Տեխնոլոգիա և ձեռնարկատիրության

991-Ա/ 2 31 08 2017

ԱՌԱՐԿԱՅՈՒՄ ԻՆՏԵԳՐՎՈՂ ՁԵՌՆԱՐԿԱՏԻՐԱԿԱՆ ԿՐԹՈՒԹՅԱՆ ԵՎ /10-ՐԴ ԴԱՍԱՐԱՆ/ ԱՌԱՐԿԱՆԵՐԻ ՓՈՐՁՆԱԿԱՆ ԾՐԱԳՐԵՐԸ ՀԱՍՏԱՏԵԼՈՒ ԵՎ ՆԵՐԴՆԵԼՈՒ ՄԱՍԻՆ

Ղեկավարվելով ՀՀ օրենքի 30-րդ հոդվածի 1-ին մասի 1-ին կետով և հիմք ընդունելով ՀՀ կառավարության 2017 թվականի գործունեության գերակա խնդիրների 105-րդ կետի պահանջը՝

ՀՐԱՄԱՅՈՒՄ ԵՄ `

1. Հաստատել

1. Տեխնոլոգիա առարկայի փորձնական ծրագիրը ձեռնարկատիրական կրթության բաղադրիչի ինտեգրմամբ՝ 2017-2018 ուսումնական տարվա համար՝ համաձայն հավելված N 1-ի.

2. Ձեռնարկատիրություն /10-րդ դասարան/ առարկայի փորձնական ծրագիրը 2017-2018 ուսումնական տարվա համար՝ համաձայն հավելված N 2-ի.

3. Ձեռնարկատիրություն /10-րդ դասարան/ փորձնական առարկան ներդնել հանրակրթական ծրագրեր իրականացնող ուսումնական հաստատություններում` 2017-2018 ուսումնական տարում՝ համաձայն հավելված N 3-ի:

1. Սահմանել, որ

1. ձեռնարկատիրական տարրեր ինտեգրած փորձնական առարկան կներդրվի հանրապետության բոլոր դպրոցների մեկական 2-րդ և 3-րդ դասարաններում.

2. փորձնական ֆինանսական կրթության տարրեր ինտեգրած և առարկաները պետք է դասավանդեն ՀՀ կրթության և գիտության նախարարության և Հայաստանի պատանեկան նվաճումներ կազմակերպության կողմից վերապատրաստում անցած և համապատասխան վկայական ունեցող ուսուցիչները:

1. Հրամանի կատարման հսկողությունը վերապահել ՀՀ կրթության և գիտության նախարարի տեղակալ Մ. Մկրտչյանին:

ԼԵՎՈՆ ՄԿՐՏՉՅԱՆ

ՀԱՎԵԼՎԱԾ N 1

ՀՀ կրթության և գիտության նախարարի

2017 թ. ---------- N ----- հրամանի

ՓՈՐՁՆԱԿԱՆ

ՉԱՓՈՐՈՇԻՉ ԵՎ ԾՐԱԳԻՐ

ԱՌԱՐԿԱՅՈՒՄ ԻՆՏԵԳՐՎՈՂ
ՁԵՌՆԱՐԿԱՏԻՐԱԿԱՆ ԿՐԹՈՒԹՅԱՆ

ԲՈՎԱՆԴԱԿՈՒԹՅՈՒՆ

Բացատրագիր ………………………………………………………………………………………………

Հայեցակարգ ………………………………………………………………………………………………

1. Համատեքստը ………………………………………………………………………………………

2. Առկա իրավիճակը ………………………………………………………………………………….

3. Նպատակը …………………………………………………………………………………………..

Ձեռնարկատիրական կրթության բաղադրիչի բովանդակությունը ……………………………….

Ինտեգրման սկզբունքները և մեթոդները ………………………………………………………………

Չափորոշչային պահանջներ ………………………………………………………………………………

Թեմատիկ պլաններ (PROFORMA) …………………………………… …………………………………

Գործնական, հետազոտական և նախագծային աշխատանքների նմուշօրինակներ …………

Գրականության և ռեսուրսների ցանկ …………………………………………………………………..

