"Хайуанаттар бағында"

«Борас орта мектеп-бақша» КММ

Ертегі сабақ

4-сынып

Мұғалім Л.К. Диханбекова

Сабақтың тақырыбы. Хайуанаттар әлемінде. 4-сынып

Сабақтың мақсаты:

Білімділік: оқушылардың жануарлар тақырыбы бойынша білімдерін жинақтау, жүйелеу. Қазақ тілінің жалғаулары туралы білімдерін бекіту.

Дамытушылық: оқушылардың ойлау қабілетін дамыту, үйренген сөздерді мен сөз тіркестерінен сөйлем құрап үйрету, сөйлеу мәдениетін қалыптастыру, сөздік қорын молайту. Грамматикалық тапсырмаларды саналы түрде түсініп орындау.

Тәрбиелік: әдептілікке, ұжымдылыққа, табиғатты және қоршаған ортаны сүюге тәрбиелеу.

Әдіс: жаңа технология стратегиялары: ой қозғау, сұрақ− жауап, топтастыру, әңгімелеу, диалог құрау.

Түрі: қайталау, білімді нақтылау.

Типі: дәстүрден тыс (Ертегі сабақ).

Көрнекілігі: суреттер, үлестірмелі кәртішкелер, бейнетаспалар, жемістер.

Пәнаралық байланыс: әдебиет, дүниетану.

Сабақтың барысы:

І Ұйымдастыру кезеңі.

1. «Жүректен жүрекке»- комплимент айту;

ІІ Топқа бөліну. Оқушыларды сабақтың тақырыбымен, мақсатымен таныстыру.

Мұғалім: − Балалар, алдымен қазір біз сендермен мультфильм көріп тамашалайық.

/Мультфильмінен үзінді көру/

Мұғалім: − Балалар, бүгінгі біздің сабағымызда орыс жазушы Корней Чуковскийдің «Қайырымды дәрігер Айболит» ертегісі бойынша өткіземіз. Сол Қайырымды дәрігер Айболит − мен боламын, ал сендер менің көмекшілерім боласыздар. Біз қолымыздан келгенше, көмек сұраған барлық жануарларға көмектесеміз. Екі топқа бөлініп, топтың атын анықтайық.

1. Ұлдарға жасыл түсті кәртішке беріледі, қыздарға тоқсары кәртішкелер беріледі. Енді жасыл түсті кәртішке алғандар бірінші топқа, тоқсары түсті алғандар екінші топқа отырыңдар.

   • Сұрақ-жауап:

   • Орыс алфавитінде неше әріп бар?

   • Қазақ алфавитінде неше әріп бар?

   • Қазақ тіліне тән дыбыстар нешеу?

   • Оларды кім атап береді?

2. Тапсырма: кәртішкелерде әріптер берілген. Берілген сандардың орнына қазақ алфавитінен сәйкес әріпті қойып, сөз тіркес құру керек.

Бірінші топ: 28,13,10,1,18,26,1,23,16,1,23,37 (Үй жануарлары)

Екінші топ:10,1,3,1,13,37,1,19,7,1,23 (Жабайы аңдар) (көмекке алфавит беру)

ІІІ Өткенді қайталау. Деңгейлік тапсырмалар орындау

1. Түлкі:

− «Ой, мені маса шағып алды!», −дейді.

Қайрымды Айболит дәрігер: − Қане, балалар, түлкіге көмектесейік.

• «Үй жануарлар» тобына сөзжұмбақтағы берілген сөздерге сұрақ құру керек.

Жолбарыс, тасбақа, агриппина.қолтырауын, горилла, керік, піл, аю, гепард.

• «Жабайы аңдар» тобына үй жануарлардың өз төлін тауып алуға көмектесіңдер. /Топқа ойлануға 2 минут уақыт беріледі, содан кейін тақтаға шығып көрсетеді/

«Сәйкесін тап» /слайд №1/

1. Жылқының төлі. . қозы

2. Сиырдың төлі. .. құлын

3. Түйенің төлі... бұзау

4. Қойдың төлі... лақ

5. Ешкінің төлі... бота

6. Иттің баласы … күшік

7. Мысықтың баласы марғау

/слайд №2 «Сәйкесін тап» тапсырмасының дұрыс нұсқасымен тексеру /

Қайрымды Айболит дәрігер: «Балалар, біз түлкіге көмектестік, ол бізге рахметін айтып жатыр.»

