Сыныбы: 6
Күні:
Сабақ тақырыбы: Құстарды қарсы алайық
Сабақ мақсаты:
Білімділігі:Оқушыларға жалпы құстардың пайдасы туралы көктемде құстардың оралуын олардың азайып кетуінен хабардар ету.
Түзете дамытушылық: Құстарға қамқор болуға, құстарды аялауға ой - өрістерін, түсініктерін дамыту. Оқушылардың тіл байлығын, сөздік қорын молайту. Дамыта оқытуға негізделген шығармашылық қиялын жүйелеу, ойлау қабілеттерін дамыту.
Тәрбиелілік.Оқушыларды Отанын жерін, орманын, көлін, табиғатты сүюге тәрбиелеу.
Сабақтың әдісі: Шығармашылық ізденіс, жатқа айту, сұрақ - жауап, пікірлесу, көркем сөз, топпен жұмыс.
Көрнекілігі: Құстар суреті, слайд
Сабақтың барысы:
І. Ұйымдастыру бөлімі.
1) Психологиялық дайындық.
Құстарды қорғап бағамыз,
Көктемде ұя саламыз.
Жыл құстарын қарсы алып,
Үй құстарын бағамыз.
2) Балалар, бүгінгі сынып сағатымыздың тақырыбы:
Құстарды қарсы алайық.
1. Слайд. Ой қозғау;
- Балалар қандай құстарды білеміз?
- Қазір қандай мезгіл?
- Көктемде ең алғаш ұшып келетін қандай құс?
Суретпен жұмыс.
- Балалар мына құстардың атын атайықшы; қараторғай, қарлығаш, бозторғай, шымшық, тырна, қаз, үйрек.
- Балалар ұзақтан қандай құстар ұшып келеді екен?
ІІ. Жаңа сабақ.
Құстардың түрі мен ұшып келу реті Ұшып келетін уақыты Мекен етуі
Ұзақтар, қараторғайлар, бозторғайлар, шымшықтар. Жер кеуіп, жәндіктер жандана бастағанда Үй шатырларының астыңғы жағы мен бұрыннан қалған ұяларды иемденеді.
Тырналар, қаз, үйрек, шағалалар. Өзен мұздан арылғанда
Бұрыннан қалған ұяларды иемденеді, биіктікке ұя салады.
Қарлығаштар, теңбіл, торғайлар. Маса, шыбын шыққанда Бұталар мен ағаш бұтақтарына, жағалаудағы тастар арасына ұя салады. Ағаш қуысына ұя салады.
ІІІ. Шығармашылықпен жұмыс. (Сурет салу)
ІҮ. «Ойнайық,ойлайық» Жұмбақ шешу.
1. Көлдің көркі, сәні екен,
Ұшқанда сазды ән екен.
Ақындар оны мақтаған,
Адамдар қорғап сақтаған. ( Аққу )
2. Орманда жоғары,
Ағашқа қонады.
Тұмсығын балта етіп,
Тоқ - тоқ соғады. ( Толқылдақ )
Ү. Қорытынды бөлім.
Қазақ халқы ертеден аң - құстарды киелі санаған. Сұлуды – аққуға, әншіні – бұлбұлға, ержігітті – қыранға, ез жігітті – жапалаққа теңесе, қарға баласын «аппағым» дер деген сөз де бекер айтылмаған.
«Құс досымыз, қорғаймыз біз,
Сүп - сүйкімді, сүйеміз торғайды біз.
Ағаш ұя жасаймыз ақ көңілмен,
Қанатты туысқанды, қолдаймыз біз».
Шыр - шыр еткен торғайды,
Қорғамасқа болмайды.
Таспен атып торғайды,
Ұя бұзған оңбайды.
ҮІ. Бағалау
ҮІІ.Үйге тапсырма. Өз қалаулары бойынша құстардың суретін салып келу.