Ձեռնարկատիրական կրթության չափորոշչի մշակման համար հիմք են ծառայել 2016 թվականի N1080 Կառավարության գործունեության ծրագիրը:

Փաստաթուղթը նախատեսված է հանրակրթական ուսումնական հաստատություններում ձեռնարկատիրական կրթություն իրականացնող բոլոր շահառու կողմերի համար, հատկապես տեխնոլոգիայի առարկայական չափորոշիչները և ծրագրերը մշակողների, ուսումնական և օժանդակ ձեռնարկներ պատրաստողների, դասավանդող ուսուցիչների, մանկավարժներ պատրաստող բուհերի, ուսուցիչների վերապատրաստման դասընթացներ վարող մասնագետների, ինչպես նաև դասագրքաստեղծ խմբի համար:

Փաստաթուղթը սույն բացատրագրի հետ մեկտեղ ներառում է՝

• հայեցակարգը, որում նկարագրվում է առկա իրավիճակը, ներկայացվում են այն հարցադրումներն ու հիմնադրույթները, որոնք կողմնորոշիչ դեր ունեն Տեխնոլոգիա ուսումնական բնագավառում ձեռնարկատիրական կրթության բաղադիրչի ինտեգրման նպատակները, կրթության բովանդակությունը և դրանց իրականացումն ապահովող սկզբունքներն ու մեթոդները որոշելու համար,

• չափորոշչային պահանջները, որոնցով ներկայացվում են այն հիմնական կոմպետենցիաները, որոնք որպես ուսումնառության ակնկալվող արդյունքներ, ըստ կրթական աստիճանների, նախատեսվում են սովորողների տարիքային տարբեր խմբերի համար, ընդ որում՝ մատնանշվում են նաև յուրաքանչյուր կոմպետենցիայի ձևավորման ընթացքում միավորվող (ինտեգրվող) ձեռներեցական, գործարարական և առարկայի բաղադրիչները,

• թեմատիկ պլանները, որոնցում յուրաքանչյուր դասարանի համար ներկայացվում են նախատեսվող թեմաները, ժամաքանակը, ուսուցման ակնկալվող արդյունքները, թեմաներից յուրաքանչյուրին վերաբերող գիտելիքները, հմտությունները, վերաբերմունքը, ուսուցման միջոցներն ու գործիքները, գնահատման ենթակա ցուցանիշը, ընդ որում՝ նախատեսված ժամաքանակը պայմանական է, իսկ թեմաների՝ ըստ դասարանների բաշխումը կատարված է գործող ծրագրին համապատասխան, ինչը կարող է տեղաշարժումներ ունենալ տեխնոլոգիայի առարկայական ծրագրի փոփոխությունների դեպքում,

• գնահատման սկզբունքները, որոնց միջոցով կանոնակարգվում և պարզաբանվում են առարկայի ուսուցման գործընթացում ձեռնարկատիրական կրթության բաղադրիչի առկայության դեպքում սովորողների ընթացիկ և ամփոփիչ գնահատումների հետ կապված խնդիրներն ու հարցերը,

• գրականության և ռեսուրսների ցանկը, որում ամփոփված են այն աղբյուրները, որոնք գործածվել են փաստաթղթի մշակման ընթացքում, և որոնք պարունակում են անհրաժեշտ տեղեկատվություն ծրագրի իրականացման տարբեր հարցերի վերաբերյալ:

Փաստաթղթի գործնական-կիրառական նշանակությունը մեծացնելու նպատակով նրանում սովորողների տարիքային տարբեր խմբերի համար ներկայացված են նաև գործնական և հետազոտական-նախագծային աշխատանքների, հարցաշարերի նմուշօրինակներ:

Դրանց միջոցով ցուցադրվում են տեխնելոգիա առարկայի բովանդակության մեջ ձեռնարկատիրական կրթության բաղադրիչի ինտեգրման այն կիրառական մոտեցումները, որոնց վերաբերող հիմնադրույթներն արտացոլված են հայեցակարգում, չափորոշչային պահանջներում և թեմատիկ պլաններում:

Արագ փոփոխվող աշխարհը, վերափոխվող հասարակական և սոցիալական պայմանները թելադրում են վերանայել հանրակրթական դպրոցի ուսուցման բովանդակությունը, վերանայել գործող չափորոշիչներն ու ծրագրերը և այն ներդաշնակեցնել ժամանակակից պահանջներին:

