Автобиография Света

Автобиография

Мен, Күлчоро кызы Света 1995-жылдын 19-июнунда Кыргыз Республикасынын Жалал-Абад облусунун Токтогул районуна караштуу Сары-Сөгөт айылында жарык дүйнөгө келгем. Үй-бүлөөдө беш бир туугандын үчүнчүсүмүн. Мектеп жашыма чейин ата-энемдин колунда тарбиялангам. 2002-жылы №21 Ыбыш Алымбеков атындагы орто мектебинин биринчи классына кабыл алынгам. Мектепте окуу мезгилинде физика жана химия сабактары боюнча мектеп аралык олимпиадаларга катышкам. 2013-жылы жогоруда аты аталган мектепти жакшы жана эң жакшы деген баалар менен аяктап, Бишкек шаарындагы Ишенаалы Арабаев атындагы Кыргыз Мамлекеттик Университетинин «Физика-математикалык билим берүү жана маалыматтык технологиялар» факультетининин “Физика” адистигине бюджеттик орунга илинип, билимимди андан ары уланта баштадым. 2017-жылы университетти ийгиликтүү аяктадым. Ошондой эле жогоруда аты аталган университеттин ФМББ жана ИТ факультетинин “Иформациялык технологиялар” профилинин магистрантымын.

Кесибим боюнча окууну бүткөн жылдан тарта Шопоков шаарындагы №1 гимназия мектебинде 1 жарым жыл иштеп, ал эми азыркы учурда Токтогул районунун Бел- Алды айыл өкмөтүнө караштуу №22 Мукаш Жамгырканов атындагы орто мектебинде физика, информатика адистиги боюнча иштеп жаткан учурум.