,, Գործողությունների կատարման քայլաշար,,

Թեման: Գործողությունների կատարման քայլաշար

Թեմայի նպատակը և խնդիրները

1. Գիտելիքների համակարգ։

• Իմանա ինչ է գործողությունների կատարման քայլաշարը

• Իմանա անհայտ բաղադրիչը գտնելը

• Իմանա ինչ է մագական քառակուսին

• Իմանա գումարման հատկությունները

• Իմանա ինչ է խնդիրը, դրա լուծման քայլաշարը

1. Կարողություններ և հմտություններ։

• Կարողանա կազմել տարբեր գործողությունների քայլաշարեր

• Կարողանա գտնել անհայտ բաղադրիչը

• Կարողանա գումարել՝ կիրառելով տեղափոխական և զուգորդական հատկությունները համատեղ

• Կարողանա մաթեմատիկական պնդումներին տալ բառային ձևակերպումներ

• Կարողանա կազմել խնդրի լուծման քայլաշար և լուծել խնդիրը

• Կարողանա ըստ տրված քայլաշարի կատարել գործողություններ

• Կարողանա անել դատողություններ և եզրահանգումներ

Արժեքային համակարգ։

• Գիտակցի քայլաշարերով աշխատելու առավելությունը

• Կարևորի ուշադիր և կենտրոնացված աշխատանքը

Ուսումնական խնդրի առաջքաշում

• Քանի որ այս դասի հիմնական նպատակն է ,որ աշակերտները հասկանան ինչ է գործողությունների կատարման քայլաշարը, կարևորեն դրանցով աշխատելու առավելությունը, ուստի կարելի է ձևակերպել այնպիսի հարցադրումներ, որոնց պատասխանը կենթադրի որոշակի գործողությունների քայլաշար:

• Օրինակ՝ ներկայացնել ձեր հաջորդական քայլերը մինչև դպրոց գալը:

• Արթնանալ, լվացվել, հագնվել…… ամեն մեկը ներկայացնում է իր օրվա սկիզբը: Հետո ուսուցիչը կարող է ասել, որ դրանք իրար հաջորդող գործողությունների քայլեր են, որ միասին կազմում են քայլաշար՝ որոշակի գործողությունների հաջորդականուոթյուն, տրված աշխատանքը կատարելու համար:

Առաջադրանք 190

• Նախքան առաջադրանքին անցնելը պարզել, թե աշակերտները ինչպե՞ս են անցնում փողոցը լուսացույցի օգնությամբ:Հերթական քայլերը համարակալելով կարելի է գրել գրատախտակին, ապա առաջարկել կարդալ Այգի առաջարկած տարբերակները , համեմատել, սովորել նաև գործողությունները ոչ միայն նկարագրությամբ, այլև գծապատկերով ներկայացնելը:

• Առաջադրանք 191

• Նախ կրկնել ինչպես գտնել անհայտ գումարելին, նվազելին, հանելին: Առաջադրանքի նպատակն է ամրապնդել անհայտ բաղադրիչը գտնելու կարողությունները:

• Առաջադրանք 192

• Պահանջվում է ըստ գծապատկերով տրված քայլաշարի կազմել արտահայտություն և լրացնել աղյուսակը: Քննարկել, բացատրել, որ աղյուսակի առաջին տողում տրված են a -ի տարբեր արժեքներ, իսկ երկրորդ տողը լրացնելու համար անհրաժեշտ է հաշվել ըստ գծապատկերի տրված արտահայտությոն արժեքը a -ի յուրաքանչյուր արժեքի համար:

• a

• .3 a*3+15

  

• +15

• վերջ

  a	5	8	10
  a.3+15	30	39	45

• Փորձել ներկայացնել քայլերը:

• 5.3+15=30

• 8*3+15=39

• 10*3+15=45

• Ապա ճիշտ նույն սկզբունքով կազմել արտահայտություն մյուս գծապատկերի համար և լրացնել աղյուսակը:

• Առաջադրանք 193

• Այս խնդրի նպատակն է, որ աշակերտները կարողանան լուծելու համար ներկայացնեն քայլաշարը: Դրա համար կատարում ենք վերլուծություն՝ ինչ պիտի գտնենք և ինչ ունենք: Որպեսզի գտնենք 2դասարաններում աշակերտների ընդհանուր թիվը, անհրաժեշտ է նախ գտնել 9-րդ և 10-րդ դասարաններում առանձին աշակերտների թիվը, իսկ դրա համար, առանձին աղջիկների թիվը յուրաքանչյուրում: Կազմենք քայլաշարը՝

• 1/ Նախ հաշվել քանի աղջիկ է սովորում 9-րդ դասարանում՝ 12+4 =16 աղջիկ

• 2/ Ապա հաշվել քանի աշակերտ է սովորում 9-րդ դասարանում՝12+16=28 աշակերտ

• 3/ հաշվել քանի աղջիկ կա 10-րդ դասարանում՝ 17-5= 12 աղջիկ

• 4/ Ապա հաշվել քանի աշակերտ է սովորում 10-րդ դասարանում՝17+12=29 աշակերտ

• 5/ Հշվել 2 դասարաններում աշակերտների թիվը՝ 28+29=57աշակերտ ընդամենը

• բ/ 9-րդ դաս. – 25 տնկի,որը 7-ով

• 10-րդ դաս. - ? տնկի

• Ընդամենը – 60 տնկի

• Մնաց - ?տնկի

• Նորից կատարում ենք վերլուծություն: Ինչ գիտենք և ինչ պիտի գտնենք: Կազմենք քայլաշարը՝

• 1/ Նախ քանի տնկի են տնկել 10-րդ դասարանցիները՝ 25-7 =18 տնկի

• 2/ Քանի տնկի են տնկել 2 դասարանները միասին՝ 25+18= 43 տնկի տնկել են

• 3/ Քանի տնկի մնաց տնկելու՝ 60-43= 17 տնկի մնաց