Жыл мезгілдері туралы не білеміз?

Сабақтың тақырыбы: Жыл мезгілдері

Сабақтың мақсаты:

а)Түзете-дамыту: Жыл мезгілдері туралы мәлімет беру, жыл мезгілдерінде болатын өзгерістер туралы ұғым қалыптастыру, артикуляциялық, ұсақ моторика жаттығуларын орындату. Буындардан сөз құрауға үйрету, сауатты көшіріп жазу дағдыларын қалыптастыру. Сабақта АКТ-ны қолдану.

ә)Тәрбиелігі: адамгершілікке тәрбиелеу.

Көрнекілік: бояулар, буын топшамалары, магнитті әріптер, қиынды сөздер.

Сабақтың барысы:

І. Ұйымдастыру бөлімі

- Амандасу.

- Сабақтың тақырыбымен таныстыру.

ІІ.Негізгі бөлім

Ринолалия

Стрельникованың «Погончики» жаттығуы,

«Тыңдамайтын тіл» -тілді жалпақ етіп, қозғамай ұстап тұру үшін, ауызды кең ашып, тілді астыңғы ерінге қойып, шығарып ұстап пя-пя-пя деп 5-10 шейін санап айтқызу керек. Жаттығуды орындау кезінде мынаған көңіл бөлу қажет: тіл жалпақ, тілдің екі жағы ауыздың екі шетіне тиіп тұруы керек. Демді ұстап тұрмай, толық дем шығарған кезде пя-пя-пя деп бірнеше рет қайталау қажет.

«Тоқылдақ» тілді жоғары көтеріп ұстап, тілдің ұшын қатты таңдайға үнсіз соққылау. Нұсқау: тілдің ұшы үстіңгі азу тістердің артына қатты таңдайға тиеді, ауыз қуысынан шықпайды. Тілдің ұшын бүкпей, түзу ұстау керек. Астыңғы жақ пен ерін қимылдауы қажет.

«Күрекше»- жалпақ тілді ауыз қуысынан шығарып, төменгі ерінге салып 10-15 секунд ұстап тұру керек. Тілді қимылдатпай ұстап тұруын қадағалау керек.

1. [К], [Г], [Х], [Қ] дыбысынан басталатын сөздер ойлап айтуға үйрету. Мазмұнды суреттердің ішінен [К], [Г], [Х], [Қ] дыбыстарынан басталатын суреттерді тап.

ЖТК ІІ-ІІІ деңгейі

1. Берілген сөздердің ішінен жоғалған дыбысты тауып орнына қой. Мыс: К...з, сал...ын, жаң...ыр, таби...ат, қы..., ж..з, көк...ем, т.б.

1. Тақырыптарға байланысты буындардан сөз құрауға үйрету. Мыс:

Көк+тем, та +би +ғат, жаң+быр, т.б.

1. Дыбыстық жат жазу жұмысын жазып үйрету. (Дауыссыз дыбыстар қатары). Сауатты көшіріп жазуға үйрету

2. Тақырыптарға байланысты бір,екі буынды сөздерді қосып оқуға үйрету. Мыс: жыл мезгілі, қар жауды, күн күркіреді, т.б.

ІІІ. Сергіту сәті

Мынау - менің оң қолым.

Мынау – менің сол қолым.

Бір, екі, үш.

Демаламыз отырып.

ІV. Қорытынды бөлім

• Бүгінгі сабағымызда не туралы әңгімелестік?

• Сіздер сабақта қандай дыбыспен таныстыңдар?

• Сабақ сіздерге ұнады ма?