4-sinf
Ona tili
JIYDA
Jiyda tez o’sadigan, serhosil daraxtdir. Jiyda Amudaryo va Sirdaryo bo’ylaridagi to’qaylarda ko’plab o’sadi. Dalalarimizda , bog’larimizda yirik-yirik jiydalar va mevasi mayda,serhosil, shirasi kamroq,xoldor jiyda navlari ham bor.
Jiyda bahorda xushbo’y, sariq, pushti gulkosalarini yozib, yoqimli hid taratadi va hasharotlarni,asalarilarni o’ziga tortadi. Jiydaning mevasi yoz bo’yi o’sadi va kuzga borib sarg’ayib, qizarib pishadi.
Jiyda mevasini yig’ishda shox-shabbalarini nobud qilmaslik lozim. Aks holda , kelgusi yil hosiliga zarar yetadi. Jiyda foydali meva, uni odamlar qadim zamonlardan buyon iste’mol qilib kelganlar.Jiydaning tarkibida organizm uchun foydali bo’lgan qand moddasi ko’p.
Topshiriq:
1.To’rtinchi gapdagi belgini bildirgan so’zlarni toping va ostiga to’lqinli chiziq chizing.
2.Uchinchi gap tarkibidagi yasama so’zlarni topib,asos va qo’shimchaga ajrating.