Ամբողջ աշխարհում տնտեսական աճի տեմպերի նվազման և գործազրկության մակարդակի բարձրացման պայմաններում տնտեսական աճի ապահովումը և նոր աշխատատեղերի ստեղծումը դարձել են առաջնահերթ խնդիրներ: Այս խնդիրների լուծման կարևորագույն ուղիներից մեկը ձեռներեցության խթանումն է, որը կնպաստի ոչ միայն տնտեսական աճի ապահովմանը, այլև նոր աշխատատեղերի ստեղծմանը, հետևաբար` գործազրկության մակարդակի հետագա նվազեցմանը: Ձեռներեցության զարգացումը կարող է մեծապես խթանել նաև երկրում սոցիալական հավասարության հաստատմանը, նորարարության զարգացմանը և, վերջին հաշվով, քաղաքացիների բարեկեցիկ կյանքի ապահովմանը:

ՀՀ հանրակրթության նպատակներից մեկը աշխատանքային պատրաստվածություն ունեցող անձի ձևավորումն է: Գործարար ոլորտը` որպես գործատու, հաճախ է դժգոհում, որ դպրոցն ավարտած շատ շրջանավարտներ, որոնք ընդունվում են վարձու աշխատանքի, չեն տիրապետում աշխատանքային այնպիսի հիմնական պարզագույն գործառույթներին ու հմտություններին, ինչպիսիք են, օրինակ, աշխատանքի ընթացքում որևէ խնդիր լուծելը, աշխատանքը պլանավորելը, ժամանակը ճիշտ կառավարելը, թիմային աշխատանքներում ներգրավվելը, զգացմունքները կառավարելը և այլն: Հաճախ ձեռնարկությունները ստիպված իրենք են կազմակերպում դասընթացներ՝ այդպիսի պարզագույն հմտությունները նրանց սովորեցնելու համար: Մինչդեռ այդ հմտությունները, գործարար ոլորտի կարծիքով, նրանք պետք է ձեռք բերեին հանարկրթության տարիներին: Տեխնոլոգիա առարկայում ձեռնարկատիրական կրթության բաղադրիչն ինտեգրելու արդյունքում սովորողների մոտ կձևավորվեն այնպիսի հմտություններ, որոնք կօգնեն առավելագույնս կյանքի կոչել այդ ամենը: Ձևավորված կոմպետենցիաները նրանք կկարողանան կիրառել ողջ կյանքի ընթացքում, ամենուր՝ անկախ իրենց ընտրած մասնագիտությունից և դիմակայել շուկայական հարաբերություններին: Ձեռնարկատիրական կրթությունը հենց այն գործիքն է, որը հնարավորություն կտա սեփական գործ ստեղծել և ձեռներեցությամբ զբաղվել:

Տեխնոլոգիա առարկայի գործող չափորոշիչներում նշված է.՝ Տեխնոլոգիա հանրակրթական առարկայի հիմնական առաքելությունն է` սովորողներին նա­­­խապատրաստել ժամանակակից տեղեկատվական արդյու­նաբերական հասարակարգում ինք­­նուրույն աշխատանքային կյանքին և դաստիարակել կիրթ, ստեղծագործ, նախաձեռնող և ակ­­­տիվ անձնավորություն: Տեխնոլոգիան դպրոցում ինտեգրացնող կրթական ոլորտ է, որը համադրում է գիտելիքներ հանրակրթական այլ առարկաներից, նաև տնտեսագիտությունից, ցույց է տալիս դրանց օգտագործումը մարդու գործունեության մեջ:

Առկա իրավիճակը

Տեխնոլոգիա առարկայի բովանդակության մեջ ձեռնարկատիրական կրթության որոշակի կառուցատարրեր գործող չափորոշիչներում ու ծրագրերում արդեն ներառված են: Տեխնոլոգիա առարկայի նպատակի, բովանդակության մեջ նշված է՝

