Эссе "Мамандығым мақтанышым"

Мамандығым мақтанышым

Бұл өмірде адамның тағдырын айқындайтын екі нәрсе бар: бірі – өмірлік жолдасы жары болса, екіншісі – мамандық. Мен өз мамандығымды және түсетін жоғары оқу орнымды 5-сыныпта таңдадым. 

Мен өз армандарыма қол жеткізіп келе жатырмын. Алғашқы арманым әр дайым сабақты бес деген бағамен оқу еді. Ол арманым орындалып келе жатыр. Ендігі арманым мектепті қызыл дипломмен бітіру. Сосын өзім қалаған мамандық саласында оқу. Мен өскенде дәрігер болуды қалаймын. Егер ол арманымда орындалса менен бақытты адам жоқ шығар бұл өмірде! Осы өмірдің өзіне тәубе дегім келеді. Себебі өмірде қаншама жетімдер және ауыру жандар көп. Егер мен өскенде дәрігер болсам, сол ауыруларды емдеймін. Қол ұшын созып, ақ халатты абзал жан боламын. Адамдарды емдеп, разылығын алғым келеді. Әрине, халқыма қызмет жасап бір көмегім тисе ол жақсы болар еді. Барлық адамның өз еліне қосқаны болу қажет. Ол үшін аянбай еңбек ету керек. Турасында әр адам өз елінің патриоты болуы керек. Менде өз елімнің патриоты болғым келеді. Елім мен отбасымның мақтанышы болу үшін еңбек етемін. Елімде әрқашан тыныштық болсын деймін.

Менің мамандығым дәрігер. Дәрігер мамандығында жұмыс істеу маған қызықты. Менің бұл арманым 5 сыныпта пайда болды. Мен үшін ол арманым өте қымбат. Мен халқыма пайдам тисін деген ниетпен армандаймын. Дүниеде небір адам о дүниеге кетіп жатыр. Көбісі ауруына ем таба алмай, шыдай алмай өліпте жатыр. Міне осындай ауру адамдардың еміне шипа іздеп, оларға қол ұшын созғым келеді. Міне Бұл арманынмның бірде-бір себебі осы. Аурудың қандай болатынын білемін. Өйткені отбасымда белгісіз аурудың кесірінен өмірінен айырлған атам бар. Бұл былай болды:

Үйде болатынмын, түсте ұйықтап жатыр едім, мені үйдегілердің жылаған дауысы оятты. Ұйқыдан тұрсам, барлығы қонақ бөлмеде екен. Ал әкем жылап атамды айтып жатыр екен. Мен жеңгемнен атамның қайтыс болғанын естідім. Ести сала далаға жүгіріп шықтым. Мен атамды қатты жақсы көретінмін. Ол маған ең қымбат жан болатын. Мен күнде жатарда атамды еске алып жылайтынмын. Мен соңынан атамның қандай аурумен ауырғанын естідім. Дәрігерлер көпке дейін оның қандай ауру екенін таба алмады. Ота жасау керек болды, бірақ атам ота жасауға келіспей қойды. Міне, мен осыдан бастап дәрігер боламын деп шештім. Ендігі арманым мықты дәрігер болып, отбасыма және өзіме жақын жандарды емдегім келеді. Мен бұл арманыма жету үшін қолымнан келгеннің бәрін істеймін. Сабақты 5 ке бітіріп, жақсы маман иесі болу менің арманым.

Мемлекетке әр мамандық қажет. Алайда оны дұрыс таңдау – бағыңның ашылғаны. Өз ісіңнің білгір маманы болғанға не жетсін!

«…Арман қудың ба, алдыңа қара, артыңа алаң болма! Өмірдің өткелін іздеп таптың ба, жүрексінбе, көзді жұм да, қойып кет, белді шеш те, кешіп өт…».