Сауат ашу. Ы ы дыбысы және әрпі

МАД

Тәрбиеші: Жеткербаева А

Уақыты:

Кабинет:

Тақырыбы

Ы дыбысы және әрпі

Сабақтың мақсаты

 Оқушыларға Ы дыбысы мен әрпін меңгерту, сөздерге дыбыстық талдау жасауға үйрету. Ы дыбысының артикуляциясын дұрыс қолданып, дұрыс айтуға үйрету. Ы дыбысының орнын анықтату, ауызша әңгімеден кейін сызбаға сәйкес сөйлемдер құрауға үйрену. Сурет бойынша әңгіме құруға үйрету

Көрнекіліктер

Үлестірмелі суреттер, плакат т.б

Іс-әрекет  кезендері

Тәрбиеші  әрекеті

Балалардың   іс — әрекеті

 Психологиялық ахуалды қалыптастыру

– Сәлеметсіңдер ме, балалар! Терезеге қараңдаршы! Қандай тамаша! Аңдар мен құстар, таулар мен өзендер – бәрі қуанышты. Өйткені бәрі-бәрі бір-бірімен дос. Айналадағы ортамен достықта болған қандай керемет!

Қол ұстасып, өзімізбен де, айналамен де сәлемдесейік.

Айтамыз алғыс қайталап,

Тыңдайды бізді шартарап.

Өмір сүру – бір бақыт.

Дос бола білу – шын бақыт!

Балалар алдағы өтетін сабаққа дайындық жасайды.

Ұйымдастыру  іздестіру       

 Жаңа сабақ

жұмбақтан бастау
Кесе, шыны, пияла
Оларсыз шай құя ма?
Қасықсыз тамақ жемейміз, 
Бәрінің атын не дейміз? (Ыдыс)

Жұмбақ шешуі – ыдыс. Ыдыс сөзін бірнеше рет қайталап, созып айтқызу (Ы - ы - ды -ы - ы - с).
Оның таңбасын көрсетіліп, әрпімен таныстыру. Дауысты дыбыс екені айтылады.
Мұғалім кеспе әріптердің көмегімен буындар құрастырып, оларды сынып оқушыларына оқыту (ыл, ыс, ыр, ыс, ыш, ыс).
«Сушылар» диалогын оқыту
Су, суар, суару, суарушы сөздеріне дыбыстық талдау жасау.
Дәптермен жұмыс
Дәптерімізді ашайық
Салақтықтан қашайық
Қолға қалам алайық
Көркем етіп жазайық.
Қолдың еркін жазуына арналған жаттығу жасау. Ы әрпін үлгідегідей жол аяғына дейін жазу. Сиыр, бұрғы сөздеріне дыбыстық талдау жасау. Ы дыбысының орнын табу. У, ы дыбыстарын қосып, буын, сөз құрау.
Оқулық бетінің соңына қарай баспа түрінде өткен әріптер берілген. Оларды жазба түрінде дәптерге көшіріп жазу.
IV. Жазу дәптеріндегі ы әрпіне байланысты қолды еркін жазуға жаттықтыру жұмыстары орындалады.

Балалар  барлық  қимылдарды  тәрбиешіге  қарап, қайталайды. Берілген тапсырмаларды орындайды.

Сергіту сәті

«Мен циркте болдым».

Ойын үшін әріптер мен буындар жазылған карточкалар керек. Оны екеулеп немесе топпен де ойнауға болады. Ойыншыларға әріп жазулы карточка таратылады немесе барлық карточкалар үстелде жатады. Ал ойыншылар кезек-кезек жақындап алады. Бірінші ойыншы әріппен немесе буынмен карточканы алады да айтады: «Мен циркте болып, ...», осы карточкада көрсетілген әріпке басталатын бір нәрсе ойлау керек. Тек қана зат есімдер ғана емес, сонымен бірге, мысалы, «с» әрпінен сайқымазақ, секіріп жүрген гимнаст, сары шымылдық және т.б. Ал егер сіз буындар қолданатын болсаңыз, онда бұл буын міндетті түрде сөздің басында ғана тұруы қажет емес. Нұсқаулар: «мен теңізде болдым», «Мен орманда бодлым», «Мен театрда болдым» және т.б.

Ы ы әрпінің баспа , жазба түрі:

Оқушылар ойын ойнайды

 Рефлексивті — түзетушілік 

Талдау-жинақтау әдісін пайдаланып, мәтінді сөйлемге, сөйлемді сөзге, сөзді буынға, буынды дыбысқа талдау жұмысы ұйымдастырылады. Бас әріппен жазылатын сөздер жөнінде ұғымды қалыптастыру жұмысы жалғасады.
Тапқышбектің тапсырмасын орындау. Бос ёторкөзге тиісті әріптерді қою.

Бүгін біз қандай әріппен таныстық?
Арыс не суарды?
Асыл мен Ырыс кімдер?
Олар не істеді?
«Әліппе серігімен» жұмыс. Ы дыбысы кездескен сөздерді тапқызу.

Тапсырмаларды әр  бала  өз алдына ерекше орындады.

Күтілетін   нәтиже:

Білу

Тапсырма  мазмұнын  толық  есте  сақтады.

Өзіне үйренгені

Ы ы дыбысы туралы түсінікті қалыптастыру

Үйрену 

 Сұрақтарға толық жауап беруге  үйрену.