Конспект урока по татарскому языку в 6 классе «Настоящее время глаголов изъявительного наклонения»

Тема: Хәзерге заман хикәя фигыль. Кабатлау.

Дәреснең максаты: 1.Хәзерге заман хикәя фигыль турында белемнәрне арттыру.

2.Телдән һәм язма сөйләм күнекмәләрен булдыру,сүз байлыкларын арттыру.

3.Укучыларда ана телен өйрәнүгә кызыксыну уяту , табигатькә мәхәббәт тәрбияләү.

I.Белемнәрне тигезләү.

-Исәнләшү.

-Дәрескә әзерлекне тикшерү.

-Дежур укучы белән әңгәмә.

1нче бирем. Экранда шигырь.

Сагынычлы язның сыерчыгы,

Җырла син , җырла ярсып.

Моңлы җырың җиңү шатлыгының

Канаты булып барсын.(“Җырла кояшка карап” Ф.Кәрим.)

(Сүзлек эш.)

-Фигылләрне табыгыз һәм әйтегез, сез аларны кайсы төркемчәгә кертерсез? Моның өчен сезгә сорау куеп карарга кирәк.

(Нишлә? Нишләсен?)

Җырла(пой)-гл. повелит. накл. Эш кушабыз , боерабыз.

-Кайсы затка эш кушабыз?

-Син(II зат) җырла.

-Димәк,зат белән төрләнә икән. Инде шушы фигыльне I затка куеп карагыз.

-Мин җырлыйм. (теләк)

IIIзат-ул җырласын.

-Әгәр дә сыерчыклар күп булса?

-Без җырлыйк.

Сез җырлагыз.

Алар җырласыннар.

II.Уку мәсьәләсен кую.

-Әгәр сыерчык хәзер җырлап утырса, җырла фигылен ничек әйтерсез? (Экранда сыерчык рәсеме.)

-Җырлый – поет.

-Что вы можете сказать об этом глаголе?

-Глагол изъявительного наклонения.

(Тәрҗемәсен сүзлектән эзлибез.)

Хикәя фигыль икән.

Хәзер җырласа –җырлый(хәз. Заман.)

Кичә җырласа-җырлады,җырлаган (үтк. Заман.)

Иртәгә җырласа-җырлар,җырлаячак (кил. Заман.)

Нәтиҗә:Шулай итеп, хикәя фигыль 3 заманда килә икән.

(Слайд)

II бирем.Экранда шигырь.

Көләч кояш көлә килә,көлә менә

Карга кереп , кышның карын кимерә.

Ә кыш елый агып:

-Туным жәл ,-ди.

Җиргә ятып яшен сөртә,

Суын агызып йөткерә.

(Сүзлек эш.)

-Фигыльләрне атагыз,сораулар куегыз (нишли?) Эш кайчан башкарыла? (хәзер.) Димәк, фигыльләр кайсы заманда килгән?

-Хәзерге заманда.

-Әйдәгез бүгенге дәреснең темасын чыгарыйк әле.

Хәзерге заман хикәя фигыльләр.

(Глаголы настоящего времени изъявительного наклонения)

III. Уку мәсьәләсен чишү.

-Бу фигыльләр турында нәрсә белергә телибез?

1.Соравы.

2.Ясалышы.

3.Мәгънәсе.

4.Төрләнүе.

- 2 нче шигырьгә кире кайтабыз.

Фигыльләрне атыйбыз. (көлә,кимерә, елый, сөртә, йөткерә.) Нинди сорау куя алабыз?

-Нишли? Нишләми?(нәтиҗә.)

2.Ясалышы.

Көл-ә , кимер-ә -а -ә (тартыкка бетсә )

Ел(а)-ый эшл(ә)-и -ый –и (сузыкка бетсә)

3.Мәгънәсе. Кеше сөйләп торган вакытта булган яки булмаган эшне хикәяли хәбәр итә.

Слайд.

IV.Модельләштерү

нишли? нишләми?

-ый –и -а -ә

Модельгә карап материалны ныгыту.

1Хәзерге заман хикәя фигыльнең зат – сан белән төрләнүе.(Слайд).

Эшлә, укы, кайт, йөз фиг-рен зат-сан белән төрләндерү.

2.Физминутка.

2.Китап белән эшләү. 5нче күнегү,159 бит.(язмача).

6нчы күнегү,159 бит.(телдән).

V.Рефлексия.

-Ничек кабатладык?

-Кайсы эш сезгә авыр булды?

VI.Өй эше.

1. 3 нче күнегү, 160 бит. Диалогларга төшеп калган репликаларны өстәргә.

МБОУ «Савгачевская средняя общеобразовательная школа»

Открытый урок

в 6 А классе

по татарскому языку

на тему: «Хәзерге заман хикәя фигыль. Кабатлау.»

Учитель татарского языка и литературы:

Исаева Гульсина Мансуровна

2013 год