Получите свидетельство
Вход
Ковиддин азардикди чи арадай акъатай зи играми Альберт имидин экуь къаматдиз бахшнавай шиир.
Чан ими
Зи играми , зи багъри кас,
Хуравай рик1 шезва вахъ.
Вакай фикир за авурла,
Вилин накъвар жезва гьахъ.
Вучиз, лагь, вун хъуьрезава,
Булутрикай, элкъвез захъ?
Зун вахъ чилел къекъвезава,
К1анзава заз рахаз вахъ.
Гьелбетда, вун мад рахадач,
Рази жеда кьисметдал.
Гуьрчег къамат мад ахквадач,
Ахварай за гуьзетда.
Женнетдин вун ахварикай,
Кват тавурай , чан ими.
Хатадай хьай гунагьрилай,
Гъил къачурай Аллагьди!
Мугьман дуьнья язва има,
Инсанар къвез-хъфидай.
А куь ширин келимаяр,
Шаддиз рик1ел хкидай.
Зи багърияр, зи к1анибур,
Хуьрай сад тир Аллагьди.
Заз жигердин пай гайибур,
Бахтлу (а)вурай кьисметди.
Шиир " Чан ими " (13.85 KB)
0
217
0
Нравится
0
