Жақсылықпен жаным дос

Сабақ мақсаты: Жақсылық жасаудың  адам өміріндегі  маңыздылығы туралы түсініктерін кеңейте отырып, дұрыс әрекет жасауға  үйрету.

Міндеттері:

1.Оқушыларға жақсылық пен дұрыс әрекет жасауға  үйрету;

2.Оқушылардың бойында  кішіпейілділік, жанашырлық, мейірімділік, қайырымдылық қасиеттерін дамыту;

3.Оқушыларды риясыз  жақсылық жасауға тәрбиелеу.

Ресурстар:(құралдар, мәлiметтер)

слайд,өлеңнің аудиодискісі

Сабақ барысы:

1.     Ұйымдастыру кезеңi. Тыныштық сәтi.

Нұрға бөлену

  Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты. 

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. 

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде  отыра тұрыңыз... 

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.  (Алған әсерлерімен бөлісу)

2.     Үй тапсырмасын тексеру:

№7 Жақсылыққа-жақсылық (Ертегі) оқып, түсінігін айту. 27 бет

Сұрақтар:

·         Бала өзімшілідігінен қалай арылды?

·         Бала өмірден алған сабақтарынан  тағы қандай қорытынды жасауы мүмкін?

·        Жақсылық жасауды қалай түсінесіңдер?

Сабақ барысын талдау:

3.     Дәйексөз.

Жақсы сөз – жарым ырыс (Халық мақалы)

Мақалды бәріміз қосылып айту. Бұдан кейін 2-рет ұлдар, 2-рет қыздар қайталайды. Мақалдың мағынасын қалай түсінесіңдер?

 Хормен айту.

4. Әңгiмелеу (Мұғалімнің сыйы)

Бұлақ сылдыры? (М. Көккөзов)

Қиыршық қызыл құм жолаушының бетіне тиеді.
Керуеннің шыққанына бірнеше күн болады. Ұзақ жүрістен, ыстықтан, желден шаршаған керуеншілердің бірі ояу, бірі түйе үстінде мүлгіп келеді. Қанша жүргенін де есептемейді. Бір күні жлай аштықтан, шөлден әбден қалжыраған адам кездеседі. Ес-түссіз жатыр екен. Бірақ керуеннің алды бұл адамға назар аудармай өтебереді. Сонда керуеннің соңындағы бір шал түйесінен түсіп, ессіз жатқан адамның қасына барады.

Жатқан адам : «Су…-дейді. Аспан айналып жерге түскендей ыстық, аңызақ желм ен сапырылған қиыршық құм сексеуіл түбіне ұйлығады.
Шал торсығын алып, жатқан адамның беті қолын жуып, су ішкізеді.

Әлгі адам есін жиған соң, шал оның алақанына қарап: « Сен менің жауым екенсің. Бірақ шөлде бәріміз туыспыз. Мен қартайдым.Сен жассың, су іште, өмір сүр».-дейді де түйесіне мінгізіп керуеннің соңынан жібереді. «Өзіңіз қайтесіз ?»- десе, «Менің демім санаулы», -дейді шал. Жолаушы керуендіқуып жетуге ентелейді. Ұясына батып бара жатқан күн де адамның жақсылығы зая ктпесе екен дегендей , ұзақ аялдайды. Бұл кезде жолаушы керуенді қуып жетеді. Шал ақ матаға оранып, құмға жата кетеді. Күндер, айлар өтіп, керуен қайта кетеді. Жолаушыларға шексіз құмның арасынан шалқыған су көрінеді. Таяп келсе , көл жиегі көк орай шалғын, қамыс екен . Керуеншілер шал оранған ақ жамылғыны ғана байқайды.Бұлақтың нәзік сылдыры жүректі сипағандай сезіледі. Бұлақ адамның адаға жақсылық жасаған жерінен пайда болыпты. Нәзік сылдыры жақсылықтың өшпес үні тәрізді.

Шалдың әрекеті туралы не айтасыңдар?

Шалдың жасаған жақсылығы?

5.     Шығармашылық жұмыс, топтық жұмыс. 

1-ші топқа

1.Жақсылықпен жаным дос,

...........................................

Үлкенге де, кішіге,

............................................

Дұрыс жолды таңдаймыз,

........................................

Жанашырлық білдіріп,

 ........................................

Қайырмасы:

Жақсылықтың жолында,

Мейірімді жүрекпен.

