Магнит талаасы. Электромагниттик индукция - 3

Эгерде бөлүкчөнүн баштапкы ылдамдыгы магнит талаасынын индукциясынын күч сызыктарына  перпендикуляр болсо, заряддалган бөлүкчө бир тектүү магнит талаасында кандай кыймылдайт?

Бир тектүү магнит талаасында кыймылда болгон протон менен электронго (сүрөттү кара) таасир эткен Лоренц күчүнүн багытын тапкыла. Протон бизден ары көздөй, ал эми электрон бизди көздөй кыймылдайт. Магнит талаасынын күч сызыктары сүрөттүн тегиздигинде жатат.

Магнит индукциясынын, магнит агымынын жана индукциянын электр кыймылдаткыч күчүнүн СИ системасындагы бирдигин тапкыла?

Бир тектүү магнит талаасында кыймылда болгон электронго (сүрөттү кара) таасир эткен Лоренц күчүнүн багытын тапкыла. Магнит талаасынын күч сызыктары сүрөттүн тегиздигине перпендикуляр жана бизден ары көздөй багытталган.

Электрон “Түштүк-Түндүк” багытында горизонталдуу кыймылдап, вертикалдык бир тектүү өйдө багытталган магнит талаасына учуп кирет. Мында Лоренц күчү электронду ... кыйшайтат.

Бир тектүү магнит жана электр талаалары өз ара перпендикуляр жайгашкан. Электрон эки талаанын күч сызыктарына перпендикуляр багытта бир калыпта түз сызыктуу 0,5 ∙10 ⁶м/с ылдамдыгы менен кыймылдайт. Электр талаасынын чыңалышы      0,5 кВ/м. Магнит талаасынын индукциясы эмнеге барабар?

Бир тектүү магнит талаасында электрон айлана боюнча кыймылдайт. Эгерде магнит талаасынын индукциясын 2 эсеге чоңойтсок, анда электрон кыймылда болгон айлананын радиусу кандай өзгөрөт?

Массасы m болгон заряддалган бөлүкчө бир тектүү магнит талаасына  перпендикуляр багытта υ  ылдамдыгы менен кыймылдайт. Бул талааада массасы 2 эсе чоң бөлүкчө кыймылдаса, бөлүкчөнүн траекториясынын радиусу кандай өзгөрөт?

Индукциясы 2,5 ∙10 ^-3Тл болгон бир тектүү магнит талаасында электрон 1,76 ∙10 ⁶м/с ылдамдык менен талаага перпендикуляр багытта кыймылдайт. Электрондун салыштырма заряды 1,76 ∙10 ¹¹ Кл/кг. Электрон кыймылдаган айлананын радиусун тапкыла.

Эгерде катушканын индуктивдүүлүгүн 2 эсеге чоңойтуп, ал эми катушка аркылуу өткөн токтун күчүн 2 эсеге азайтсак, анда анын магнит талаасынын энергиясы кандай өзгөрөт?

Электрон бир тектүү магнит талаасына перпендикуляр багытта учуп кирип айлана боюнча кыймылдап калды. Эгерде электрондун импульсун       2 эсе чоңойтсок, анда магнит талаасы тарабынан электронго таасир эткен күч кандай өзгөрөт?

Индукциясы 0,2 Тл болгон бир тектүү магнит талаасында 3 ∙10 ^-24кг ∙м/с  импульска ээ электрон айлана боюнча кыймылдайт. Магнит талаасы тарабынан электронго таасир эткен күчтү тапкыла. Жообун пН менен бергиле.

Индукциясы 0,2 Тл болгон бир тектүү магнит талаасына анын күч сызыктарына перпендикуляр багытта электрон учуп кирип радиусу 1 см ге барабар айлана боюнча кыймылдап калды. Магнит талаасы тарабынан электронго таасир эткен күчтү тапкыла. Жообун пН менен бергиле.

Электрон менен протон бир тектүү магнит талаасына анын күч сызыктарына перпендикуляр багытта бирдей ылдамдык менен учуп киришип айлана боюнча кыймылдап калышты. Магнит талаасында протондун айлануу мезгили электрондун айлануу мезгилинен канча эсе чоң?

Кыймыл саны 10^-19кг ∙м/с  га барабар болгон протон бир тектүү магнит талаасына учуп кирип айлана боюнча кыймылдап калды. Магнит талаасы тарабынан протонго таасир этүүчү күчтү 1 пН го чоңойтуш үчүн магнит талаасынын индукциясын канчага өзгөртүү зарыл?