Молекулалык физика - 4

Жылчыксыз (герметикалык) жабылган идиште газды ысытышат. Бул учурда ... процесс  жүрөт.

Газдын тыгыздыгын анын басымы жана абсолюттук температурасы аркылуу туюнткула.

Кыймылдаткычтын цилиндринде кысуунун башталышында күйүүчү аралашманын температурасы Т=310 К ге жетет . Кысуу циклинин аягында аралашманын көлөмү 12 эсе азайды, басым болсо 36 эсе чоңойду. Кысуунун аягында аралашманын температурасы эмнеге барабар?

Жабык баллондо газды 300 К ден 390 К ге чейин ысытышты. Газдын басымы канча % га көбөйдү?

Газдагы заттын саны 50 моль, температурасы Т = 400 К,    басымы         10 МПа   болсо, анын көлөмү эмнеге барабар?

Массасы 0,32 кг болгон кычкылтек  \(2\cdot10^{-3}\ м^{-3}\)  көлөмдү ээлейт. Газдын концентрациясын тапкыла. (\(\mu=32\cdot10^{-3}\ \frac{кг}{моль}\))

Температурасы 300 К ге, басымы 120 кПа га барабар суутек толтурулган баллондун оозун, аянты 5 см² болгон клапан жаап турат. Эгерде газды 420 К ге чейин ысытса, клапанга кандай күч басым жасайт? Жообун Н менен бергиле.

Баллондо  20 МПа басым астында кысылган 30 л аба бар. Суунун 40 м тереңдигинде бул баллондогу абаны чыгарса, ал канча көлөмдү ээлейт? Температура турактуу. Суунун тыгыздыгы 1000 кг/м³, атмосфералык басым 100 кПа.

Баллондо температурасы 300 К, басымы 300 кПа болгон газ жайгашкан. Эгерде баллондон газдын массасынын 60% сыртка чыгарылса жана температурасы 200 К ге дейре төмөндөсө, газдын басымы канчага барабар болот. Жообун кПа менен бергиле.

Пробирканын оозу аянты 2 см² ка барабар тыгын менен жабылган. Пробиркада температурасы 7⁰С болгон газ бар. Тыгынды кармап турган сүрүлүү күчү 10 Н. Пробиркадагы газдын баштапкы басымы жана сырткы абанын басымы бирдей жана 100 кПа га тең. Тыгын пробиркадан атылып чыгышы үчүн газды кайсы абсолюттук температурага чейин ысытыш керек?

Температурасы 200 К болгон бир моль идеал газ 166,2 кПа басым астында жайгашкан. Газды көлөмү 4 л ге жеткенге чейин изобаралык шартта муздатышат. Газдын көлөмү канча эсе кичирейди?

Басымы 100 кПа, температурасы 350 К болгон газ серпилгичтүү кабыкчада  12 л көлөмдү ээлейт. Ушул эле газ температурасы 280 К болгон  20 м тереңдиктеги сууда кандай көлөмгө ээ болот? Суунун тыгыздыгы 1000 кг/м³, атмосфералык басым 100 кПа. Жообун л менен бергиле.