Жақсы-жақсы  сөздермен,

Нұр төгейік баршаға.

2.Жақсылықпен жаным дос,

.........................................

Адамдарды алалап,

.........................................

Кішіпейіл танытып,

.........................................

Риясыз ақ көңілмен...........

2-топ: Қарлығаш пен Дәуіт ертегісін өз ойымен қортындылау.

3-топ: Арыстан мен тышқан ертегісін өз ойларымен аяқтау.

4-топ: Өздеріңнің жасаған жақсылықтарың туралы шағын әңгіме құрастыру.

Ертегілердің үзінділерін оқып шығып, өз ойларымен жалғасын айту барысында жақсы мен жаманды білу. Өздерің жасаған жақсылықтарың туралы шағын әңгіме құрастырыңдар?

6.     Топпен ән айту.

«Жан досым» әні

Iздегенде табылатын қасыңнан,
Көңілі бар қызғалдақтай ашылған.
Көрiспесек сағыныштан жүдейтiн,
Кiм бар екен бала күнгi досыңнан!

Қайырмасы: 
Жан досым, үстем болсын мерейің,
Әрқашан жеңiсiңді көрейiн,
Сырымыз да бiтпесiн,
Жырымыз да бiтпесiн, жырымыз да бiтпесiн!

Қос бұтағы секiлденiп ағаштың,
Қатар жүріп сырымызды сан аштық.
Жол тапсақ та бiрге жүрiп жол таптық,
Адассақ та бiрге жүрiп адастық.

Қайырмасы: 
Жан досым, үстем болсын мерейің,
Әрқашан жеңiсiңді көрейiн,
Сырымыз да бiтпесiн,
Жырымыз да бiтпесiн, жырымыз да бiтпес

7.     Үйге тапсырма беру.

С.Аронұлының «Жақсы мен жаман адамның қасиеттері» мәтінін оқып, түсінігін айту.

Дәптермен жұмыс №7 1,2  тапсырмаларды орындау.

8.     Соңғы тыныштық сәтi. Музыка әуенімен.

Тыныштық бар жерде .............. Тыныштық бүкіл әлемде..........

Көзімізді жұмып, тыныштықта  бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Енді көздеріңді ашсаңдар да болады.

Бүгін біз сендермен «жақсылық» туралы сөйлестік. «Күннен жылу тараса, Анадан мейірім тарайды» деген ғажап сөзімізді есімізге түсірсек. Сүйіспеншілік бар жерде қамқорлық, мейірімділік бар екендігіне көзіміз жетті. Жүрегімізде орын алған үлкен сүйіспеншілік сезімдерімізді алақанға салып, барша әлемге сыйлайық. (алақанды үрлеп, жолдайды).

Сабақ мақсаты: Өмірде жақсылық жасауға үйрете отырып, ішкі тыныштық құндылығының мәнін ашу

Міндеттері:

-оқушыларды өміріндегі қиыншылықтарды шыдамшылықпен жеңуді ұғындыру;

-  жақсылыққа ұмтылып, өзіңді-өзің алдамауға тәрбиелеу ;

-  іс әрекетті сабырлықпен, байсалдылықпен шешуге үйрету.

Ресурстар:(құралдар, мәлiметтер)

Сабақ барысы:

1. Ұйымдастыру кезеңi. Тыныштық сәтi.

Нұрға бөлену (оқушылар өз әсерлерімен бөліседі)

1. Үй тапсырмасын тексеру (мәтінмен жұмыс)

Үй тапсырмасына №7 тақырыптағы  Жақсылыққа жақсылық ертегісін үйден оқу және өз ұсыныстарын жинақтап, осы ертегідегі теріс қылықтардан арылып, риясыз жақсылық жасаған көріністерді естерінде қалуы үшін суреттер салып келу.

    (Оқушылардың үйден салып келген суреттерін талқылау).

Ертегі бойынша пікір алмасу сұрақтары:

1.Сендердің риясыз жақсылық жасаған кездерің болды ма?   

2.Байсалдылық, шыдамдылық болса, адамның ішкі дүниесінде не орнайды?

Сабақ барысын талдау:

1. Дәйексөз.

Біреуге жақсылық етсең,ол жақсылығыңды міндет етпе!

Ыбырай Алтынсарин

-Жақсылықты қандай ниетпен жасау керек?

-Риясыз қызмет дегенді қалай түсінесіңдер?

-Байсалдылық ойды тынышталдырып, жақсы әрекет жасауға жол көрсете ме?

