Сабақтың тақырыбы: Маңғыстаудың Маршалы

Сабақтың тақырыбы: Маңғыстаудың Маршалы

Сабақтың мақсаты:М.Әбдіхалықов өмірі мен шығармашылығы туралы мағұлмат беру,оқушылардың әдебиетке деген қызығушылығын арттырып,олардың дүниетанымын,ой-өрісін кеңейту арқылы таным,білім дағдыларын қалыптастыру;туған елін,тілін ,тарихын сүюге тәрбиелеу.

Сабақтың көрнекілігі: портреті,шығармалары,слайдтар,қанатты сөздер.

Жүргізуші:

Армысыздар,ағайын,

Көненің көрген талайын.

Шежіре-тарих мұхиттың

Ашайын сұлу сарайын.

Маршалдай ғалым дананың

Әлемін аралап қайтайық,

Өйткені қазақ қашанда

Ұлықтауға ұлын сай халық!

Рухани жанға бай халық!

-Құрметті оқушылар,ұстаздар!Маңғыстау топырағының төл перзенті,сөз зергері журналист,драматург,аудармашы,өлке тарихын зерттеуші Маршыл Әбдіхалықовтың 80 жылдық мерейтойы қарсаңында өткізгелі отырған «Маңғыстаудың Маршалы»атты тәрбие сағатына қош келдіңіздер!

Туған жер қойны толы үлгі-аңыздар,

Жырласаң, ұлыларды жырлаңыздар!

Жазушы өмірінен бір үзік сыр,

Ден қойп,құлақ салып тыңдаңыздар!

Жазушы өміріненбір үзік сырды екі оқушы айтады.

Дюисалиев Бекарыс -7 «а»сынып оқушысы

Жолдыбаева.Г мұражайды таныстырады.

Жүргізуші:

Кең дүние арасынан

Алып өмір сыбағасын,

Жазушы ,ғалым баласына

Елі берген шын бағасын.

Жазушыға арнау өлеңдер

«Маршал атаға арнау»өлеңі,авторы Қосжанова Тұрсынгүл,оқитын Сираж Айбек

Өз орны бар әдебиет көгінде,

Өз ізі бар салып кеткен өмірде.

Біртуар жан-Маршал ата кемеңгер

Сығындыда келген екен өмірге.

Қазіргі кез көп айтылмас Сығынды,

Ақшұқырдың атауы екен бұрынғы.

Осы ауылда ең алғашқы мұғалім,

Әміржандай болыпты ұстаз білімді.

Ол кезде ұстаз болады ғой жан-жақты,

Әбекең де көптен кейін қалмапты.

Сол жыл шыққан Маршал деген атақты,

Өз ұлына есім етіп таңдапты.

Төрт жылдан соң жойқын соғыс басталды.

Әміржан да қан майданға аттанды.

Оралмады ол,артта қалған қос ұлдың,

Жүрегінде тек бейнесі сақталды.

Арылмаған аспанынан мұзды ызғар,

Ауыр жылдар,сұсты жылдар,сұм жылдар.

Балалық шақ сол кездерге тап келіп,

Жарқырама қалды қанша жұлдыздар.

Бірақ Маршал орта жолда қалмады,

Оқу болып ең негізгі арманы

Қайсар ұлан қиындықтан қаймықпай,

Арманына жетер жолдан таймады.

Маңғыстаудан алғашқының бірі боп,

Алматы асты оқу іздеп ірірек.

Талайларға арман болған КазГУ-ге

Іркіліссіз студент боп ілінед.

Оқудан соң көп кідірмей ауылда,

Тура келді Алматыға қайтуға.

Алғыр ойлы,білімді де ақылды

Керек болды астаналық қауымға.

Маңғыстаулық алғыр жігіт дарынды,

Еңбек етті есепсіз де қарымды.

Жазушылық,зерттеушілік,аударма,

Талантының сан қырымен танылды.

Берекет,Нұн,Әбіш болды жолдасы,

Үйі болды Маңғыстаудың ордасы.

Елге сыйлы,кішілерге аға боп,

Секілденді нағыз Маршал қолбасы!

Амандық Гүлмира «Маңғыстаудың Маршалы»

Есіміңіз қалған сақталып,

Айтамыз оны мақтанып.

Мектебім-алтын қазығым

Болашаққа басқан қадам нық.

Қаламгер ата абызым,

Өзіңді білу парызым.

Туындыңмен өтелді,

Туған елге қарызың.

Жасасын мәңгі бақыт күн,

Сырыңды сенің шалқыттым.

Көкейде қалдың сақталып,

Құрбаны болған уақыттың.

Сөзімен тіл бітірген қара тасқа,

Бүгінде Маршал ата 80 жаста.

Еске алып жатыр елің нұр бейнеңді,

Желеп,жебеп жатқайсың туған елді.

Құрметті оқушылар,өмірінің соңғы күндеріне дейін қаламын қолынан түсірмеген,өзіндік қаламгерлік қарымы бар өлкеміздің тұңғыш жазушысы,халқының адал ұлы М.Әбдіхалықовтың 80 жылдық мерей тойына орай өткізілген «Маңғыстаудың Маршалы»атты тәрбие сағатын аяқтаймыз