Токтың жұмысы мен қуаты. Джоуль- Ленц заңы

Физика 8-Сынып

 ІІ.  Үйге берілген тапсырманы сұрау.

III. Жаңа сабаққа мақсат қою.

IV.Жаңа сабақты түсіндіру кезеңі

V. Жаңа сабақты бекіту. .

VI. Білімдерін тексеру. 1-7 слайдтармен

VII.Қортынды.

VIII. Кері байланыс

IXБағалау.

X. Үйге тапсырма.

І.Ұйымдастыру. (3 минут)  

1.1.  Сынып оқушыларына  жағымды ахуал туғызу

1.2.  Столдағы кағаздар арқылы сыныпты 4 топқа бөлеміз. (Марс бір топ, Меркурий екінші топ, Юпитер үшінші топ, Сатурн төртінші топ)

ІІ. Миға шабуыл ( 5 минут)

Оқушылар өздерінің топтары жайлы мәлімет бере кетеді. . 

 Үйге берілген тапсырманы сұрау. сұрақтар:

Электр тогы деген не?

Электр тогы бар болу үшін қандай шарттар орындалуы керек?

Тұрақты ток деген не?

Электр тогының қандай әсерлері болады ?

Электр тогын сипаттайтын физикалық параметрлерді атаңдар?

Электр тогын өткізетін заттар мен денелерді айтыңдар?

Ток күші дегеніміз не, анықтамасын бер.

Электр қозғаушы күш деген не?

Электр кернеуі деген не?

Бөгде күш деген қандай күш?

Қандай тұрақты ток заңдарын білесіңдер?

ІІІ. Жаңа сабаққа көшу үшін берілетін сұрақтар (сұрақ қою техникасы) (5 минут)

Елімізде 2017 жылы не өтейін деп жатыр? (ЭКСПО 2017 көрмесі)

Осы көрменің тақырыбы қалай аталады? (Болашақ қуаты)

Осы қуат деген сөзді бұрын естулерің барма? ( 7 сыныпта механикалық қуат)

Қуат неге байланысты? (жұмыс)

(Осылай сұрақтарға жауап бере отырып оқушылар өздері жаңа сабақтың тақырыбы мен мақсатын біледі.

Жаңа сабақ: «Токтың жұмысы мен қуаты.Джоуль-Ленц заңы»

ІV. Топтық жұмыс «Мәтінмен жұмыс» (13 минут) 

Берілген мәтінді әр оқушы өз бетінше оқиды. Келесі кезекте топтарға төмендегі сұрақтар таратылады.

Электр тогы жұмысының формуласы қалай өрнектеледі, өлшем бірлігі қанадй?

Тізбектің бөлігіне арналған Ом заңын пайдаланып ток жұмысының формуласын өрнектеп беріңдер?

Электр тогы қуатын есептеуге арналған формуланы қорытып шығарыңдар, өлшем бірлігін ата?

Джоуль-Ленц заңы қалайжазылады,түсіндір?

Берілген сұрақты   топта өзара талқылайды. Әр топтың баяндамашылары сұраққа кезектесіп жауап береді. (Жауаптарын критериий арқылы формативті бағалайды.)

V. Жұптық жұмыс  «Есептер шығару»  (10 минут)

Егер қалта фонары шамының кернеуі 3,5 В, ал тоқ күші 0,28 А болса, ондағы электр тогы 5 минутта қандай жұмыс істейді?

Егер резистордағы ток күші 10 мА, ал кедергісі 1кОм болса, онда 10 минут ішінде қанша жылу мөлшері бөлініп шығады?

Кедергісі 1 кОм резисторды кернеуі 100В тізбекке қоссақ, онда 10 минут ішінде қанша жылу мөлшері бөлініп шығады?

№1166. Кернеуі 400В электр двигателіндегі токтың күші 92 А. Электр двигателінің орамындағы токтың қуатын анықта.

№1167. Кернеуі 220В болатын дәнекерлегіштегі ток күші 0,9 А. Дәнекерлегіштегі токтың қуатын тап.