4.Әңгiмелеу

Жақсылық пен Жамандық

Ертеде Данышпан  ата өз ұрпағын сынау үшін адамның оң иығына жақсылықты, сол иығына жамандықты отырғызып қойыпты. Адам бір іс жасарда жақсылық “істе” десе, жамандық “істеме” деп сыбырлайды екен. Сөйтіп адамның бойында қай қасиет басым екенін байқамаққа оны сапарға аттандырыпты. Адам біраз жол жүріп, өзен жағасымен шаршап келе жатса, судың жағасына шығып қалған балықты көреді.
Балық секіріп суға жете алмай жатыр екен. Жақсылық жаны ашып:
- Адам, ана балыққа көмектесіп жібер, - десе, Жамандық:
- Қой, жөніңе жүре бер, уақытыңды алма, - дейді.
Адам балықтан әрірек асып барып, мойнын бұрып қарайды. Балық шарасыздан көзі жәутеңдеп, көмек сұрағандай болады. Адам шыдай алмай кері бұрылып барып, балықты суға салып жібереді. Балық ризашылығын білдіріп. Суда ойнақшып, секіріп, құйрығын бұлғақтатып суға сүңгіп кетеді. 
Адам одан әрі жүре береді. Бір теректің қасынан өтіп бара жатып, шыр – шыр еткен дауысты естіп тұра қалады. Қараса, кішкене ғана торғайдың балапаны ұясынан құлап қалған екен. Еңкейіп енді көтерейін деп жатса, Жамандық:
- Осы торғайдың балапанына бола жолдан қалмақпысың? Оны көтеріп ұясына салу үшін, теректің басына шығу керек. Мерт болсаң қайтесің? Өзің далада ит – құсқа жем боласың ғой, - дейді.
 Адам ойланып тұрып қалады. Осы сәтте Жақсылық:
- Ей, адамзаттың баласы, сен әлсіздерге қорған болып, қол ұшыңды беру үшін жаратылғансың. Мына бейшара балапанды ұясына сала кет. Шарапаты тиеді, - дейді.
Адам тағы да шыдай алмай балапанды алып, теректің басына өрмелеп шығып, ұясына салып кетеді. Балапан шиқ – шиқ етіп, қанатын қағып, разы болады.
 Адам демалып алмақшы болып отыра бергенде, аяғының астында бидайдың дәнін әрең сүйреп бара жатқан құмырсқаны көзі шалады. Құмырсқа дәннің о жақ, бұ жағына шығып, қозғауға ыңғайлы ретін таба алмай, ісі өнбей келеді екен. Адам әуелі жамандықтың айтуымен құмырсқаны дәнінен айырып тастағысы келіп оқталады да, шыр – пыр болған Жақсылықтың сөзіне құлақ түрді. Ол:
- Әй, адам – ау, қалай ғана адамдығыңнан айнып кетуге әзір тұрасың. Бұл құмырсқа өзінен үлкен дәнді сүйреп, машақаттанып келе жатқанда, қол ұшыңды көрсетіп жолына салып жіберудің орнына, оны қызықтап, ермек қылғың келгені қалай? Одан да еңбек етуді осы кіп – кішкене тіршілік иесінен үйренбейсің бе? – деп налыған екен.
Адам өз ойынан ұялып, райынан қайтады. Сөйтіп Данышпан  ата ұрпағын алдына шақырып алып:
- Міне, балам, жамандыққа ерсең жаман боласың, жақсылыққа ерсең жақсы боласың. Мен саған үш сын бердім, үшеуінен де өттің, разымын. Енді осылай адамдығыңнан айнымай, айналаңа қамқор болып, жамандыққа жоламай, жақсылыққа жолдас бол, - деп батасын береді.
Содан бері адам баласы жақсылықпен мұратына жетіп келеді екен. 

Сұрақтар:

- Адам Жақсылықтың айтқандарын орындау себебі неде? 

- Шыдамдылық адамның ішкі дүниесін қалай гүлдендіреді ?

- Жақсы ой, сөз, іс әрекеті үйлескен адам қандай адам?

Шығармашылық жұмыс, топтық жұмыс.

Жақсылық пен жаным дос өленің құрастырып көріңдер?

1.Жақсылықпен жаным дос,

...........................................

Үлкенге де, кішіге,

............................................

Дұрыс жолды таңдаймыз,

........................................

Жанашырлық білдіріп,

 ........................................

