Сценарий новогоднего праздника "Шорыкйол"

Иванова Раисия Алексеевна

Педагог дополнительного образования

ГБОУ ДО РМЭ «ДТД и М»

Сценарий праздника «Шорыкйол»

Образцового детского ансамбля народного танца «Шокто, гармонь»

Шорыкйол пайрем сценарий

Модшо-влак:

1. Васли кугыза

2. Васли кува

3. Оза

4. Озавате

5. Мотор ÿдыр

6. Мотор каче – гармоньчо

7. Каза тага – кугу тÿкан

8. Шорык – ош межан

9. Пий – ужгам савырен чиен

10. Рвезе тÿмыр дене

Пöрт кöргыште Шорыкйол пайремлан ÿстел чесым погымо.

Ÿстел воктен озавате, кидыштыже пура атым кучен.

Озавате. Кугыза, уна-влакет койыт мо, ончал?

Оза. Уна, толыт, толыт, ямдылалт!

Кудывечыште гармонь йÿк шокта, мöчöр-влак «Шорыкйол толеш» мурым мурен, пöрт кöргышке пурен шогалыт.

Шорыкйол толеш – пура йÿаш да,

Ÿярня толеш – мунчалташ.

Кугече толеш – лÿнгалташ,

Семык толеш – тан кучаш!

Васли кугыза. Пураш лиеш?

Оза. Лиеш-лиеш, пурыза-пурыза! Шангысек вучена, кочкышат ÿстембал тич:

коман мелна, шылан когыльо, туара, паренге пöрöмеч, мÿй ден шокшо чай,

шонан мÿй пÿрыжат уло!

Таче вет шорыкйол пайрем. Кузе тудым вашлият, тугак илаш тÿналат,

маныт.

Васли кугыза. Тудыжо тугак… Вольыкда ятыр уло?

Теле гоч пукшен лукташ шудым,

олымым ситаренда мо?

Озавате. Чылажат ситышын, вÿта шенгелнак шудо каван шога, пöртйымал тич

паренге, пакча кöргысö саска: олмаже, молыжо – ковышта вуйжо гын, руаш

вочко гай, пешак сайын шинчалтен моштенам.

Шичса ÿстелтöрыш, кочса, йÿза.

Мöчöр-влак ÿстöлтöрыш шинчыт. Вара лектыт.

Каза тага. Ме-е! Ме-е!

Мемнан озакува пеш сай, шудат шуко, ковышта лышташат

логалеш. Ме-е!

Шорык. Каза тага чыным ойла!

Тудо шорык тÿшкаште огыл – посна, тудын вес вÿта

лукышто верже.

Пий. А вот мыйын нерген шагал мутланеда гынат, суртышто эн тале оза улам.

Ам, ам! Мый йöршын малмаш уке, эре шекланем.

Пий вÿта йÿштö гынат – чытем!

Мыйын коваште шокшо, озакува сайын пукша (Озавате дек пызна)

Сай пийлан ÿшанат, ик гана пакча шенгечын пире тÿшка каеныт, мый

садак ыжым лÿд! Ам!

Васли кугыза. Теле йÿд кужу, мыняр йыдалым ыштенат?

Оза. Ышталтын… иктаж лу мужыр наре лиеш.

Васли кува. Вынерым мыняре куэнат, йытын але кыляш дене?

Озавате. Уло! Кок тÿрлыжымат куэнам, шошым лум пытыме деч ончыч ошемдаш

пышташ логалеш…

Васли кугыза. Пошкудо-влак дене келшен иледа?

Оза. Пошкудо-влак сай улыт, эре пуредыл лектына! Нунат толыт

Вес кенеж могайрак лиеш?

Шÿльö, уржа озым могайрак лектышым пуаш тÿналеш?

Васли кугыза. Сай лийшаш!

Пукшымыланда, йÿктымыланда пеш кугу тау!

Пошкудо-влакат вучат…

Айста чыланат тау манын муралтен колтена, тек сурт оза кинде перке ден

ила!

Вÿта тич вольыкда лийже, мÿкш тÿшка йÿштö телым сайын илен

лектышт.

Кугу Юмо пÿршö сурт-печыдамат аралаш полшыжо!

Мотор каче, шокталте, мотор ÿдыр, кушталте!

Мотор ÿдыр ден мотор каче пеш мастарын муралтен кушталтен колтат.

Урем дене ошкыльым

Окнаш ончет шонышым.

Уке улат нигуштат,

Вара кушко йомынат?

Мыйже коштым окмакла,

Кок ий наре почешет.

Öкым ок лий йöраташ,

Тидым ынде мый палем!

Онгыр гае йÿкна ден,

Муралтенат колтена.

Мотор каче танна ден

Кушталтенат моштена!

Озавате. Ой, кузе кертеш, куштырак ший оксам?

Теве, кучыза пöлек шотеш.

Ожно, пеш ожно, куштен моштышо еным эре акленыт кагаз оксам але

ший оксам пöлеклат улмаш.

Мотор каче. Кочкын-йÿын темынна, муралтен колтена гын веле?

Чылан «Ачаж тувырым чиялын» мурым мурат.

Мотор каче. Айста модыш дене модына! (Чыланат модаш келшат).

Озавате Айста «Утем, тивал» ден модына.

Теве мыйын кидыштем пÿгышым кучем

да йодам: утем, тивал.

Ик кидыштемже мужыран пÿгышым кучем – тиде тивал, вес

кидыштемже – мужырдымо, тиде – утем.

Мужыран логалеш гын,

тений я марлан кая, я мужырым муэш.

Кöлан утем логалеш гын, тений эше

марлан ок кай.

(Ÿдыр-влак ÿчаш-ÿчаш утем-тивал ден модыт).

Васли кува. (мыскарам ышташ ÿдыр-влак коклаш пура).

Мыят марлан кайнем, мый кок кидге перен ончем…(пера)

Озавате Тый ик гана огыл, кум гана марлан кает. (чылан воштылыт)

А ынде айста «тасмам шупшын» модына.

Озакува 6 пар тасмам лош налын шогалеш.

Ÿдыр ден рвезе кок могырышко

шогалыт, вÿдышын каласымыж почеш тасма мучашым шупшылшаш улыт.

Коктын иканаште ик тасмам шупшылыт гын, шупшалалтшаш улыт, Уке гын модыш умбакыже шуйна

Мотор каче. Айста таум ыштен муралтен колтена!

Чыланат онго почеш шогалын «Ош лумжо велалеш» мурым мурат.

Ош лумжо велалеш.

Чинчын койын йылгыжеш.

Йÿшто теле эрталеш,

Чевер шошо толдалеш.

Ынде межат каена,

Таум ыштен кодена.

Вес ий угыч ужына,

Шорыкйолым ыштена!

Оза. Теве кузе улмаш! Вес ганат мемнам, пошкудо-влакым ида мондо.

Юмо пÿрымö почеш келшен илаш кÿлеш!

Мочор – влак, гармонь сем почеш «Шорыкйол толеш» мурым мурен порт

гыч кудывечыш лектын, пошкудо суртыш каят.

Шорыкйол толеш пура йуаш да,

Уарня толеш - мунчалташ,

Кугече толеш - лунгалташ,

Семык толеш – тан кучаш.