• ձևավորել նոր սոցիալ-տնտեսական իրավի­ճակ­նե­րում ստեղծագործաբար մտածող, ակ­տիվ գործող և արագ կողմ­նո­րոշվող անհատներ, որոնք կկարողանան որոշել ար­տա­­դրանքի պահանջարկը, քանակը և իրաց­ման ուղիները: Դրա համար սովորողները պետք է ունակ լինեն որոշել այս կամ այն ար­տա­դրանքի կամ ծառայությունների ծա­վա­լ­ի քանակը, գտնել և օգտագործել անհրաժեշտ տեղեկատվությունը, առաջ քաշել նոր մտքեր այս կամ այն ծագող խնդիրների լուծման համար (կոնս­տրուկ­ցիայի մշա­կում և տեխնոլոգիաների ընտրություն), պլանավորել, կազմակերպել և կատարել աշ­խա­­տանք (մեխանիզմների կարգավորում, օպերատորական գործու­նե­ու­թյուն), գնա­հա­­տել նրա արդյունքները յուրաքանչյուր փուլում, կարգավորել իր գոր­ծու­նեությունը և բա­­ցահայտել արտադրանքի իրացման պայմանները,

• ձևավորել գիտելիքներ և հմտություններ միջոցների, նյու­թերի, էներգիայի և տե­ղե­կատ­վու­­թյան նպատակային օգտագործման համար,

• ձևավորել աշխատանքային գործունեության ընթացքում որակական և ստեղ­ծա­գոր­ծա­­կան մո­տե­ցում:

Տեխնոլոգիա առարկայի 1- 4 դասարանների սովորողներին ներկայացվող չափորոշչային պահանջներում նշված է՝

• Ունենա նախնական պատ­կե­րա­ցում աշխա­տան­քային գործընթացի կազ­մա­կերպ­ման, աշ­­խա­տան­քի բաժան­ման, աշխա­տան­քի որակի, ռիթմի, աշխա­տան­քային գոր­ծու­նե­ու­թյան ոլորտ­ների մա­սին:

• Կարողանա համեմատել անհատա­կան և խմբա­յին աշ­խա­տանքի ար­դյու­նա­վե­տությունը:

• Կարողանա պլանավորել աշխա­տանքի պրո­ցե­սի կազմա­կեր­պումը` կախ­ված նրա բնույթից (ան­հա­­տա­կան կամ խմ­բա­յին): Կարողանա բարե-

լավել աշխատանքի ար­դյու­նավետությունը:

• Կարողանա առա­ջա­դրան­քին հա­մա­պա­տաս­խան որո­շել նպա­տա­կահար­մար նյութը, հիմնա­­վո­րել ընտրու­թյունը:

• Կարողանա կազմել շինվածքի պատրաստման հրա­հանգ­­չական քարտ և բա­ցատրել տեխնոլո­գիա­կան օպե­րացիայի հա­­ջոր­դա­կան քայլերը:

• Կարողանա պլանավորել սեփական աշխատանքը և ստուգել գործ­նա­կան աշխատանքի արդ­յունքը:

Նպատակը

առարկայի դասընթացում ձեռներեցական կրթության միասնացումը կնպաստի հետևյալ կարողությունների զարգացմանը՝

• մտքեր, մտահղացումներ, բիզնես գաղափարներ ստեղծելու և դրանք ներկայացնելու կարողություն,

• նորարարությունները հասկանալու և գնահատելու, ինչպես նաև նորարարություններ մտածելու կարողություն,

• բիզնես պլան, ինչպես նաև ցանկացած գործողությունների պլան կազմելու կարողություն,

• տեխնիկական և տեխնոլոգիական նորամուծությունները գնահատելու և դրանք կիրառելու կարողություն,

• անձնական հետաքրքրությունները և նախասիրությունները բացահայտելու կարողություն,

• շուկայական հետազոտություններ կատարելու կարողություն,

• ժամանակը ճիշտ կառավարելու և իրատեսական պլաններ կազմելու,

• ստեղծագործաբար և քննադատաբար մտածելու կարողություն,

• կառավարչական հմտություններ զարգացնելու և այլ կարողություններ:

ՁԵՌՆԱՐԿԱՏԻՐԱԿԱՆ ԿՐԹՈւԹՅԱՆ ԲԱՂԱԴՐԻՉԻ ԲՈՎԱՆԴԱԿՈւԹՅՈւՆԸ

Տեխնոլոգիա առարկայւմ ձեռնարկատիրական կրթության բաղադրիչի ինտեգրումը նպաստում է սովորողի այնպիսի որակների ձևավորմանը, որոնց շնորհիվ նա կկարողանա իր գիտելիքներն ու հմտությունները կիրառել հետևյալ վեց թեմաներով.