Қайырмасы:

Жақсылықтың жолында,

Мейірімді жүрекпен.

Жақсы-жақсы  сөздермен,

Нұр төгейік баршаға.

2-ші топқа

2.Жақсылықпен жаным дос,

..........................................

Адамдарды алалап,

.........................................

Кішіпейіл танытып,

........................................

Риясыз ақ көңілмен,

..........................................

Қайырмасы:

Жақсылықтың жолында,

Мейірімді жүрекпен.

Жақсы-жақсы  сөздермен,

Нұр төгейік баршаға.

Топпен ән айту.

Жақсылықпен жаным дос! (Ақ көгершін әніне салып орындау) сөзі Ғазез Ж.С

1.Жақсылықпен жаным дос,

Бауырмалмыз бәріміз.

Үлкенге де, кішіге,

Жақсылық жасаудан қалмаймыз.

Дұрыс жолды таңдаймыз,

Самғап ұшып  талмаймыз.

Жанашырлық білдіріп,

 Көмек беруге дайынбыз.

Қайырмасы:

Жақсылықтың жолында,

Мейірімді жүрекпен.

Жақсы-жақсы  сөздермен,

Нұр төгейік баршаға.

2.Жақсылықпен жаным дос,

Арамдықты білмейміз.

Адамдарды алалап,

Кемсітуді білмейміз.

 Кішіпейіл танытып,

Қол созамыз баршаға.

Риясыз ақ көңілмен,

Жақсылық жаса адамға!

Үй тапсырмасы.

№8  С.Аронұлының «Жақсы мен жаман адамның қасиеттері» мәтінін оқып, түсінігін айту. 32 бет.

Дәптермен жұмыс №7 1 Өздеріннің жасаған жақсылықтарың туралы шағын әңгіме құрастырып келіңдер!

Соңғы тыныштық сәтi.

Баяу музыка қосылады. - Көзімізді жұмып, тыныштықта  бүгінгі сабақты есімізге түсірейік. Енді, бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық сол жөнінде ойланайық. Осының барлығын жүрегімізге салып, көкейімізге түйіп алайық.  Жайлап, көзеріңізді ашуға болады. Бүгінгі керемет сабақ үшін сіздерге көп рахмет!

Сабақ мақсаты: Жақсылық жасаудың адам өміріндегі маңыздылығы туралы түсініктерін кеңейте отырып, дұрыс әрекет жасауға уйрету.

Міндеттері:

Білімділік:

Оқушыларға жақсылық пен дұрыс әрекет жасауға үйрету.

Дамытушылық:

Оқушылардың бойында кішіпейілділік, жанашырлық, мейірімділік, қайырымдылық қасиеттерін дамыту.

Тәрбиелік:

Оқушыларды риясыз жақсылық жасауға тәрбиелеу.

Ресурстар: (материалдар, дереккөздер)

слайд,өлеңнің аудиодискісі

Сабақ барысы:

1. Ұйымдастыру кезеңi.

«Өзін-өзі тану» курсы адамға өзін-өзі анықтауға, жақсы қасиеттерін ашуға, өзіне адалдыққа, өзінің абыройын сақтай отырып үнемі Адам, осы сөздің толық мағынасында, болып қалуға көмектеседі.

Сара Алпысқызы Назарбаева

1. Тыныштық сәтi.

Нұрға бөлену

1. Үй тапсырмасын тексеру.

№7 Жақсылыққа-жақсылық (Ертегі) оқып, түсінігін айту. 28 бет

Сұрақтар:

1. Анасы баласына не әкеліп беруін сұрады?

2. Бала жолдан кімдерді кездестірді?

3. Бала өзімшілдігінен қалай арылды?

4. Бала өмірден алған сабақтарынан тағы қандай 5. қорытынды жасауы мүмкін?

5. Өздеріңнің риясыз жақсылық жасаған кездерің болды ма?

Сабақ барысын талқылау:

1. Дәйексөз.

Жақсы сөз – жарым ырыс

Халық мақалы

(оқушылар талдап болғасын  барлығы бірге   2рет айтып шығады)

1. Әңгiмелеу (сұхбат). Аңыз айту.

Ертегілер еліне саяхат

«Сиқырлы шам» / бейнетаспадан фильм көрсету/

·         Осы ертегіден не түйдіңдер?

. Жақсылық жасау деген не?

·         Жақсы адамның бойында қандай қасиеттер болады?

