План открытого урока.

Гом урочы пълан

1-æм къласы

Ахуыргæнæг: Джыккайты Л.П.

Джæуджыхъæу 25.12.17 аз

Урочы темæ: «Зымæг. Дамгъæ, мыр «З,з».

Урочы нысан: 1. Бацамонын æрдзы ивддзинæдтæ зымæджы. Бацамонын

æмхъæлæсон дамгъæ «З,з».

2. Рæзын кæнын хъусдард, мысæн, зонд, хъуыдыгæнæн.

3. Ирон æвзагмæ рæзын кæнын уарзондзинад.

УАА: регулятивон, коммуникативон, удгоймагон, логикон.

Фæстиуджытæ: предметон: базонын хорз кæсын текст, раст дзурын мыр

«з»

уæнгты, дзырдты.

метапредметон: ахуыр кæнын сывæллæтты иумæйаг хатдзæгтæ

кæнын.

удгоймагон: ахуыр кæнын сабиты æрдзы рæсугъддзинæдтæ

уынын, уарзын.

Æххуысгæнæн фæрæзтæ: чиныг, кусæн программæ, нывтæ, карточкæтæ,

презентаци.

Урочы цыд.

1. Салам раттын.

2. Релаксацийы рæстæг.

(фæйнæгыл 4 нывы (уазджытæ): Хур, Сабыр, Гуыбыр, Митгæлæбу).

- Сабитæ, абон нæ урокмæ æрбацыдысты уазджытæ: Хур, Сабыр, Гуыбыр, Митгæлæбу.

- Акæсут-ма рудзынгæй! Цавæр бон у абон: хъæлдзæг бон у æви æнкъард бон?

- Æнкъард бон.

- Цымæ цæмæн у æнкъард?

-Уымæн æмæ абон уары къæвда митимæ.

-Уæдæ нæ урокмæ Хур абон уый тыххæй батагъд кодта, цæмæй нын нæ чем фæхуыздæр кæна æмæ нын нæ кълас срухс кæна.

- Сабитæ, нæ уазджытæй дæр иу тынг æнкъард, раст нæ боны хуызæн. Цымæ кæцы у, бамбæрстат æй?

-Митгæлæбу!

_ Раст. Цæмæй схъæлдзæг уыдзæн уый зонут? Нæ хорз кустæй!

Нæ иннæ дыууæ уазæджы дæр абон уе хсæн ссардзысты æмбæлттæ. Гуыбыры тынг фæндид балымæн уæвын ахæм чызджытæ æмæ лæппутимæ, кæцытæ раст бадын нæ зонынц. Сабыры та фæнды ссарын йæхи хуызæн сабыр æмæ уæзданæй чи равдиса, ахæм æмбæлттæ скæнын.

3. Дарддæр фæйнæгмæ ахуыргæнæг рахуыдта радгæсы, уый аразы диалог «Къуырийы бонтæ».

- Абон цы бон у?

- Абон у дыццæг.

- Знон цы бон уыд?

- Знон уыди къуырисæр!

- Хорз. Райсом та цы бон уыдзæн?

- Райсом та уыдзæн æртыццæг.

- Къуырийы бонтæ чи зæгъдзæн?

- (Саби дзуры къуырийы бонтæ).

- Æнæхъæн кълас дзуры къуырийы бонтæ.

4. Ныр та, сабитæ, нæ зæрдыл æрлæууын кæнæм нæ виртуалон компьютер (уым ис 7дзургæ тексты). Нæ фыццаг текстыл бакусæм (дзуры иу саби, стæй æнæхъæн кълас).

Нæ гимназ.

Æз ахуыр кæнын 5-æм гимназы, фыццæгæм къласы. Мæ гимназ у стыр æмæ райдзаст. Ис дзы бирæ кълæстæ, спортивон зал, хæрæндон. Æз бирæ уарзын мæ гимназ. Æз уарзын мæ гимназ.

5. Фæлхат кæнæм дзырдуатон дзырдтæ, экранмæ кæсгæйæ: бæлæстæ, дидинджытæ, халсартæ, дыргътæ.

6. Бакусæм тагъддзуринагыл:

Къаппа-къуппа – къæбæлдзыг,

Къаппа-къуппа – хæрдмæдзыд,

Къаппа-къуппа – уæлвæзы,

Къаппа-къуппа – дæлвæзы.

7. Сабитæ, ныр та бакусæм нæ карточкæтимæ. Сфæлхат кæнæм нымæцонтæ, хъæлæсонтæ, æмхъæлæсонтæ, дывæр дамгъæтæ, хуызтæ.

8. Скæнын физминуткæ дывæр дамгъæтимæ

Фонетикон куыст бакæнæм.

Хърихъупп – хъупп-хъупп,

Хъæдхой - къупп-къупп,

Дудахъ - дахъ-дахъ,

Халон - хъуахъхъ-хъуахъхъ,

Хиуа - хъиу-хъиу,

Цъиутæ - цъиу-цъиу,

Бурдым - дым-дым,

Зым - зым-зым.