1. Ձեռներեցություն:

1. Բիզնես գաղափար և բիզնես պլան:

2. Շուկայի հետազոտություն և վերլուծություն:

3. Ինչպես ստեղծել կազմակերպություն. բիզնեսը որպես իրավական միավոր:

4. Բիզնես էթիկա, աշխատանքային էթիկա:

5. Կորպորատիվ սոցիալական պատասխանատվություն:

առարկայի բովանդակության մեջ ներառվող ձեռնարկատիրական կրթության գիտելիքների, հմտությունների, վերաբերմունքի և վարքագծի տարրերը, առարկայական ծրագրերի կառուցվածքային էական փոփոխություններ չեն պահանջում:

Տեխնոլոգիայի առարկայական ծրագրերում ոչ թե առանձին թեմաներ և դասաժամեր են հատկացվելու ձեռներեցական գիտելիքների համար, այլ տեխնոլոգիայի նյութի ուսուցմանը զուգընթաց սահմանվելու է նաև ձեռներեցական կարողությունների ձևավորման նպատակ: Իսկ վերջինիս իրականացման համար ծրագրվում է դիտարկել գործարար ոլորտի այնպիսի իրավիճակներ, օրինակներ, առաջադրանքներ, խաղեր, որոնց իրականացումը և կատարումը անմիջական առնչություն ունեն ուսուցանվող նյութի բովանդակության և կիրառության հետ:

ԻՆՏԵՐԳՐՄԱՆ ՍԿԶԲՈւՆՔՆԵՐԸ ԵՎ ՄԵԹՈԴՆԵՐԸ

Ձեռնարկատիրական կրթության տարրեր նախատեսվում է ներդնել Տեխնոլոգիա առարկայի միջոցով՝ ուսումնական պլանով նախատեսված ընդհանուր ժամաքանակի շրջանակներում`

1. Տարրական դպրոցի 2-4 դասարաններում

2. Հիմնական դպրոցի 5-7 դասարաններում

Տեխնոլոգիա առարկայի արդյունավետ ուսուցման համար նախատեսված ուսումնական գործունեության տեսակներն ու մեթոդները կիրառելի են ձեռնարկատիրական կրթության ուսուցման համար: Քանի որ ծրագրային թեմաների էական փոփոխություններ չեն նախատեսվում, ուստի Տեխնոլոգիա առարկայի բովանդակության մեջ ձեռնարկատիրական կրթությանը վերաբերող նյութը ուսուցման գործընթացում պետք է ներկայացվի ու մատուցվի այնպես սահուն ու ներդաշնակ, որ այն չդիտվի որպես առանձին բաղադրիչ, այլ տարալուծվի առարկայի բովանդակության մեջ և միասնացվի:

Տեխնոլոգիայի ուսուցման գործընթացում ձեռնարկատիրական կրթության ինտեգրումը՝

1. չպետք է ավելորդ ծանրաբեռնվածություն առաջացնի սովորողների համար,

2. դասավանդման տեսանկյունից պետք է լինի հետաքրքիր և դյուրըմբռնելի,

3. ձեռներեցության վերաբերյալ տեղեկատվությունը պետք է մատուցվի փոքր չափաբաժիններով, ներկայացվի պարզ, մատչելի և գրավիչ ձևերով՝ խուսափելով տվյալ տարիքի երեխայի կյանքին չառնչվող տեղեկատվություն հաղորդելու գայթակղությունից,

4. պետք է կրի ինտերակտիվ բնույթ՝ հենվելով աշակերտակենտրոն ուսուցման առավելությունների վրա,

5. ինտեգրվող և հիմնական նյութը պետք է փոխլրացնեն միմյանց՝ կազմելով ամբողջական միավոր, առանց ձախողելու դասի նպատակը:

Ձեռնարկատիրական կրթությունը պետք է դիտարկել իբրև հասարակության և պետության կողմից պատվեր՝ ուղղված հանրակրթությանը: Դրա իրականացման համար անհրաժեշտ է մշակել համապատասխան մեթոդիկա, ուսումնական ձեռնարկներ, դիդակտիկ նյութեր և այլ պարագաներ:

Ձեռնարկատիրական կրթության բաղադրիչի ինտեգրումը առարկայի բովանդակության մեջ

Ձեռնարկատիրական կրթությունը սովորողներին պետք է ապահովի հետևյալ հիմնական կոմպետենցիաներով.