·         Фильмнің соңында адамдарды не біріктірді?

1. Шығармашылық жұмыс, топтық жұмыс.

Оқушыларды түстер арқылы топқа бөлу. Постер жасау.

Ертегіні оқып, жалғасын өз ойларыңмен аяқтаңдар

1-ші топ. Қарлығаш пен дәуіт.

2- ші топ. Арыстан мен тышқан

Сұрақтар:

·         Ертегіден не түйдіңдер?

·         Жақсылық жасау деген не?

·         Өмірде жақсылық жасаудың маңызы қандай?

1. Топпен ән айту.

«Біз бақытты баламыз»

1. Үй тапсырмасы.

№8  С.Аронұлының «Жақсы мен жаман адамның қасиеттері» мәтінін оқып, түсінігін айту. 32 бет.

Дәптермен жұмыс №7 1,2  тапсырмаларды орындау

1. Соңғы тыныштық сәтi.

Баяу музыка қосылады.

Көзімізді жұмып, тыныштықта бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Енді көздеріңді ашсаңдар да болады.

Сабақтың өтілу

мерзімі

22.10.2013 2күн-14:00-14:45

Сыныбы

5 «А» сыныбы

Пәні

Өзін-өзі тану

Сабақтың тақырыбы

Жақсылықпен жаным дос

Сабақтың мақсаты

Жақсылық жасаудың адам өміріндегі маңыздылығы жөніндегі түсініктерін кеңейтіп, жақсылық жасаудың құндылық ретіндегі мәнін ұғындыру;

Жаңа тәсілдерді пайдалана отырып, сыни ойлауын дамытуға ықпал жасау, өз бетінше жұмыс жүргізуге және ой қорытуға дағдыландыру, ізденімпаздыққа үйрету. Сонымен қатар оқушыларды адамгершілікке, жақсылыққа тәрбиелеу.

Сілтеме

Өзін-өзі тану оқулығы 5-сынып

Сабаққа қажет материалдар (кеспеқағаз, маркерлер т.б)

Оқыту нәтижесі

Оқушылар «жақсылық», «жақсылық жасау» туралы білімдерін кеңейтеді;

Жақсылық жасау іскерліктерін дамытады;

Мейірімді, қайырымды болуға тәрбиеленеді;

Топпен жұмыс барысында ойы толығады,әрекетті сыни бағалауды

үйренеді;

Негізгі идеялар

Жақсылық және жамандық сөздерінің мағынасын ашу;

Дәйек сөзбен, нақыл сөздермен жұмыс жасау;

Тапсырмалар

1.Мақал-мәтел айту

2.Мағынаны тану

3.Шығармашылық тапсырма

4.Дәйексөз талдау

5. Сүйінбай Аронның “Жақсы мен жаман адамның қасиеттері” өлеңіне талдау жасау арқылы кластер құру

6.Жақсылық ағашын салу

Міндеттері

Әртүрлі тапсырмалар орындату арқылы талантты және дарынды оқушыны,көшбасшылықты анықтау;

АКТ-ны пайдалануда интертақтамен жұмыс жасап үйрету;

Берілген тапсырмаларды топпен бірігіп отырып орындау;

Кейінгі тапсырмалар

Махаббат-өмір өзегі тақырыбына дайындалып келу және мақал-мәтелдер жаттап келу

Кері байланыс

Өзін-өзі бағалау

Бағалау

Оқыту үшін бағалау және оқуды бағалау

Мұғалімнің жазбасы

1-тапсырма

Оқушылармен көңілді орта құру үшін қол ұстасып, шеңбер құрып,оқулықта берілген «Біз өмірдің гүліміз» әнін қосылып айту.

Оқушыларды тақырыпқа байланысты адам бойындағы жақсы мінездер бойынша топқа бөлу.Жақсы мінездер жазылған карточкалар арқылы 4 топқа бөлеміз.

• 1-топ. Ақылдылар

• 2-топ. Мейірімділер.

• 3-топ. Тәртіптілер.

• 4-топ. Әдептілер.

Топтың басшыларын жасырынған сөздері бар мақал-мәтелдерді беру арқылы сайлаймыз. Әр топқа

1 мақал-мәтел беріледі, сондағы жасырынған сөзді тауып, мәтелді толықтыруға тапсырма беріледі. (АКТ слайд арқылы көрсетіледі).

Топтың лидерін мақал-мәтелдердегі жасырын сөзді табуына қарай анықтау.

