3-чейрекке карата тесттик иш

Республика боюнча жалпысынан кубулжума форель балыгын өстүрүү менен алектенген 200дөн ашык чарба бар жана көлмөлөрдүн потенциалы чоң – 200 миң тоннага чейин балык өстүрүүгө болот. Акыркы жылдары Кыргызстан балык экспортун 10 эсеге көбөйттү. Кубулжума форельдин салмагы 20 кг чейин жетет. Өлчөмдөрү, адатта, кичинекей - 0,5 кг чейин, ал эми жагымдуу шарттарда 1-1,5 кг, ал тургай, 5 кг чейин.

Эмне үчүн Кыргызстанда кубулжума форель жакшы көбөйүп, чоң өсөт?

Ысык-Көлдө браконьерлер тор салып, балыктарды кармашты. Торго түшкөн майда чабактардын көбү тордон чыгып кетсе да, өлүп калышты. Себеби алардын денесиндеги былжырлуу катмар сыйрылып калган.

Балыктын терисиндеги былжырлуу катмар эмне үчүн маанилүү?

Деңиз жээгиндеги (литоралдык) балыктар- экстремалдуу шарттардагы жашоо

Литораль – суу тартылганда кургап калуучу деңиз түбүнүн жээк аймактары. Бул жердеги организмдер бир топ катаал шарттарда жашашат. Суу куйган маалда литораль -деңиздин бир бөлүгү. Ал эми суу тартылган маалда суу бир аз гана көлчүктөрдө, таштардын, аскалардын астында же грунт менен аралашып ылайды пайда кылып калат. Мындай литоралдарда жашаган балыктардын ушул жердеги жашоого мүмкүндүк берүүчү, бир топ жекече ыңгайланышуулары бар. Бардык литоралдык балыктар чоң эмес өлчөмдө болушат, алардын денесинин узундуктары 30 см ден ашпайт. Денесинин формасы жалпак же ичке жылан сымал болот.

Текстте көрсөтүлгөндөй балыктардын денесинин өлчөмү жана формасы мындай катаал шарттарда кандай роль ойнойт?

7-класстын окуучулары террариумдагы бакаларга толтура өлгөн курт-кумурскаларды салышты. Бирок, бакалардын бири дагы аларды жеген жок.

Кандай деп ойлойсуң, эмне себептен бакалар сүйүктүү азыктарын жебей жатышат?

Аляскада жашаган Rana sylvatica бакасы -40-500С кышкысын тоңгон абалда болуп, жаз келгенде эрип тиричилигин кайра улантат.

Эмне себептен муздак кандуу бакалар мындай кышкы аязда тоңуп, ѳлүп калбайт?

Себеби, анабиоздун алдында алардын организминде тѳмѳндѳгүдѳй ѳзгѳрүүлѳр жүрѳт:

Баканын өпкөсү бар, бирок ал суунун түбүндө көпкө чейин тура алат. Муну ал кантип ишке ашырат?

 Жыландын тилин чыгарып турушу эмнени билдирет?

Тегерек ооздуулардын (мисалы, миноганын) балыктардан негизги айырмасы эмнеде?

Эгерде талаадагы жыландарды толугу менен жок кылсак, эмне болот?

Эмне үчүн крокодилдер (сойлоп жүрүүчүлөр) сууда жашаса да, жумурткасын кургакка (кумга) көөмп коёт?