Қазақтың ұлттық тағамдары

Cабақтың тақырыбы:

Қазақтың ұлттық тағамдары

«Бақытты сәт» ойыны

Сабақтың мақсаты:

Білімділік: «Қазақтың ұлттық тағамдары» тақырыбы бойынша алған білімдерін тексеру, оқушылардың тілін дамыту, тыңдай білуді және оймен бөлісуді үйрету, грамматиканы қайталау, қазақ халқының салт-дәстүрлері арқылы қазақ тілін үйренудің тұрақты қызығушылығын дамыту.

Дамытушылық: сөздік қорларын молайту, сөйлеу, ойлау, есте сақтау қабілеттерін дамыту.

Тәрбиелік: сабақты меңгерте отырып, қазақ халқының салт-дәстүрін, мәдениеттін сыйлауға, елін, жерін, Отанын сүюге, қорғауға тәрбиелеу.

Сабақтың түрі: дәстүрлі емес сабақ.

оқыта үйрету ойыны.

Сабақтың типі: қайталау сабағы.

Сабақтың әдісі: модульдік технология.

Пәнаралық байланыс: орыс тілі, қазақ әдебиеті, тарих, музыка

Сабақтың көрнекілігі:

1. Интерактивтік тақта.

2. «Шашу» кәмпиті.

3. Ортақ бағалау парағы.

4. Фишкалар

5.Конкурс тапсырмалары.

Ұжымдастыру формасы: топтық жұмыс.

Сабақтың барысы:

1. Мұғалімнің сөзі:- Сәлемдесу,(Сәлеметсіңдер ме?Отырыңыздар)

2. - Бүгін кім кезекші?-...

• Сыныпта кім жоқ?...

• Бүгін нешесі?

• Аптаның қай күні?

1. –Балалар! Көздеріңді жабыңдар. Мен сендерге бір азық – түліктер беремін, оның дәмін, бұл не екенін анықтаңдар. (боза ).

-Боза туралы кім біледі?

-Боза неге жатады? ...(Қазақтың ұлттық тағамдарына).

Сабақтың тақырыбы және мақсатымен таныстыру.

«Дастарқан» бейнекөрінісін көрсету.

Сабақтың кезеңдері:

• І. “Бой сергіту” кезеңі

• ІІ. “Шашылған бауырсақтар” кезеңі

• ІІІ. “Фонетика әлемінде”

• ІV. “Сен маған, мен саған” сайысы

V. Диалог құрастыру

• VI. “Бинго” ойыны

То басшылардың ұраны:

Көңілді тапқыштар, білімділер,

Бар өнерін алдарыңа салады.

Кім білімді, көп оқыған болса егер,

Бүгінгі күн жеңімпазы болады

Оқушылар (Сусындар, Тағамдар) болып отырады.

• Ойынның мақсатымен, шартымен таныстыру.

• Әр топ өзідерін таныстырады.

1-топ. Ұраны:

Біз сусынбыз, сусынбыз,

Бәрінен де мықтымыз!

2-топ. Ұраны:

Ас –адамның арқауы.

Ендеше бүгінгі «Бақытты сәт» ойынымызды бастайық.

I кезең «Бой сергіту»

Команданың әр мүшесіне карточка беріліп, дайындыққа 1минут уақыт бөлінеді. 1минут уақыттан кейін әрқайсысы жауап беріп, сәйкес фишка алады.

«Сусындар» тобы

1.Қазақтың ұлттық тағамдарын ата?(Шұжық, бесбармақ,қазы,қарта т.т)

2. Шұжық ненің етінен жасалады? (қой,сиыр,түйе,жылқы етінен)

3. Сенің сүйікті тамағың не?(...)

4. Қазақтың басты ұлттық тағамы не?(ет)

5.Қымыз ненің сүті?(биенің сүті)

6. Сүт тағамдарын ата?(шұбат, айран, қымыз)

«Тағамдар» тобы

1. Айран ненің сүтінен жасалады?(сиыр сүтінен)

2. Қазы, қарта, жая ненің еті?(жылқы еті)

3. Бесбармаққа ненің етін салады?(жылқы, сиыр, қой, түйе етін)

4. Жылқы етінің қандай ерекшелігі бар?(жылқының еті қатпайды, майы тоңазымайды)

5. Құрт неден жасалады? (сүттен)

6. Сенің сүйікті тағамың не?(...)

II кезең «Шашылған бауырсақтар»

Тапсырмалар жазылған карточкалар:

1. Мына сөйлемді аудар:

Из мясо конины готовят казы, карта, жал. (Жылқының етінен қазы, қарта, жал дайындайды)

2. Баяндауыш қандай сұраққа жауап береді?(баяндауыш кім?не? деген сұраққа жауап береді)

3.Мына сөйлемді аудар:

Творог, курт, масло молочные блюда.(Сүт тағамдары -рімшік, сүт, құрт, май.)

4. Мақал-мәтелдің аудармасын дұрыс айт:

Когда в семье лад, все вкусно подряд. (Тату үйдің тамағы тәтті)

5. Мақал-мәтелді аяқта:

Ат-адамның қанаты,

(Ас- адамның қуаты)

6. Сөйлем мүшелерін ата:

(Бастауыш, баяндауыш, толықтауыш, анықтауыш, пысықтауыш)

7. Бастауыш, баяндауыш қандай сөйлем мүшелері? (тұрлаулы)

8. Толықтауыш, анықтауыш, пысықтауыш қандай сөйлем мүшелері?

(тұрлаусыз)

9. Қазақтың ұлттық дастарқанында тамақтардың негізгі үш түрі бар. Оларды ата? (ет, сүт, нан тағамдары)

10. Мына сөздерді аудар:

еда, пища- (дәм)

не попробовав- (ауыз тимей)

гость-(қонақ)

гостеприимство- (қонақжайлылық)

11. Қазақ тілінде неше шақ бар? Оларды ата: (өткен шақ, келер шақ, осы шақ)

12. Мына сөйлемді аудар:

В Казахстане есть санаторий где лечат кумысом. (Қазақстанда қымызбен емдейтін санаторий бар).

III кезең

« Фонетика» әлемінде

Мұнда мұғалім тақтаға әр командаға екі сөйлем жазады. Сөйлемдерде дауысты, дауыссыз дыбыстар түсіріліп жазылады

«Сусындар» тобы

1) Қаза...та ұлт...ық та... амдар ал...ан түрлі.

2) Дастар...андағы д...м, та...амнан а...ыз тимей кетуге болмайды.

«Тағамдар» тобы

1) Тамақ ішуге шақыр...анда, тама...ты к...п күтт...руге болмайды.

2) Қазақта дастар...аннан, д...мнен үлкен н...рсе жоқ.

IV кезең

«Сен маған, мен саған»

Үйден ас туралы өлеңдер, мақал-мәтелдер, жұмбақтар жаттап келу, бір-біріне жасыру.

V кезең

«Қазақтың ұлттық тағамдары»

диалог құрастыру, өзара сөйлесу.

Рефлексия : «Бинго» ойыны

Сонымен сабақты қортындылайық:

• Ет тағамдарын атаңдар?

• Сүт тағамдарын атаңдар?

• Нан тағамдарын атаңдар?

• Жылқы, сиыр, түйе не береді?

• Шұжық неден жасалады?

• Ұлттық тағамдарды ата?

• Төрт түлікті ата

Бағалау парағы бойынша топ жиналған фишкалар бойынша өзбағалайды.

Бағалау парағы