1 - топ

Жақсының ісі-----------(адалдық)

Жаманның ісі----------- (арамдық)

2 - топ

Жақсылық қылсаң-----------------қыл (адал)

3 - топ

Жақсының----------- айт, нұры тасысын. (жақсылығын)

4 – топ

-------------адам алысты жақын етер. (жақсы)

Жұмбақты тапқан оқушы топ басшысы болады.Топ басшылары топпен ақылдасып, сыныптың ережесін бекітеді.

Ереже: Уақытты тиімді пайдалану

Тыныштық сақтау

Сөзді бөлмеу,кезектесіп сөйлеу.

2-тапсырма

Сабақтың тақырыбын ашу мақсатында оқулықта берілген сұрақтар бойынша әңгімелесу жүргізіледі.

1. Жақсылық деген сөздің мағынасын қалай түсінесіңдер?

2. Жақсылық жасау дегеніміз не?

3. Жақсы адамның бойында қандай қасиеттер болады?

4. Жақсылық жасау адамның парызы ма? Әр топ өздеріне берілген сұрақтарға топ болып ақылдасып жауап береді. Әңгімелесу барысындағы ойды толықтыру үшін оқулықта берілген «Жақсылыққа - жақсылық» ертегісін оқушыларға оқып беру. Балалар оқулықтағы ертегі бойынша сұрақтарға жауап беріп, мәтінді өздігінше талдайды.

3-тапсырма

Оқулықта берілген ертегілерден үзіндіні оқып, оқушылардың жақсы мен жаманды айыра білу, өмірде жақсылық жасаудың маңызыдылығын тұғындыру ,ой толғау мақсатында аяқталмаған мәтінді өз ойымен жалғастыруға шығармашылық жұмыс беріледі.

1. «Қарлығаш пен дәуіт» ертегісі.

2. «Арыстан мен тышқан» ертегісі.

Сергіту сәті. Оқушылардың тыныс алуын реттеу үшін сергіту жаттығуын ұйымдастыру.Балалар шеңберге жиналып, аудиодискі арқылы «Қара жорға» әуеніне қимыл-қозғалыс биін билейді

4-тапсырма

Оқушыларға бүгінгі сабақтың дәйексөзі ретінде берілген оқулықтағы “Жақсы сөз – жарым ырыс”нақыл сөзін басшылыққа алып, өздерінің жасаған жақсылықтары туралы шағын әңгіме (эссе) жазуға дәптермен жұмыс беріледі.Балалар жеке жұмыс жасайды.

5-тапсырма

Топтастыру стратегиясын пайдалана отырып жұптық жұмысқа тапсырма беріледі.

Тапсырма:

• Оқулықта берілген Сүйінбай Аронның “Жақсы мен жаман адамның қасиеттері” өлеңіне талдау жасау.

• Өлеңдегі жақсылық пен жамандық тұжырымдарынан кластер құрастыру.(СТО стратегиясын пайдалану)

Жаман адамның қасиеттері

Жақсы адамның қасиеттері

6-тапсырма

Сабақты қорытындылап, ой түйіндеу мақсатында «Жақсылық ағашы» суретіне қарап түйіндеме жасалады.

Ағашта өсіп тұрған алмалардағы сөздерді пайдаланып «жақсылық» тақырыбына ой түйіндейді. Мыс: Қайырымдылық - жақсылық жасаудың ең тиімді жолы.

Сурет бойынша ойларын топтар постер арқылы қорғайды.

“Жүректен-жүрекке ”

Оқушылар қол ұстасып,шеңберге құрып,оқулықтағы А.Асылбековтың «Жақсы болу - өзіңнен» атты өлеңін бірге оқиды.Өлеңнің мазмұны арқылы адамның жақсы болуы да, жаман болуы да өз қолында екенін және өз бетінше көп үйренуге, әр ісіне есеп беруге үйрену керек екенін ұғынады.

Жақсы – болу өзіңнен. А.Асылбеков.

Жақсы болу – өзіңнен,

Жаман болу – өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

Мен қандаймын деп ойла.

Жамандық көрсең біреуден,

Мен қандаймын деп ойла!

№7 орта мектеп.Жаңаөзен қаласы

Ашық сабақ

Тақырыбы: Жақсылықпен жаным дос

Дайындаған: өзін-өзі тану пән

мұғалімі Калдыгулова Акмарал

2013-2014 оқу жылы