Сабитæ, абон нын иу нана æрбарвыста нæ урокмæ зымæгон хъæццул. Бахуыдта йæ гыццыл гæппæлтæй. Хъæццулы алы хай тай райста уæ зонындзинæдтæй. Зæгъæм, мæнæ фыццаг гæппæл, цы дзы ис?

- Бæх! – дзурынц сабитæ.

- Цы у уæ бон зæгъын бæххы тыххæй? – фæрсы ахуыргæнæг.

- Уый у хæдзарон цæрæгой! У стыр æ9мæ тыхджын. Ноджы у рæсугъд æмæ морæ.

- Нæ иннæ гæппæлы тыххæй дæр радзурæм. ( джитъри, арс, заз, фæткъуы, уарди, фæззæг).

- Ацы куыст та схондзыстæм, сабитæ, центон ( рацыд æрмæгыл бакуысты хуыз).

9. Сабитæ, ныр та иу гыццыл ахъазæм пантомимийæ. Сымахæй исчи рацæуæд, æ9вдисдзæн алыхуызон архæйдтытæ, мах та базондзыстæм цы у? (бадын, цæуын, лæууын, уарзын, кафын, хæрын, худын, ныв кæнын).

10. Скæнæм физминуткæ.

11. 1.Ног æрмæг.

Мотиваци ног æрмæгмæ.

- Цы ис нывы, сабитæ?

- Нывы ис афæдзы афон зымæг!

- Уæдæ нæ урочы темæ куыд хуыйны?

- Нæ урочы темæ у «Зымæг»!

Дарддæр ахуыргæнæг æвдисы дамгъæтæ: «З,з» æмæ «Ж,ж», фæрсгæйæ:

- Сабитæ, цæуыл ма кусдзыстæм?

- Дамгъæтимæ «З,з» æмæ «Ж,ж»-имæ!

- Тынг раст.

2. Бакусын нывимæ, диалог кæнгæйæ:

- Цавæр зымæг у?

- Бонтæ цавæр вæййынц зымæджы?

- Бонтæ вæййынц цыбыр æмæ тынг уазал.

- Чи уарзы фылдæр зымæг?

- Фылдæр зымæг уарзынц сывæллæттæ!

- Тынг раст.

3. Ног дамгъæтимæ бакусын, семæ уæнгтæ саразын:

З а, æ, и, е, у, ы, о

Ж а, е, о, и, ы, у, æ

4. Сабитæ, «Ж,ж»- йы бакæнæм къæбицы. Дуар ыл бахгæнын. Гуыдыр ыл сæхгæнын.

- Разы стут мемæ?

- О, разы стæм!

5. Ныр та бакусæм дзырдтыл ног дамгъæимæ: æз, аз, уазал, зымæг, фæззæг, уарзын. Кæсæм дзырдтæ, цавд æвæргæйæ

6. Къордтæй куыст.

- Чысыл къордтæ ма акæнæм! Алы къорд дæр лæвæрд дзырдтæй æрæмбырд кæнæд хъуыдыйад. Фыццаг чи уыдзæн цæтт9æ, къух-иу сдарæ9д.

Рауад хъуыдыйæдтæй текст.

Зымæг.

Раллæуыд уазал афæдзы афон зымæг. Бонтæ фæцыбыр æ9мæ фæуазал сты. Арæх уары мит.

7. Экраныл текст кæсы скъоладзау, стæй кæсы æнæхъæн кълас.

8. -Сабитæ, нæ уазджыты зæрдæтæ ма бахъæлдзæг кæнæм рæсугъд зарæгæй. (Зарынц зарæг 2Хæдзарон мæргътæ»)

III 1. Рефлекси скæнæм:

-Уæ разы ис æртæ хуызы урс - нысан кæны – «ницы бамбæрстон»

бур – нысан кæны – «алцыдæр бамбæрстон»

сырх - нысан кæны «мæ зæрдæмæ фæцыд»

- Сабитæ, куыд бамбæрстон, урс ничи систа, уый тынг хорз у! Зæгъут-ма, цы рауад æртæ хуызæй?

- Ирыстоны тырыса!

- Раст. Йæ хуызты нысаниуæг та йын чи зæгъдзæн?

2. Фæстиуджытæ:

- Мæн ныр зæгъын фæнды æмæ уæ алы куысты этап дæр мæ зæрдæмæ фæцыд. Уый тыххæй æвæрын алы хайæн дæр зæрдæ, уыдон иумæ банымайгæйæ сты 6-7 (алы зæрдæ æндæгъд цæуы Митгæлæбуйы алыварс). Сабитæ нæ уазджыты æнкъарддзинад фæлидзын кодтат уæ хорз æмæ раст куыстæй æмæ нын бахъæлдзæг.

3. – Нæ урок фæци, хорзæй баззайут!

- Фæндараст!