүктеу арқылы екі бетіне қардың суретін салғызу.

ІІ топ «Ұлпа қар» тобы – мақтаны үзіп алу арқылы желіммен жапсырады.

Мақсаты: Қағаз бетіне мақтаны үзіп алу арқылы желіммен жапсыра білуге үйрету.

ІІІ топ «Аққала» тобы – аққаланы құрастыру.

Мақсаты: берілген қағазға дайын пішіндерден аққаланы құрастыра білуге үйрету.

• Балалар, аққала сендермен ойын ойнағысы келіп тұр екен. Аққаламен ойын ойнайық па?

• Иа.

Аққала:

• Балалар, сендермен қар лақтырысып ойнайық?

Қимылды ойын «Қар лақтыру».

Ойын шарты: Балалар екі топқа бөлініп, бір – бірлеріне қар лақтырады.

Мақсаты: Балаларды ептілікке, жылдамдыққа дағдыландыру.

Балалардың білімін бағалау:

• Сендер бүгін сұрақтарға өте жақсы жауап бердіңдер. Берілген тапсырмаларды өте ұқыпты орындай білдіңдер. Аққаланың сендерге әкелген тәттілері бар екен.

(Аққала балаларға тәттілерді таратады)

Балаларды мақтап мадақтау:

Балаларды жекелеме мақтап, мадақтаймын.

Оқу қызметін қорытындылау:

Жарайсыңдар, балалар, енді келген қонақтарымызбен қоштасайық.
Қол ұстасақ бәріміз,
Жарасады сәніміз.
Көріскенше күн жақсы,
Сау болыңыз бәріңіз!

Күтілетін нәтиже:

Білу керек: Қыс мезгілінің ерекшеліктерін (қар жауады, боран соғады, аяз болады), қысқы ойын түрлерін.

Болу керек: Қыс мезгілінің ерекшеліктері туралы түсініктері.

Істей білу керек: Қойылған сұраққа толық жауап беріп, берілген тапсырмаларды дұрыс орындай білуі керек.