1. տեսական գիտելիքներ, որոնք անհրաժեշտ են նոր կազմակերպություն կամ ստարտափ հիմնելու և այն գործարկելու համար,

2. իրավիճակները քննարկելու, դրանք հասկանալու, ուժեղ և թույլ կողմերը բացահայտելու կարողություն,

3. նախաձեռնողականություն և հնարավորությունները բացահայտելու և գնահատելու կարողություն,

4. մտքեր, մտահղացումներ, բիզնես գաղափարներ ստեղծելու և դրանք ներկայացնելու կարողություն,

5. նորարարությունները հասկանալու և գնահատելու, ինչպես նաև նորարարություններ մտածելու կարողություն,

6. բիզնես պլան, ինչպես նաև ցանկացած գործողությունների պլան կազմելու կարողություն,

7. տեխնիկական և տեխնոլոգիական նորամուծությունները գնահատելու և դրանք կիրառելու կարողություն,

8. անձնական հետաքրքրությունները և նախասիրությունները բացահայտելու կարողություն,

9. շուկայական հետազոտություններ կատարելու կարողություն,

10. փող վաստակելու հնարավորությունները հասականալու կարողություն,

11. վաստակած շահույթը ճիշտ օգտագործելու կարողություն,

12. ժամանակը ճիշտ կառավարելու և իրատեսական պլաններ կազմելու կարողություն,

13. գրավոր և բանավոր արդյունավետ հաղորդակցվելու, ժողովներ և հանդիպումներ կազմակերպելու կարողություն,

14. ստեղծագործաբար և քննադատաբար մտածելու կարողություն,

15. կառավարչական հմտություններ զարգացնելու կարողություն:

Ձեռնարկատիրական կրթության արդյունքում սովորողը պետք է կարողանա՝

1. պատկերացնել, թե ողջ նախագծի իրականացումը ինչպիսի առաջադրանքների կատարում է պահանջում,

2. որոշել այդ առաջադրանքների կատարման իրական ժամկետները և պատասխանատուներին, հասկանալ ռիսկային գործոնները և ակնկալվող արդյունքները,

3. վերլուծել ստացված տեղեկատվությունը և ըստ անհրաժեշտության կիրառել այն,

4. պատկերացնել` ինչպես են ստեղծվում ստարտափները` սկսնակ կազմակերպությունները, կամ այլ տեսակի կազմակերպությունները և կրթական ծրագրի շրջանակներում ստեղծել սեփական կազմակերպությունը:

5. բացահայտել և հասկանալ հաջողակ ձեռներեցների և ներդրողների գործունեությունը, ինչպես նաև պատկերացնել, թե ինչպես են նրանք արժեք ստեղծում իրենց և այլոց համար,

6. թվարկել բիզնես և աշխատանքային էթիկայի հիմնական նորմերը և բացատրել դրանց պահպանման անհրաժեշտությունը հաջողված ձեռնարկատիրական գործունեություն ծավալելու համար,

7. էթիկայի հիմնական նորմերը կիրառել իր շրջապատում,

8. նկարագրել կորպորատիվ սոցիալական պատասխանատվությունը և այդ սկզբունքների կիրառման անհրաժեշտությունը բիզնես գործունեության մեջ:

2-րդ դասարան

Ձեռներեց և ձեռներեցություն

Բարիք, ապրանքներ և ծառայություններ

Ինչ է ձեռներեցությունը

Ինչպիսին պետք է լինի ձեռներեցը և ինչ հատկանիշներ պետք է նա ունենա

Ակնկալվող արդյունք.

