Hissələr,kəsrlər dərsinin icmalı

Müəllim: Əhədova Aynurə

Azərbaycan dili (III sinif)

Mövzu:”Hissələr, kəsrlər”

Standartlar:

• 1.1.8. Ədədin hissəsi anlayışını başa düşdüyünü nümayiş etdirir.

• 1.3.7. Ədədin hissəsini və hissəsinə görə ədədi tapır.

Məqsəd:( gözlənilən şagird nailiyyəti)

• Kəsrin tamdan kiçik olduğunu başa düşür.

• Kəsrin tamın bərabər hissələrini ifadə etdiyini başa düşür.

• Şəklə görə bütövün müəyyən hissəsini sözlə və kəsrlə ifadə edir.

• Şəklə görə əşya qrupunun müəyyən hissəsini sözlə və kəsrlə ifadə edir.

• Kəsrin surətinin və məxrəcinin nəyi ifadə etdiyini başa düşür.

İnteqrasiya: Azərbaycan dili, Təsviri incəsənət

Dərsin tipi: İnduktiv.

İş forması: Kollektiv və kiçik qruplarla iş.

Üsullar: Beyin həmləsi, müzakirə.

Resurslar: Dərslik, şəkillər, iş vərəqləri, kompüter, proyektor.

Dərsin gedişi:

Motivasiya:(10 dəq)

Proyektor vasitəsilə:

“ Ac kirpi” nağılı nümayiş etdirilir:

Bir gün kirpi bərk acmışdı. O, meşədə özünə yem axtarmağa başladı.Birdən alma ağacından bir almanın düşdüyünü gördü. Cəld almanı götürdü. Almanı yemək istəyirdi ki, bir səs eşitdi.

-Dostum, mən də acmışam, almanı birgə yeyək?

Almanı tapan kirpi dedi:

- Yaxşı, gəl almanı iki bərabər hissəyə bölək.

Kirpilər almanı aralarında bərabər böldülər.

Suallar verilir

-Uşaqlar, hər kirpiyə nə qədər alma düşdü?

Tədqiqat sualı:- Hər kirpiyə düşən almanı riyazi olaraq necə ifadə etmək olar?

-Hər kirpiyə almanın bir hissəsi düşür.

Tədqiqatın aparılması:(10 dəq)

Dərsliklə iş aparılır.Şagirdlər dərslikdəki və iş dəftərindəki tapşırıqları elektron lövhədə yerinə yetirirlər.

Qruplarla iş: Qruplara iş vərəqləri paylanılır:“ Hər qrupa düzgün həll etdiyi tapşırığın əvəzinə sözlər veriləcək. Sonuncu tapşırığı yerinə yetirdikdən sonra qrup liderləri verilən sözlərdən Azərbaycanın ən gözəl guşələrindən biri olan, 8 may 1992- ci il tarixində mənfur düşmənlərimiz tərəfindən işğal olunan "Şuşa"ya aid cümlə quracaqlar.” (hər qrupa müxtəlif cümlələr verilir)

Məlumat mübadiləsi:(10 dəq)

Qrup işləri tamamlanır. Hər qrupun nümayəndəsi öz işlərinin nəticəsını təqdim edir. Müzakirələr aparılır. (5 dəq)

Nəticə və ümumiləşdirmə:(3 dəq)

Müəllim: Gəlin dərsin əvvəlində qoyduğumuz tədqiqat sualına qayıdaq. Tədqiqatlardan sonra məlum oldu ki, bütöv olmayan tamın bir hissəsidir və bu hissə kəsrlə göstərilir.

Yaradıcı tətbiqetmə:(2 dəq)

“Verilmiş kəsrlərə uyğun fiqurları rəngləyin.

Ev tapşırığı:

“Mövzuya aid məsələ tərtib edin.

Qiymətləndirmə:(5 dəq)

Meyar cədvəlinə əsasən qiymətləndirmə aparılır.

QİYMƏTLƏNDİRMƏ CƏDVƏLİ