Жисмоний маданият

ЖИСМОНИЙ МАДАНИЯТ СОҲАСИДАГИ АСОСИЙ ТУШУНЧАЛАР.

МАЪРУЗАЧИ: С.Н. ХАЙДАРОВ

МАЪРУЗА МАҚСАДИ.

• Жисмоний маданият соҳасида учрайдиган дастлабки асосий тушунчалар:
• “ Жисмоний маданият”;
• “ Жисмоний тарбия”;
• “ Жисмоний маданият тизими”;
• “ Жисмоний ривожланиш”;
• “ Жисмоний таълим”;
• “ Жисмоний тайёргарлик”;
• “ Жисмоний камолот”;
• “ Спорт” каби атамалар ҳақида назарий маълумотларга эга қилиш.

ЖИСМОНИЙ МАДАНИЯТ

• Жисмоний маданият бу - шахс ва жамият маданиятининг бир қисми бўлиб, жамият аъзоларининг жисмоний камолотга эришишлари учун яратилган ва фойдаланиладиган моддий ва маънавий бойликлар мажмуидир.

ЖИСМОНИЙ ТАРБИЯ

• Жисмоний тарбия – бу ҳар томонлама гармоник ривожланган, жисмонан соғлом, жисмоний камолотга эришган, ижтимоий фаол шахсни тарбиялашга қаратилган педагогик жараён бўлиб, ўзида ҳаракатларни (ҳаракат амалларини) ўргатиш ва жисмоний қобилиятларни (ривожланишини бошқариш) тарбиялашни мужассамлаштирган.

ЖИСМОНИЙ ТАРБИЯ ТИЗИМИ

• Жисмоний тарбия тизими - бу инсонларни жисмоний камолотини таъминлаш ва соғлом ҳаёт тарзини шакллантириш учун, ўзида маънавий, назарий-услубий, дастурий-меъёрий ва ташкилий асосларни мужассамлаштирган жисмоний тарбиянинг тарихан шаклланган, ижтимоий амалиёт турига айтилади.

ЖИСМОНИЙ ТАЙЁРГАРЛИК

• Жисмоний тайёргарлик - аниқ бир касбий ёки спорт фаолияти учун зарур бўлган ҳаракат кўникмаларини шакллантириш ва жисмоний қобилиятларини (сифатларини) ривожлантириш жараёнидир.
• Жисмоний тайёрланганлик - жисмоний тайёргарлик натижаси бўлиб, эришилган ишчанлик қобилияти, жисмоний сифатларнинг ривожланганлик даражаси ва ҳаётий зарур, амалий малака ва кўникмаларнинг шаклланганлик даражасида намоён бўлади.
• Умумий жисмоний тайёргарлик - турли фаолият турларида муваффақиятга эришишнинг дастлабки шарти бўлиб, жисмоний ривожланиш даражасини, кенг қамровли ҳаракат тайёргарлигини оширишга йўналтирилган тайёргарликдир.
• Махсус жисмоний тайёргарлик - ихтисослаштирилган жараён бўлиб, инсоннинг ҳаракат қобилиятларига махсус талаблар қўядиган, аниқ бир фаолият турида (касб, спорт тури ва ҳ.к.) муваффақиятга эришишга кўмаклашувчи тайёргарлик туридир.

ЖИСМОНИЙ ТАЪЛИМ, РИВОЖЛАНИШ, КАМОЛОТ .

• Жисмоний таълим - жисмоний машкларни бажаришга оид махсус назарий билимлар ва уларни лозим булганда турмушда қўллаш маҳорати ва кўникмаларини ўз ичига қамраб олади.
• Жисмоний ривожланиш - инсон организмининг индивидуал ҳаёти давомида морфофункционал ҳолатининг табиий ҳолда ўзгариши жараёнидир.
• Жисмоний камолот - тарихан белгиланган ва ҳаётий талабларга оптимал тарзда мувофиқ бўлган инсоннинг идеал жисмоний ривожланганлик ва тайёрланганлигидир.

СПОРТ

• Спорт – шахс ва жамият маданиятининг махсус фаолияти ҳисобланиб, рақобат ва беллашув шароитида инсоннинг ҳаракат имкониятларини очишга йўналтирилган жараёндир.
• Спорт - қисқа маънода шахсий мусобақа фаолияти дейилса, кенг маънода шахсий мусобақа фаолияти шу фаолият асосидан келиб чиқадиган махсус тайёргарлик ҳамда унинг норма ва ютуқлари тушунилади.

Жисмоний маданият воситалари – деб, жисмоний камолотга эришиш мақсадида фойдаланиладиган фаолият жисмлари, шакллари ва турларининг жамланмасига айтилади.

ЖИСМОНИЙ МАШҚЛАР ЖИСМОНИЙ ТАРБИЯНИНГ АСОСИЙ ВОСИТАСИДИР.

Табиатнинг соғломлаштирувчи кучлари.

Қуёш нури;

Сув;

Ҳаво.

Шахсий ва жамоат гигиенаси.

• ЭЪТИБОРИНГИЗ УЧУН РАХМАТ!
• СПОРТ БИЛАН ШУҒУЛЛАНИНГ ВА САЛОМАТ БЎЛИНГ!