Динамика - 2

Массасы 200 г болгон нерсеге өз ара перпендикуляр багытталган эки күч аракет этет. Алардын натыйжасында нерсе 25 м/с² ылдамдануусу менен кыймылдайт. Эгерде биринчи күч  F₁ = 4 Н болсо, экинчи күч эмнеге барабар?

Массасы 500 г болгон нерсеге перпендикуляр багытталган эки күч, F₁ =3 Н жана F₂=4 Н, аракет этет. Нерсенин ылдамдануусу эмнеге барабар?

Массасы 1 кг болгон нерсеге өз ара перпендикуляр багытталган эки күч аракет этет, алардын натыйжасында нерсе 10 м/с² ылдамдануу менен кыймылдайт. Эгерде биринчи күч F₁ = 6 Н   болсо, экинчи күч  эмнеге барабар?

Катуулуктары бирдей (k₁=k₂=700 H/м) эки пружинанын учтарына, массасы 7 кг жүктү илишти. Пружиналардын ортосундагы бурч 120^о. Пружиналар канчалык чоюлушкан?

Машина дубалды сүзүп, аны талкалап, 0,5 с убакыт өткөндөн кийин токтоп калды. Машинанын массасы 1 тонна. Дубалды бузуучу күч 10⁵ Н болуш керек. Урунуу моментине чейин машина кандай ылдамдык менен келе жаткан?

Лифт төмөн көздөй 3 м/с² ылдамдануу менен түшөт. Лифттеги адамдын массасы  80 кг, ал лифттин полун кандай күч менен басат?

10 м/с га барабар баштапкы ылдамдык менен тик өйдө ыргытылган нерсе 5 м бийиктике жетти. Ал канча убакыттан кийин Жер бетине түшөт?

Катуулугу 300 Н/м болгон чынжырды 4 см ге чоюшту. Ал кандай күч менен чоюлган?

Пружина 2 Н го барабар күчтүн таасири астында 4 см ге узарды. Пружинанын катуулугу ... барабар.

Катуулук коэффициенти 900 Н/м болгон пружинанын үстүнө массасы     3,6 кг га барабар жүк коюшту. Пружина канчалык кыскарды?

Тынч турганда пружинанын узундугу 8 см. 24 Н күч менен кысканда анын узундугу  5 см болуп калса, пружинанын катуулук коэффициенти эмнеге барабар?

Трактор массасы 6 тонна болгон чананы сүйрөп бара жатат. Чана менен жолдун бетинин ортосундагы сүрүлүү коэффициенти 0,03. Трактордун тартуу күчү кандай?

Горизонтко 30^отук бурч менен жантайган тоодо, салмагы Р болгон автомобиль жүрүп бара жатат. Сүрүлүү күчү 0,1Р. Турактуу ылдамдык менен кыймылдаш үчүн ал кандай тартуу күчүнө ээ болуш керек?