Ашық сабақ "Спорт"

Сабақтың тақырыбы: «Спорт»

Білімділік: Оқушылардың спортқа деген қызығушылығын арттыру.

Оқушыларға спорт тақырыбындағы сөздерді таныстыра

отырып, өз ойын еркін айта білуге меңгерту.

Дамытушылық: Оқушыларға тақырыпқа сай тапсырмаларды орындата

отырып, диалогтік сөйлеу дағдыларын дамыту.

Тәрбиелілік: «Спорт » деген сөздің мағынасын аша отырып, спортқа деген сүйіспеншілігін арттыра отырып, дені сау азамат болуға тәрбиелеу.

Сабақтың түрі: жаңа сабақ

Сабақтың әдістері: сұрақ жауап, түсіндіру, ізденіс

Көрнекілігі: слайд, үлестірмелі қағаздар.

Сабақ барысы:

І. Ұйымдастыру кезеңі

Балалар біздің бүгінгі сабағымыздың тақырыбы «Спорт». Ендеше бүгінгі сабақта «Спорт» тақырыбына байланысты тапсырмалар орындаймыз.

ІІ. Үй тапсырмасын сұрау, бекіту.

«Үйірме»тақырыбына диалог құрастыру.

• Сәлем!

• Қалың қалай?

• Сен қандай үйірмеге барасың?

• Мен туризм үйірмесіне барамын.

• Аптасына неше рет болады?

• Аптасына төрт рет болады.

• Саған үйірме ұнай ма?

• Иә, ұнайды.

ІІІ. Жаңа сабақ

Фонетикалық жаттығу (тақтада «Спорт» тақырыбына сай өлең жолдары ілінеді. Осы өлең арқылы жаңа сөздерді анықтаймыз)

Спорт, спорт, спорт,

Денсаулыққа пайдалы.

Секірген әрі жүгірткен

Жаттықтырған адамды.

Хоккейменен волейбол

Допты теуіп қақпаға,

Ойнаймыз біз футбол.

Шаңғы, коньки, шанамен

Биік таудан асамыз,

Бокс пенен күресте

Алтын, күміс алғанбыз.

2. Лексикалық минимум:

Пайдалы, Спорт пайдалы, секіреміз, жүгіреміз, жаттықтығамыз, допты тебеміз, сырғанаймыз, айналысамын, ұнайды.

3. Сөздерден сөз тіркесін, сөйлемдерді ойлап табу.

4.Диалог «Спорт» тақырыбына байланысты диалог құрастыр.

• Сәлем!

• Сәлем!

• Сен қайдан келесің?

• Мен ..... спорт кешенінен келемін.

• Онда не істедің?

• Онда футболға бардым. Сен волейболға бардың. Ол хоккейге барды.

• Үйірмеге қатысасың ба?

• Мен футбол үйірмесіне барамын. Сен волейбол үйірмесіне барасың. Ол хоккейге барады.

• Спорт үйірмесінде не істейсіңдер?

• Мен секіремін, жүгіремін, жаттығамын. Сен жүгіресің. Сен жаттығасың. Ол жаттығады.

• Сен .... спорттан жарысқа қатыстың?

• Мен футболдан жарысқа қатыстым. Сен футболдан жарысқа қатыстың. Ол футболдан жарысқа қатысты.

5. Сергіту сәті.

Шынықтырып денені «Қара жорға» билейік.

6. Тыңдалым. Балалар мына суретте қай қаланы көріп отырмыз. «Медеу» бұл жерде қандай жарыстар болады?

Коньки сырғанайды.

Енді Алматы қаласынан Төлеген деген бала сендерге хат жазып жіберіпті.

Сәлеметсіңдер ме, балалар!

Менің атым –Төлеген. Мен бос уақытымды пайдалы өткіземін. Бос уақытта спортпен айналысамын. Үйірмеде біз жүгіреміз, секіреміз, жаттығамыз. Маған бокс үйірмесі ұнайды. Үйірмені Дастан ағай жүргізеді. Мен бокстан Астана қаласына жарысқа бардым. Мен екінші орын алдым. Мен болашақта Қазақстан намысын қорғаймын. Ендеше, достым сенің де спортпен жақсы айналысқаның дұрыс.

Суреттерді пайдаланып, сөйлем құрастырыңдар.

«Спорт» тақырыбына байланысты сөзжұмбақты шешіңіздер.

Топтар бірін- бірі бағалау критерийлері арқылы бағалайды

Рефлексия:

Балалар сендерге бүгінгі сабағымыз ұнады ма?

Несімен ұнады?

Үйге тапсырма: «Менің сүйікті спортшым» эссе жазып келіңіздер.