Механикадагы сакталуу закондору - 1

Массасы 5 кг болгон нерсеге 2 секунд бою 10 Н күч аракет этет. Нерсенин баштапкы ылдамдыгы 3 м/с. Күчтүн таасиринен кийин нерсенин импульсу ... барабар.

Импульстун сакталуу закону .....  аткарылат.

Массасы 100 г болгон катуу шарча 20 м бийиктиктен горизонталдык плитага түшүп, андан абсолюттук серпилгичтүү түрдө кайра ыргыды. Плита алган импульсту  аныктагыла.

Жалпы массасы 40 т   болгон токтоп турган платформада орнотулган замбирек горизонталдуу багытта жолду бойлото катары менен эки жолу атат. Снаряддын массасы 20 кг, ылдамдыгы 1000 м/с. Платформанын ылдамдыгы экинчи аткандан кийин эмнеге барабар?

Эгерде бир эле чоңдуктагы күчтүн аракети менен нерсе мурдагыдан эки эсе чоң жолду басып өтсө, анда аткарылган механикалык жумуштун чоңдугу кандайча өзгөрөт?

Массасы 4 кг болгон эркин түшүүчү телонун ылдамдыгы убакыттын кандайдыр бир интервалында       2 м/с дан 8 м/с га чейин чоңоет. Ушул аралыктагы оордук күчүнүн жумушун тапкыла?

Кыймылдагы нерсеге аракет эткен кайсы күч жумуш аткарбайт?

Массасы 500 кг болгон  жүктү кран 5 м бийиктикке бир калыпта көтөрдү. Кран кандай жумуш аткарды?

Шаркыратманын бийиктиги 50 м. Андан ар бир 5 минутада 360 м³ суу агып түшүп турат. Шаркыратманын кубаттуулугун тапкыла.                    (\(\rho\) =1000 кг/м³)

Массасы 100 кг болгон  нерсе 25 м бийиктикке 2 м/с² ылдамдануу менен көтөрүлөт. Нерсени көтөрүүдө кандай жумуш аткарылат?

Тело 3 күчтүн аракети менен горизонталдык багытта кыймылдайт. Ушул күчтөрдүн ичинен кайсынысы чоң жумуш аткарат?

Кайсы учурда автоунаанын кыймылдаткычы чоң жумуш аткарат? 

1) ордунан жылып ылдамдыгын 36 км/саатка жеткирүү үчүн;

2) ылдамдыгын 36 км/сааттан 72 км/саатка өрчүтүү үчүн;

Тепловоз массасы 2000 тонна  болгон поездди 54 км/саат ылдамдык менен горизонталдуу жол боюнча бир калыпта жылдырат. Эгерде сүрүлүү коэффиценти 0,005 болсо, 1 мин ичинде тепловоз кандай жумуш аткарат?

Көтөрүүчү кран массасы 2 тонна  болгон жүктү бир калыпта көтөрөт. Крандын кыймылдаткычынын кубаттуулугу 7,4 кВт. Крандын ПАК 60% болсо, анын жүктү көтөрүү ылдамдыгын аныктагыла.

Массасы 3 кг болгон нерсе, тынч абалынан чыгып, 4 м/с² ылдамдануу менен 5 с бою кыймылдады. Аткарылган жумуштун чоңдугун аныктагыла.