ООД "Музыка дойдутугар айан"

Музыкальнай аһаҕас дьарык конспега.

Ыытааччы музыкальнай салайааччы : Потапова Мария Александровна.

Үөрэтэр хайысха : художественно – эстетическай.

Тиэмэтэ : “ Музыка дойдутугар айан”

Улахан бөлөх оҕолоро.

Сыала – соруга :

Үөрэтэр : Оҕону дьарыкка интэриэһин тардыы , музыкаҕа көнөтүк туттан чэпчэкитик хаамалларын ситиьии , оҕо тылын баайын сайыннарыы, музыкальнай инструменнар тустарынан билиилэрин чиҥэтии , үөрэтии.

Сайыннарар : Ыллыыр – истэр дьоҕурдарын сайыннарыы.Музыкальнай инструменнар тыастарын арааран истии.

Иитии : Айылҕаҕа кыылларга истиҥ сыһыаны иҥэрии , бэйэ- бэйэҕэ көмөлөсүһүү,

харыстааһын.

Туттуллар матырыйааллар : Тыа , тохтобуллар – кыыллар , музыкальнай центр ,

колокольчиктар , 5 лиискэ сорудахтар.

Киириитэ - 2

Сүрүн чааһа – 20

Түмүк - 3

Дьарык барыыта.

Киириитэ. “Марш “ музыканан хааман киирэн олоруу.

Үтүө күнүнэн оҕолор, иитээччилэр !

Бүгүн биһиги музыкальнай дьрыкпытыгар “ Музыка алыптаах дойдутугар” айанныахпыт. Оҕолоор, тугунан айанныырбыт буолуой ?. (поеһынан.)

Бастаан айанныахпыт иннинэ биһиги кылгастык дьарыкпыт ис хоһоонун кытта билсиэхпит. Айаннаан иһэн станцияларга тохтоон сорудахтары толоруохтаахпыт. Оҕолоор, станция диэн эһиги санааҕытыгар туох буолуой ?( Тохтобул.) Поезд, автобус, паровоз , массыыналар тохтоон , дьону ылан ааһар сирдэрэ. Тохтобулларга тохтоон сорудахтары толордохпутуна эрэ салгыы айанныыбыт. Тохтобулларга биһигини кимнээх көрсөллөрө буолуой ? (Кыыллар.)

О5олоор , биһиги “ Тулуйан иһит” диэн тохтобулга кэллибит. Чэ , эрэ , бастакы сорудахпытын ылан көрүөҕүн эрэ. Ханнык кыыл сорудаҕын толоробутуй ? (кыылы ааттыыллар .) Манна тугу истэбитий ?( Музыка истии. )Туох туһунан музыканы иһиттигит ?( Бытаан тургэн.) Ханнык инструменнар иһиллэллэрий.? Салгыы “ Облака “ музыканан поездпытыгар олорсон аныгыскы тохтобулбутугар кэллибит. Тохтобулбут аата “ Ырыа “ диэн. Манна тугу гынабытый, оҕолоор ? (Оҕолор эппиэттэрэ.) Маладьыастар. Билигин дьыл ханнык кэмэй ?( Кыһын. ) Ол иһин билигин хатылыы таарыйа “ Кыһын “ диэн ырыабытын ыллаан иһитиннэриэхпит. Маладьыастар. Наһаа учугэйдик ыллаатыгыт. Салгыы айаннаан аныгыс тохтобулга кэллибит. Тохтобулбут аата” Үнкүү “. Манна биһиги үнкүүлээтэхпитинэ эрэ салгыы айанныыбыт. Чэ , эрэ “ Полька “. үнкүүбүтүн үнкүүлээн көрдөрүөххэйин эрэ . Маладьыастар. Сорудахпытын толордубут. Айаннаан дэлби сылайдыбыт, кыратык нуктаан ылыаххайын. “ Колыбельная “ музыка тыаһыыр. Чэ , эрэ туруоххайын уонна салгыы айанныаҕын. “Колокольчик” диэн музыкальнай инструменнар тохтобулларыгар кэллибит. Биһгиги бүгүн колокольчик диэн музыкальнай инструмены кытта билсиэхпит уонна тыаһын истиэхпит.( Араас колокольчиктар тыастарын истии, керуу.)

Дьэ , эрэ оҕолоор сорудахтары барытын толордубут дуо ? Толорбут буоллахпытына поездпытыгар олорон кыылларбытын кытта бакаалаһан дьиэбитигэр айанныаҕын. “ Голубой вагон “ музыка тыаһыыр.

Түмүк

Бүгүн бу дьарыкка ханна сырыттыбыт , тугунан айаннаатыбыт?

Ханнык сорудахтары толордубутуй?

Тугу саҥаны биллигит?

Ханнык инструмены үөрэттибитий?

Тугу сөбүлээтигит?