Сандар сыр шертеді.

Сабақтың тақырыбы: Қайталау. Сандар сыр шертеді      

Сабақтың мақсаты: 1. Оқушылардың математикаға қызығушылықтарын, ынтасын, зейінін, ойын элементтері арқылы арттыру.

2.Ой өрісін кеңейту,логикалық ойлау қабілеттерін дамыту. 

3.Бәсекеге қабілетті тұлға тәрбиелеу, шығармашылыққа баулу.

Сабақтың типі:Кіріктірілген сабақ 

Сабақтың түрі:Брейн-ринг.

Пәнаралық байланыс:Ана тілі. 

Көрнекілігі:Планшет,слайдтар,қоңырау(сигналдық белгі үшін)   

Сабақтың барысы: 1.Ұйымдастыру кезеңі.  (слайд)

                                        Айналаға алақанмен

                                       Жылулықты шашайық.

                                       Сәттілікті біз тілеп,

                                       Сабағымызды бастайық.                     

(слайд) Пифагор портреті.  Ежелгі грек ойшылы Пифагор: «Бәрі- сан» яғни дүниедегінің бәрі-саннан жаралған және саннан тұрады деген екен.

-Бүгінгі математика мен ана тілі сабағымыз бәрімізге таныс ойынның бір түрі «Брэйн-ринг түрінде болмақ.Яғни жарыс түрінде өтеді. 

Бұл ойынды оқушылар бірнеше топқа бөлініп ойнайды.Бұл ойын бірнеше рингтен тұрады.

1.Таныстыру.1-топ.Алғырлар  2-топ.Тапқырлар 3-топ.Ойшылдар 4-топ.Білгірлер

Тапқырлар тобының ұраны: Ой арманын кешеміз,

                                                Ақылды боп өсеміз.

                                                Есепке тұнған әлемнің,

                                                Жұмбақ сырын шешеміз.

Алғырлартобының ұраны:Шаршы алаңда мүдірме

                                              Көп ойланып, кідірме.

Ойшылдар тобының ұраны:Мақсатымыз - білім алу,  

                                                Міндетіміз – еңбектену,

                                               Жеңіске қолды жеткізу.   

Білгірлертобының ұраны:Әрбір адам – туыс,бауыр,жұрағат.

                                             Әрбір сабақ - өнер,білім, ұлағат.    

    1-ринг.Бәйге. (слайд)                  

а) 9 бен 15 сандарының арасында қанша жұп сан бар?            (3)     

ә) Басталатын нүктесі бар сызық.               (сәуле)                  

б) Шаршының периметрі 12 см.,қабырғасы нешеге тең?   (3)      

в) Інісінің 7 асығы бар,ағасының одан 4 асығы артық.Екеуінің неше асығы бар?   (18)       

г) Ең кіші 5 таңбалы санды ата.               (10000)

 Дұрыс жауаптарға геометриялық фигуралар беріледі (топқа).

Дәптермен жұмыс.         Күнді жазу (тақтаға қарау)  (слайд)

               2-ринг. «Шапшаң есепте». (слайд)Математикалық  диктант.  Тек жауабы ғана жазылатыны ескертіледі.

560-ты 2 есе арттыр.                                       (1120)        ( Р) 560-ты 200-ге арттыр.                                      (760)         (А) 250 мен 2 сандарының бөліндісін тап.           (125)         (А) 230 бен 3 сандарының көбейтіндісін тап.      (690)         (Д) 100 бен 4-тің бөліндісінен 5-ті азайтам.         (20)           (С) 4 центнерде неше кг бар?                                 (400)         (Н)

      Оқушылар дәптерлерін ауыстырып бірін-бірі тексереді.(Жауабындағы сандарды өсу ретімен орналастырып сөз оқу)     «САНДАР» Бүгін осы сөзді негізге ала отырып, жұмыс жасаймыз.

-Ендеше, балалар сан дегеніміз не? Сандардың қандай түрлерін білесіңдер? (Топтастыру). Сан- арифметиканың негізгі ұғымы. Сандар: жұп, тақ, көп таңбалы, атаулы сан, натурал сан т.б. Математика саласында сан ұғымы ерекше орын алатыны белгілі.

ІІ Операциялық кезең.

    3-ринг. «Кім жылдам?».(слайд) Тақтамен жұмыс. (Әр есепті түсіндіре отырып шығарады. 4    топқа, бұрыштап бөлу, бағандап көбейту, қалдықпен бөлуге есептер шығару.) №3, №4 149-бет

 580*40=23200                   542400:600=904                 74267:70=1060(67қ.)             74200:70=1060

542489:600= 904 (89қ.)     74239:70= 1060(39қ.)      542593:600= 904(193қ.)          260*70=18200

     4-ринг. «Ғажайып үштік». Арифметика. Логика. Жұмбақ.  (Сергіту сәті ретінде)  

                 Дұрыс жауаптарға геометриялық фигуралар беріледі.(топқа)

   Арифметика- 4-тің 3 дәрежесі         (64)

  Логика- Бес бұтақты ағашта

                  Бұтақ сайын бес алма.

                  Біреуін бер Алашқа

                  Қалады сонда қанша алма?      (24)

  Жұмбақ-Бір-бірімен жарысқан

                   Төрт аю, бір арыстан.

                   Екі қой мен бір түлкі,

                   Бәрі нешеу кім білді?          (8)       

 5-ринг. «Сандар сыры».Топпен жұмыс. 

  - Балалар, бүгін бізде 5-ші сыныпта сендерге әдебиет пен қазақ тілі пәндерінен сабақ беретін апайларың Кулпеиісова Сабира  Ізбасаровна ортамызда.  

        Әр топ өз топтарының түстеріне байланысты(сары,көк,қызыл,жасыл) санды таңдайды да,топтастырады.  (слайд)

               1-топ.                           7 санына байланысты ұғымдарды ата.

               2-топ.                           3 санына байланысты ұғымдарды ата.

               3-топ.                           5 санына байланысты ұғымдарды ата.

               4-топ                            4 санына байланысты ұғымдарды ата.   

Мысалы:          «7» Ата, күн, қазына, құбылыс, керемет....

                         «3» жүз,   би, қуат, көз, бәйтерек.... 

                          «5» жаратылыс, анық,  қару, асыл,  дұшпан.. ..      

                         «4» құбылыс, асыл....   

    Қорытынды кезең.  Әр топ жетекшісі өздерінің ұпай сандарын есептеп шығарады.   

   Үйге тапсырама: № 5, 8. (150-бет).  Есеп құрау.  (слайд)

  Оқушылар білімін бағалау, мадақтау. Жеңген топқа қошемет көрсету.

       -Біз балалар бүгінгі сабақта нөлмен аяқталатын санға көбейту, бөлу, сәйкес қалдықпен бөлуді қайталап, пысықтай отырып сандар сырына да тоқтала кеттік.

   (слайд)   Ғылым жолы бірде жеңіл, бірде қатты.

                 Ақыл ойлар әлемді арбап алды.

                 Математика ғылымдардың  патшасы атты

                 Таңырқатып, аңыз қылған адамзатты.

                 Келер ұрпақ Даналарға ұқсап туса

                 Аристотель,Пифагор,Әл-Фараби жолын қуса,

                 Елімнің болашағы гүлденеді

                 Ғылымның шамшырағы жанып тұрса... - дегендей сендерде болашақта математика ғылымының тереңіне бойлап Ә. Ермеков, О. Жәутіков ағаларымыз сияқты математика ғылымын игеретін қазақ елінің азаматтары болатындарыңа сенемін.