1. Қоян: − Дәрігер, менің басым ауырып тұр, көмектесіңізші!

Айболит дәрігер:

- Балалар, қоянға көмектесеміз бе? Ол үшін:

• «Үй жануарлар» тобына «Сәбіз» сөзін тәуелдеу керек

І жақ Менің сәбізім І. Біздің сәбізіміз

ІІжақ Сенің сәбізің ІІ. Сендердің сәбіздерің

Сіздің сәбізіңіз ІІ. Сіздердің сәбіздеріңіз

ІІІжақ Оның сәбізі ІІІ. Олардың сәбіздері

• «Жабайы аңдар» тобына берілген әріптерден жасырылған сөзді табу керек.

қ	а	ж	м
а	п		а
р	ы	о	р

Айболит дәрігер: - Балалар, сендер қоянға көмектестіңдер. Ол өте риза болды.

Сергіту сәті. Би.

Жеделхат.

- Балалар, бізге 2 жеделхат келді, бірақ бірінші жеделхаттың біраз жері суланып өшіріліп қалыпты. Сөздердің жалғауларын дұрыс қосуға көмектесіңдер.

1) «Үй жануарлар» тобына. /Слайдта мәтін/

Хайуанаттар бағында.

Диана шешесімен хайуанат (тар) бағына барады. Хайуанаттар бағын.. (неде?) аң (нелерді?) көрді. Диана керік (нені?), маймыл (нелерді?), аю (нелерді?), арыстан (нелерді?), түлкі (нелерді?) бірінші рет көрді. Дианаға хайуанаттар бағында ұнады.

Екінші жеделхат жыртылып қалды. Оның сөйлемдерін дұрыс құру керек.

2) «Жабайы аңдар» тобына «Логикалық тізбек» (қиылған қағаздар)

1. Ең үлкен жануар  (кит)

2. Ең ауыр салмақты жануар  (піл)

3. Ең үлкен маймыл (горилла)

4. Өте күшті жыртқыш (жолбарыс)

5. Ең биік жануар (керік)

6. Аңдар патшасы (арыстан)

7. Пілден кейін ауыр салмақты жануар қайсы? (зіл)

8. Ең қорқақ аң (қоян)

9. Ең жүйрік аң (гепард)

10. Құстардың ең кішкентайы (колибр)

Айболит дәрігері:

- Балалар, сендер жеделхаттағы бүлініп қалған жерлерін түзеттіңдер, рахмет.

Су сиырдың баласы. Тест шешу.

- Бізге тағы кім келіп тұр? Су сиырдың баласы: - Менің ішім ауырып тұр.- дейді.

- Оған көмектесесіңдер ме?

Тест шешу. (Оқушыларды жеке-жеке отырғызу қажет.)

1-2 нұсқа беріледі. Тестке 4 минут беріледі.

(орындап болғаннан кейін бір-бірін тексеріп бағалайды, критерийлік бағалау)

«5» - 5-6 дұрыс жауап

«4» - 3-4 дұрыс жауап

«3» - 1-2 дұрыс жауап

«2» - 0

Тіл дамыту арналған ойын. «ҚҰПИЯ СӨЗ»

- Балалар, жануарлар немен қоректенеді?

− Жемістермен, көкөністермен.

− Ондай болса, балалар, қазір сендермен «ҚҰПИЯ СӨЗ» ойынын ойнаймыз. Тақтаға бір оқушы шығады. Мен қазір жемістердің суретін көрсетіп тұрамын, ал сендер оны атамай сипаттап бересіңдер. Тақтаға шығып тұрған оқушы суретке қарамай оны табу керек. /мен сипаттауға көмектесемін/

Үйге тапсырма. 184 бет 6 тапсырма

Қорытынды. Рефлексия. (саусақтарымен)

Айболит:

- Сендерге сабақ ұнады ма? Қандай тапсырма қиын болды?

- Балалар, сендер бүгін жақсы жұмыс істедіңдер. Барлық жануарларға көмектестіңдер. Олар өте риза. Сендерге рахметтерін айтып жатыр. Осымен біздің ертегі- сабағымыз аяқталды. Келесі кездескенше, сау болыңыздар!