Практикалық есептер шығару.Тұрмыстық электр приборларын пайдаланады.

Үтікті 5 минут қыздырып, оның техникалық көрсеткіштерін пайдаланып, үтіктен бөлініп шығатын жылу мөлшерін есептеп шығару.

Плойка-шаш бұйралағышты 7 минут қыздырып барып, одан бөлініп шығатын жылу мөлшерін есептеп шығар.

Топтамамен жұмыс.

Кернеуі 25В, ток күші 0,25 А. Токтың қуатын табу керек.

Токтың жылу мөлшерін есепте. Вольтметрдің көрсетуі 5,2 В, амперметрдің көрсетуі 2А, кедергісі 2 Ом, уақыт 5 минут.

Токтың қуатын есепте. Амперметрдің көрсетуі 0,3 А, вольтметр 120В.

Токтың жұмысын есепте. Вольтметр-100В, резистор -30 Ом, уақыт-3 с.

Білімді тиянақтау- тексеру.

Деңгейлік тапсырмалар. Оқушы  өзі таңдайды.

Генератордың қысқыштарындағы кернеу 380 В, тізбектегі ток күші 5 А. Генератордың қуатын тап.

Электрлік құралда 5А ток күші 45 минут ішінде 162 кДж жұмыс жасады. Осы құралдың кедергісін тап.

Кедергісі 6 Ом және 10 Ом екі резистор тізбекке тізбектей қосылған. Егер екінші резисторға түсетін кернеу 20 В тең болса, онда 2 минут уақыт ішінде әрбір резисторда қандай жылу мөлшері бөлінеді?

1. Электр тогының бар болу шарттарын атап көрсетіңдер ,дұрыс жауаптар тақтаның пердесін жылжыту арқылы тексеріліп отырады.

2. Электр  тогын сипаттайтын параметрлер.

Формуласын жазып көрсет.толықтыру керек қалам арқылы

3.Тұрақты ток заңдары, Формуласын жазып толықтыр қалам арқылы.

Сергіту сәті

Оқушыларды интерактивті тақтадан сергіту сәтін ұйымдастырамын.

5.Электір тогын өткізу қабілетіне қарай заттар бөлінеді – оқушылар тақтада тұрып ,пердені

шетінен ашып отырып жауаптарын  тексереді.

6. Электр тогы тасымалдаушы негізгі бөлшектерді сәйкесінше көрсет қаламмен

7. Электр тогының жұмысы, қуатты . Джоуль – Ленцзаңы –тақтаның пердесін жылжытып отырып осы жауаппен сәйкестендіру керек.

Физикалық диктант дәптермен жүмыс.

Зарядталған бөлшектің  реттелген бағытталған қозғалысы  ..... деп аталады.

Уақыт бойынша өзгермейтін ток  ........  деп аталады.

Электр тогының әсерлері болып табылады ......... әсерлер.

Уақыт бірлгіндегі өтетін заттың мөлшеріне тең шама ....... деп аталады.

Ток күші  ....  өлшенеді

Кулондық күштер мен бөгде күштердің жасаған қосынды ж....ы деп аталады.

Токтың қуаты ток күші мен ....... көбейтіндісіне тең физикалық шама.

Өткізгіште бөлінген жылу мөлшерін есептеу үшін ток күшінің квадратын  өткізгіш ....... және электр тогының өту уақытын өз ара көбейту керек.

VII. Сабақты қорыту.

Джоуль-Ленц заңы қалай тұжырымдалады?

Ток күші 3А, кернеуі 220В желіге 3 сағ қосылған үтік қанша жылу мөлшерін бөледі? .

Бүгінгі тақырыпта танысқан формулалар мен өлшем бірліктерді жазыңыз

VIII. Кері байланыс. (3 минут)  

Рефлексия.(Маған ұнады,қиын болды.)

IX. ,Бағалау.

Үйге тапсырма

21-жаттығуды шығару.