Իմանա՝ ով է ձեռներեցը, նկարագրի ձեռներեցին, ինչ է բարիքը,

կարողանա՝ նկարագրել ձեռներեցին բնութագրող հատկանիշները, տարբերակել ապրանքները և ծառայությունները, բացատրել փողի դերը բարիքներ ձեռք բերելու համար,

Գիտակցի՝ փող վաստակելու նպատակով աշխատանքի, սեփական գործ նախաձեռնելու և կազմակերպելու կարևորությունը:

Բիզնես գաղափար

Մտահղացման ձևակերպում

Ակնկալվող արդյունք.

Իմանա՝ ինչ է միտքը, գաղափարը,

կարողանա՝ ձևակերպել պարզագույն մտքեր, գաղափարներ, հասկանալ միտքը և այն վերարտադրել:

Գիտակցի՝ սեփական մտահղացման, գաղափարի, ինչպես նաև այլոց մտահղացումերի կարևորությունը:

Գաղափարի, մտահղացման պլանավորում

Աշխատանքային պլանի կազմում

Ակնկալվող արդյունք.

Իմանա՝ ինչ է նշանակում կազմել աշխատանքի պլան և ինչու է այն անհրաժեշտ,

կարողանա՝ կազմել պարզագույն աշխատանքի պլան, նկարագրել աշխատանքի քայլաշարը,

Գիտակցի՝ աշխատանքի պլանավորման, գործողությունների այգորիթմի կարևորությունը:

Տեխնոլոգիական կրթության բաղադրիչը.
Ընդհանուր աշխատանքային գիտելիքներ, աշխատանք բնական և արհեստական նյու­թերով, ծաղիկների և դեկորատիվ բույսերի աճեցում, աշխատանք թղթով և ստվա­րաթղթով, տեխնիկայի տարրեր, աշխատանք մանածագործական նյութերով, կենցաղ:

1. Entrepreneurship Education, A Guide For Educators, European Commision, Brussels, 2013

2. JA It’s My Business, https://www.juniorachievement.org/web/ja-usa/ja-programs?p_p_id=56_INSTANCE_abcd&p_p_state=maximized&_56_INSTANCE_abcd_groupId=14516&_56_INSTANCE_abcd_articleId=19436

1. JA More Than Money, https://www.juniorachievement.org/web/ja-usa/ja-programs?p_p_id=56_INSTANCE_abcd&p_p_state=maximized&_56_INSTANCE_abcd_groupId=14516&_56_INSTANCE_abcd_articleId=19316,

2. JA Company Program, http://www.janorthalberta.org/programs/company-program/

3. JA Be Entrepreneurial, https://www.juniorachievement.org/documents/283534/417838/JA+Be+Entrepreneurial+Program+Brief.pdf/b53f0f65-55ce-45bb-ac06-cf977e905f0e

4. Entrepreneurship education: Relationship between education and entrepreneurial activity, Psicothema 2011, Vol 23, pp 453 – 457, www.psicothema.com

5. Resource Centre, Teaching Kids Business, http://teachingkidsbusiness.com/resource-centre-attitude.html

6. The Aflatoun, Series, Book 1, Book 2, Book 3, published by Aflatoun, Child Savings International, Forth Edition, June 2009

7. Աֆլաթին, ֆինանսական և սոցիալական կրթության ձեռնարկ

8. Տեխնոլոգիա առարկայի չափորոշիչ և ծրագիր, Երևան, 2012 https://cloud.mail.ru/public/N9kG/bwmJS5Xzg

9. Ս. Հովսեփյան և ուրիշներ, Տեխնոլոգիայի դասագիրք, 2-րդ դասարան, Երևան, Տիգրան Մեծ, 2017:

10. Կ. Պապիկյան., Տեխնոլոգիայի դասավանդման մեթոդիկա, Երևան, հեղ. Հրատ, 2013թ.,

11. 10 ideas for 21^st centuary education, Innovation unit, Authors: Martha Hampson, Alec Patton, Leonie Shanks

12. http://www.jumpstart.com/parents/activities/activities-7-year-old

ՀԱՎԵԼՎԱԾ N 2

ՀՀ կրթության և գիտության նախարարի

2017 թ. ---------- N ----- հրամանի

ՓՈՐՁՆԱԿԱՆ ԾՐԱԳԻՐ

ՁԵՌՆԱՐԿԱՏԻՐԱԿԱՆ ԿՐԹՈՒԹՅՈՒՆ ԱՌԱՐԿԱՅԻ