Григор Зохраб.....

Բաց դաս. Բայի ամփոփումը

Բայի ամփոփումը

11-րդ դասարան

Դասին ներկա էին դպրոցի տնօրենը, փոխտնօրենները և ուսուցիչները:

ԴԱՍԻ ՊԼԱՆ

Ուսուցչի անունը- Գոհար Մանուկյան

Ամիս ամսաթիվ- 22-03-2012

Առարկան- Հայոց լեզու

Դասի թեման- Բայ խոսքի մաս

Դասի տիպը- Ամփոփման դաս

Դասի նպատակները՝

1.ակադեմիական- Խորացնել, ընդլայնել նախկին գիտելիքները բայի վերաբերյալ

2.սոցիալական- Ճանաչողական, հաղորդակցական հմտությունների և կարողությունների զարգացում: Խմբում աշխատելու , համագործակցային տարրերի ձևավորում:

Ուսումնական նյութեր- համակարգիչ, թղթեր, մարկեր, խմբային աշխատանքի տարբեր առաջադրանքներ, խորանարդիկ:

Օգտագործվող մեթոդներ- ԽԻԿ, Ճանաչողական վարժություններ, խորանարդում, զրույց, մնջախաղ, 5ր-ոց շարադրանք:

Ընթացքը՝

1.Խթանում- Մատենադարանի նկարով սկսել դասը, որին հաջորդում է մեծն Աբովյանի պատգամը. Մի ազգի պահողը, իրար հետ միացնողը լեզուն ա ու հավատը: Ո՞րն է մեր դասի թեման հարցին պատասխանել ակրոստիքոսով

Բանալին եմ ես խոսքի,

Առանց ինձ շարժը կանգ կառնի,

Յոթ կարգ ունեմ անվանի:

Քայլ 1.

Ցուցադրված բայի գծակարգը ներկայացնել լեզվագետի և հարցասերի զրույցի միջոցով՝ իրականացնելով դասի խթանումը:

Քայլ 2.

Ստուգել տնային առաջադրանքը՝ ըստ որի խմբերը իրենց ընտրած եղանակին համապատասխան պետք է, արտասանեին պոեզիայից նմուշներ՝ ընդգծելով համապատասխան բայերը: 5-7ր

2. Իմաստի ընկալում

Քայլ 1.

Նկարել տրված դարձվածքները, բացատրել և կազմել մեկական նախադասություն`նշելով բայի ժամանակները:

Էշի ականջում քնել

Գլխին նստել

Ականջին օղ անել

Դուդուկի տակ պարել

Բերանին կողպեք դնել 5-8ր

Քայլ 2.

Մնջախաղով կռահել բայը, գրել հոմանիշը՝ նշելով լծորդությունը:

Այպանել, գայթել, ճարակել, ջատագովել, երկբայել: 5ր

Քայլ 3.

Գտնել սխալը և ուղղել:

Խումբ 1

Խոնավեցնել

Նստացնել

Խմացնել

Արածացնել

Խումբ 2

Թռչած

Գալում եմ

Դիպչել եմ

Խոսացող չի

Խումբ 3

Մի՛ լսի

Մի՛ք խոսեք

Մի՛ գրեցեք

Մի՛ գիրք

Խումբ 4

Բացրեցի

Վերջացրեցի

Խոսցրի

Խմացրի

Խումբ 5

Պետք չէ կարդամ

Պիտի չգրեմ

Քնած չի

Շուռ տո՛ւր

3ր

Քայլ 4.

Կազմել կապակցված խոսք

1. Սահմանական

Ականատեսի աչքով ներկայացնել Մաշտոցի գյուտը՝ նշելով բայի պարզ դիմավոր ձևերը:

2. Ըղձական

Երանի բառի ուղեկցությամբ տեղափոխվել երազների գիրկը՝ նշելով բայի պարզ դիմավոր ձևերը:

3. Ենթադրական

Ներկայացնել չար, բայց արդեն ապաշխարող մարդու երազանքը՝ նշելով բայի սեռը:

4. Հրամայական

Պատժել կարգազանց դասարանին՝ նշելով անդեմ կամ անկանոն բայերը:

5. Հարկադրական

Խրատել ձեզանից փոքրերին ՝ նշելով ածանցավոր բայերը: 15ր

Կշռադատում

Դասն ամփոփել Խորանարդում հնարքով՝ ապահովելով հետադարձ կապը:

• Զուգորդի՛ր Գուշակի՛ր

• Համեմատի՛ր Սովորի՛ր

• Վերլուծի՛ր Բացահայտի՛ր դասի ուժեղ և թույլ կողմերը

Տնային առաջադրանք

Վահան Տերյանի ստեղծագործության ցուցադրված նմուշների բայերը ենթարկել ձևաբանական վերլուծության:

Գնահատում

Չարենցավանի վագ դպրոց

22.03.2012թ.