Тәрбие сағаты "Білім күні"

«АЛМАТЫ СӘН ЖӘНЕ ДИЗАЙН КОЛЛЕДЖІ» КҚМК

АЛМАТЫ ҚАЛАСЫ БІЛІМ БАСҚАРМАСЫ

Дайындаған: 18-5 тобының жетекшісі Кокимбекова Г.Д.

Қазақстан Республикасының білім беру ұйымдарында 2019 жылы 1 қыркүйек Білім күніне арналған «Саналы ұрпақ - жарқын болашақ» мерекесі және азаматтық және патриоттық Сабағы

1-қыркүйек - дәстүрлі Білім күні мерекесі, оның мақсаты өскелең ұрпақтың білімге құштарлығын қалыптастыру және жаңа оқу жылының алдында мереке атмосферасын құру болып табылады.

Білім Күні мерекесі – патриоттық және идеологиялық маңызы бар, жаңа оқу жылындағы бірінші тәрбиелік іс-шара. Бірінші класс оқушылары және олардың ата-аналары үшін – бұл алғашқы қоңырау мерекесі.

2019 жыл Қазақстанда Жастар жылы деп жарияланды

2020 жыл Абай Құнанбаевтың туғанына 175 жыл

Жаңа оқу жылы атаулы оқиғаларға толы болады:

Келер жылы біздің елде Еріктілер жылы

• Қазақстан жастарының арасында кең таралған бағыттың тағы бірі – спорттық еріктілік. Соңғы жылдары елімізде әр түрлі марафондар, триатлондар мен әлемдік чемпионаттар жиі өткізіліп, бұл бағыттың дамуына септігін тигізді. Халықаралық спорттық шараларда ерікті болу үшін шет тілдерін біліп, ашық, сыпайы болу қажет. Сонымен қатар, спорт түрлерінің ерекшеліктерін де білген дұрыс.

Еріктілік дегеніміз – адамның өз еркімен ақысыз көмек көрсетуі. Көп елдерде еріктілік жұмыс қатарына қосылады, өйткені волонтер өзінің уақытын бөліп, білімін іске асыра отырып тегін жұмыс істейді. Еріктілікпен ұйымдар арқылы, ынталы топтар немесе жеке де айналысуға болады. Волонтерлік қызметтің аясы өте кең: әлеуметтік, спорттық, шаралық, экологиялық, медициналық және тағы да басқа түрлері бар.

Еріктілік – жастардың өз белсенділігін көрсетіп қана қоймай, адамдарға көмек беріп, тәжірибе жинауға, өмірлік маңызды дағдыларды дамытып, әлемді жаңа қырынан көруге мүмкіндік беретін бірден-бір сала. Сондықтан, уақытты еріктілікке жұмсау – тұлғалық дамуға құйылған инвестициялар болып табылады.

Келер жылы ТМД-да – 1941-1945 жж. Ұлы Отан соғысындағы Жеңістің 75 жылдығы аталып өтеді.

1941 жылы 22 маусымда Ұлы Отан соғысы басталды. Еңбекшілер Отан қорғаушылар қатарына өз еркімен жазыла бастады.Республикада 2 млн-нан астам адам әскери даярлықтан өтті. Соғыстың алғашқы кезеңінде 14 атқыштар және атты әскер дивизиясы, 6 бригада құрылып, майданға жіберілді. Қазақстандық 36 - жеке атқыштар бригадасы 30 дан астам ұлттан құрылды. Алматы, Жамбыл, Оңтүстік Қазақстан, Қырғызстаннан шақырылған жігіттерден 316 – атқыштар дивизиясы жасақталды. Командирі – генерал М.В.Панфилов болды. Армия қатарына 1 млн 200 мың қазақстандық қосылып, әрбір бесінші адам майданға аттанды.

Конституция және Конституциялық Кеңестің қызметі туралы

Конституция және оның маңызы

Қазақстанның Конституциясы ұлттық саяси-құқықтық жүйенің өзегі, мемлекеттілік пен ел егемендігінің, заңдылық пен құқықтық тәртіптің заңдық негізі, барлық заңнама мен құқық қолдану практикасы негізделген іргетасы болып табылады. Бүгінде біздің еліміздің азаматтары оған маңызды және тиімді жұмыс істейтін құқықтық құжат ретінде қарайды.

Конституцияны абстрактілі заң құжаты ретінде қысқа ұғынуға болмайды. Пәрменді Конституция дегеніміз – бұл заңдар және мемлекет пен қоғамның дұрыс дамуының индикаторы болып табылатын бүкіл құқық қолдану практикасы.

Конституция «Біз қайда барамыз? Біздің түпкі мақсатымыз қандай? Және біз оған қалай қол жеткізе аламыз?» деген сұрақтарға жауап беруге мүмкіндік беретін қоғам мен мемлекет қозғалысының негізгі бағыттарын анықтайды. Американдық азаматтықты қабылдау кезінде: «Сіз американдық Конституцияға сенесіз бе?» деген сұрақтың қойылатындығы кездейсоқ емес. АҚШ-тың Конституциясы Филадельфиядағы Конституциялық конвентте 1787 жылы 17 қыркүйекте қабылданды және қазіргі түсіністе әлемдегі бірінші Конституция болып саналады.

Конституция (лат. constitutio-құрылғы, орнату, қосу) дегеніміз – мемлекеттің жоғары заң күші бар негізгі заңы. Демократиялық даму жолына түскен елдерде Конституция мемлекеттің саяси, құқықтық, экономикалық және мәдени-гуманитарлық жүйелерінің негіздерін анықтайды.