Өсүмдүктөрдүн физиологиясы

Дем алуу процессинин фазаларына цифралардын дал келгенин көрсөткүлө.

А. Аэробдук. Б. Анаэробдук

1. Декарбоксилдөө;  2. Аминдештирүү; 3. Карбоксилдөө; 4. Электрон ташыгыч чынжыр же кычкылдануу; 5. Кребстин цикли.

Дем алууда глюкозанын ферменттердин жардамы менен пировиноград кислотасына чейин ажыроосу эмне деп аталат жана ал кайсы жерде жүрөт?

Углеводдордун кычкылдануусу циклдик түрдө органикалык кислоталардын баскычтуу бири-бирине өтүүсү аркылуу иш жүзүнө ашат. Бул кандай процесс, ким ачкан? 

Тропизм кыймылы качан пайда болот жана ага мисал келтиргиле.  

Өсүүнүн критерийине төмөндөгүлүрдүн кайсынысы туура келет жана өсүү процесси эмне менен коштолот?

Адистештирилбеген, дайыма бөлүнүп туруучу ткань кайсы, ал кайсы жерде жайгашат?

Сабактын жана тамырдын учунан узарып өсүүсү кайсы типке кирет?

Бир үлүштүүлөрдүн жалбырактарынын өсүшү өсүүнүн кайсы түрү?

Клетканын өсүүсүнүн эмбрионалдык фазасында кандай процесстер жүрөт?

Кургак урук өнүүсүнүн биринчи фазасында сууну абдан тез сиңирип алат. Бул эмне менен түшүндүрүлөт?

Уруктун составындагы запастык заттар төмөндөгү группалардын ичинен кайсыларды көп санда кармайт жана бул  группалар эмнеге жөндөмдүү болушат

1. NH₂                  2. CH₃               3. COOH               4.OH;             5. SH₂                  6. NH₃  

А. Кычкылтекти жакшы сиңирүүгө катышат

Б. Азотту сиңирүүгө катышат

В. Суунун молекуласын өздөрүнө тартууга жөндөмдүү

Жарык жетишпеген жерде өскөн өсүмдүктүн анатомиялык белгилери кандай болот жана бул эмнеге байланыштуу?

. Клетканын чоюлуп өсүүсүн кайсы нурлар күчөтүүгө жөндөмдүү жана анын себеби эмнеде?

Өсүмдүк организмине эркин  N ₂ кантип синирилет?

Дем алуу процессинин жалпы теңдемесин көрсөткүлө?

Гликолиз деген эмне ал клетканын кайсы бөлүгүндө жүрөт?

Митохондрияда дем алуунун кайсы процесстери жүрөт?

Чөйрөнүн факторлорунун диффузиялык таасиринин натыйжасында кандай кыймыл пайда болот, мисал келтиргиле.

Өсүмдүктүн өсүүсүнүн төмөндөгүдөй:

А. Апикалдык       Б. Интеркалярдык     В. Базалдык      Г. Камбиалдык     типтери бар. Туура эмес жообун тапкыла.

1. Сабактын учунан узарып өсүүсү   2. Муун аралыктардын өсүүсү   3. Тамырдын узарып өсүүсү  4. Жалбырак пластинкасынын өсүшү 5. Сабактын жооноюп өсүүсү 6. Бир үлүштүүлөрдүн жалбырагынын өсүүсү  7. Дан өсүмдүктөрүнүн сабактарынын өсүүсү

1. Өсүмдүктөрдүн дем алуу процессинин маанисинин ирээтин туура көрсөткүлө.

1. Өсүмдүктү органикалык заттар менен камсыз кылат. 2. Өсүмдүктү минералдык заттар менен касмыз кылат. 3. Суу менен камсыз кылат. 4. Энергия менен камсыз кылат. 5. Иондор менен камсыз кылат.6. Органикалык кислоталар  менен камсыз кылат.7. Спирттер менен камсыз кылат.