Емен ағашы туралы түсінік

Ибрагимова Тоты Жунусовна

бастауыш сынып мұғалімі

№56 мектеп-лицейі, Астана қаласы

Сабақтың тақырыбы: Емен ағашы туралы түсінік

Сабақтың мақсаты:

1. Емен ағашы, қасиеті, ерекшелігі қолданылуы жайлы білуге ықпал ету.

2. Емен ағашын өңдеу жолдарымен таныстыру.

3. Ұқыптылыққа, байқағыштыққа баулу.

Сабақтың түрі: дәстүрлі аралас сабақ

Әдіс-тәсілдері: сұрақ-жауап, түсіндіру, практиткалық жұмыс, СТО жобасының стратегиялары (5 жолды өлең, топтастыру)

Көрнекіліктер: Жұмыстың дайын үлгісі, емен ағашының суреттері, гербарий.

Пәнаралық байланыс: дүниетану, бейнелеу өнері, математика.

Қажетті құрал-жабдықтар: емен жапырағы, қима ағашы, қабығы, қайшы, зімпара қағаз, пышақ.

Сабақтың барысы:

1. Ұйымдастыру кезеңі. Оқушылардың назарын сабаққа аудару.

2. Үй тапсырмасын тексеру. Сабан туралы мазмұндау. Сабан таспаларынан жасаған

бұйымдарын тексеру, талдау, бағалау.

III. Жаңа сабақ.

1. Сөзжұмбақ шешу арқылы сабақтың тақырыбын анықтау.

Тігінен: емен

Көлденеңнен: ілгек, мозайка, ине, дизайн

2. Кіріспе әңгіме. Емен ағашы туралы мұғалімнің түсініктемесі.

Емен- өте жай өсетін қатты ағаш. Еменнің жапырағы жалпақ болады. Сондықтан еменді жалпақ жапырақты ағаш деп атайды. Емен өндіріске жарамды болу үшін шамамен 150-200 жылдай уақыт керек. Ол 1000 жылдай уақытта толық пісіп жетіледі. Емен суға онша шірімейді. Емен ағашын суға төзімді материал ретінде бағалайды. Жиһаздар, құрал-саймандар жасауға кеңінен пайдаланады. Еменжаңғақты малдарға жемге қоспа ретінде береді.

1. Оқулықпен жұмыс .

«Емен ағашы туралы түсінік» мәтінін оқу, талдау.

1. Практикалық жұмыс. Ағаш шыбықтарын кесу, өңдеу, аршу, тазалау тәсілдерімен

таныстыру.

• Ағаштың майда бұтағын қайшымен кесу;

• Қоларамен ағаш бұтағын кесу;

• Шыбықтың қабығын аршу;

• Зімпара қағазымен тазалап, тегістеу.

1. Қауіпсіздік ережесі. Есіңе сақта!

• Ұшы және жүзі өткір құралдарды арнаулы орында сақта;

• Пышақтың жүзін саусағыңмен сипама, тіліңмен жалама;

• Пышақты және бізді екінші кісіге оның сабы жағымен ұсын;

• Ағаш бұтақтарын сындырма. Жерге түскен бұтақтарды, шыбықтарды ғана жина.

IV.Қорытындылау. Сабақты «5 жолды өлең» стратегиясы арқылы қорытындылау.

Емен

қатты пайдалы

өседі қоректенеді қурайды

Өнеркәсіпте кеңінен қолданылып жүрген

ағаш

V Бағалау. Оқушы жұмыстарын тексеріп, кемшіліктерін көрсете отырып бағалау.

VI. Үй тапсырмасы. 8-9 - беттегі мәтінді оқу.Емен ағашы туралы мазмұндау. Қосымша мәліметтер жина.