Будамшуу рассказ 6 класс

Будамшуу

Апрелиин арбан долоон

Классай ажал.

Будамшуу гэжэ нэрэтэй хүбүүн урда сагта нэгэ нютагта ажаһуудаг байгаа. Нэгэтэ Будамшуу баян айлай гэрэй хажууда нүхэ руу модо хээд һуужа һууба.

Гэр сооһоо баян хүн гаража, Будамшууe хараад, иигэжэ асууба:

- Эндэ юу хэжэ байнаш?

- Би Садатар Хооллуула гэжэ нэрэтэй хүбүүмби. Энэ нүхэ руу нэгэ шара үнэгэн гүйжэ ороо. Тэрэниие хаагаад байнам, - гэжэ Будамшуу хэлэнэ. Тиихэдэнь баян ехээр баярлан хүхибэ.

— Та энээнииемни һахяад байгаарайгты. Би танайда орожо уhа уухамни. Энэ үнэгэн танай болог, - гэжэ Будамшуу нэмэбэ.

Баян хүн үнэгэндэнь хорхойтоод:

- Зай, тиигыш даа - гэбэ.

Будамшуу гэртэнь орожо, баянай һамгантай удаан хөөрэлдэбэ.

Баян хүн хүлеэжэ ядаад, Будамшууе дуудаба: — Садатар Хооллуула!

Баянайнгаа ооглохые дуулаhан һамгaниинь «Үбгэмни юугээ хэлэнэ гээшэб, энэ үгытэй хүниие садатар хооллуула гэхэдээ яанаб» гэжэ гайхаба.

Баян хүн дахин ооглобо:

— Садатар Хооллуула!

Һамгaниинь гайхажа гайхажа, «Зай, эдеэлүүлхэл болоол даа» гээд, Будамшууда ехээр эдеэ хоол табижа үгэбэ.

Тиигэжэ Будамшуу хүбүүн тэнэг баяниие мэxэлээ hэн гэдэг.

1. Будамшуугай һүбэлгэн ухаатайе ямар ушарhаа ойлгохоор бэ? Текст соохи үгэнүүдээр баталан харюусагты.

2. Юундэ Будамшуу өөрыгөө Садатар Хооллуула гэжэ нэрлээб?

Гэрэй даабари:

• Охарактеризовать главного героя.