Бетон қасиеті

Бетонның сапасы және оның конструкция мен құрылыста жұмыс жасауы оның қасиеттерімен анықталады. Материалдың ең маңызды қасиеті – беріктік.

Беріктік деп жүктеме немесе басқа жүктің әсері нәтижесінде пайда болатын ішкі күштердің әсеріне қарсыласатын қабілетті түсінеді. Құрылыстағы материалдар әр түрлі ішкі күштерді көреді: сығылу, созылу, иілу, қиылу және бұрау. Бетон сығылуға жақсы, едәуір нашар қиылу және одан да нашар созылуға (сығылуға қарағанда 5-10 есе төмен) қарсы тұратын материалға жатады. Сондықтан құрылыс конструкцияларын әдетте бетон сығылу күшін қабылдайтындай етіп жобалайды. Қажетті жағдайда конструкцияның созылғыш күштерін қабылдайтын жерлерін арматуралайды. Темір бетонды конструкцияларда созылу және қиылу күштерін осы күш түрлеріне жоғары қарсыластыққа ие болатты арматуралармен қабылданады. Сондықтан бетонның маңызды сипаттамаларының бірі болып оның сығылу кезіндегі беріктігі саналады. Бірақ, конструкциялардың жеке типтері бар (жол жабыны, едендер және басқалары), оларда бетон созылу кезіндегі иілу күштерін қабылдау қажет. Мұндай жағдайда бетон құрамын жобалағанда бетонның иілу немесе созылу кезіндегі берілген беріктігін алу қажеттілігіне сүйенеді.